২০২৬ চন

২০২৬ (দুহাজাৰ ছাব্বিশ চন; MMXXVI) এটা সাধাৰণ বছৰ, যিটো গ্ৰেগৰিয়ান বৰ্ষপঞ্জী অনুসৰি বৃহস্পতিবাৰৰপৰা আৰম্ভ হয়। ই ৩য় সহস্ৰাব্দৰ ২৬ বছৰ আৰু একবিংশ শতিকা আৰু ২০২০ দশকৰ সপ্তম বছৰ।

২০২৬ চনৰ ঘটনাৱলী

জানুৱাৰী

• ১৯ জানুৱাৰী: ভাৰতীয় জনতা পাৰ্টীৰ নতুন ৰাষ্ট্ৰীয় সভাপতি হিচাপে নীতিন নবীন নিৰ্বাচিত হয়।
• ২০ জানুৱাৰী: অসমৰ কোকৰাঝাৰত এজন যুৱকৰ হত্যাকাণ্ডক কেন্দ্ৰ কৰি হোৱা হিংসাত্মক সংঘৰ্ষত দুজন লোকৰ প্ৰাণহানি হয়।
• ২৬ জানুৱাৰী: নতুন ইউজিচি বিল ২০২৬-ক বিৰোধিতা কৰি ভাৰতজুৰি শিক্ষাৰ্থী আৰু শিক্ষক সমাজৰ প্ৰতিবাদ আৰম্ভ হয়।
• ২৭ জানুৱাৰী: ভাৰত আৰু ইউৰোপিয়ান ইউনিয়নই মুক্ত বাণিজ্য চুক্তি (FTA)ৰ বাবে আলোচনা সমাপ্ত কৰে।^১
• ২৮ জানুৱাৰী: মহাৰাষ্ট্ৰৰ উপ-মুখ্যমন্ত্ৰী অজিত পাৱাৰকে ধৰি পাঁচজন লোক বাৰামতীত এখন লেয়াৰজেট ৪৫ বিমান দুৰ্ঘটনাত নিহত হয়।
• ২৯ জানুৱাৰী: ভাৰতৰ উচ্চতম ন্যায়ালয়ে ইউজিচি ইকুইটি ৰেগুলেচন, ২০২৬-ৰ কাৰ্যকৰীকৰণৰ সন্দৰ্ভত সাময়িক স্থগিতাদেশ জাৰি কৰে।

ফেব্ৰুৱাৰী

• ২ ফেব্ৰুৱাৰী: ভাৰত আৰু আমেৰিকা যুক্তৰাষ্ট্ৰৰ মাজত বাণিজ্যিক আলোচনাৰ ক্ষেত্ৰত গুৰুত্বপূৰ্ণ অগ্ৰগতি হয়। পৰৱৰ্তী যৌথ ঘোষণাত ভাৰতৰ ওপৰত প্ৰযোজ্য পাৰস্পৰিক শুল্ক ১৮%লৈ হ্ৰাস কৰাৰ কথা ঘোষণা কৰা হয়।^২
• ৪ ফেব্ৰুৱাৰী: মণিপুৰত ৰাষ্ট্ৰপতি শাসনৰ অন্ত পৰে আৰু য়ুমনাম খেমচান্দ সিঙে ৰাজ্যখনৰ মুখ্যমন্ত্ৰী হিচাপে শপত গ্ৰহণ কৰে।
• ৫ ফেব্ৰুৱাৰী: মেঘালয়ৰ পূব জয়ন্তীয়া পাহাৰ জিলাৰ এটা অবৈধ কয়লা খনিত হোৱা বিস্ফোৰণত কমেও ১৮জন শ্ৰমিকৰ মৃত্যু হয়।^৩
• ৬ ফেব্ৰুৱাৰী: ইটালীৰ মিলান আৰু কৰ্টিনাত ২০২৬ চনৰ শীতকালীন অলিম্পিক ক্ৰীড়া মহোৎসৱৰ শুভাৰম্ভ হয়।^৪
• ৭ ফেব্ৰুৱাৰী: ভাৰত আৰু শ্ৰীলংকাৰ যৌথ আয়োজনত ২০২৬ চনৰ পুৰুষ টি-২০ বিশ্বকাপ ক্ৰিকেট প্ৰতিযোগিতা আৰম্ভ হয়।
• ১৬ ফেব্ৰুৱাৰী: নতুন দিল্লীৰ ভাৰত মণ্ডপমত ভাৰত-এআই ইমপেক্ট ছামিট ২০২৬ (India AI Impact Summit 2026) আৰু এআই ইমপেক্ট এক্সপ'ৰ কাৰ্যসূচী আৰম্ভ হয়।^৫
• ১৯ ফেব্ৰুৱাৰী: নতুন দিল্লীত ভাৰত-এআই ইমপেক্ট ছামিটৰ মূল উদ্বোধনী অনুষ্ঠান অনুষ্ঠিত হয়।^৬
• ২১ ফেব্ৰুৱাৰী: গুৰুত্বপূৰ্ণ খনিজ পদাৰ্থ আৰু বিৰল ভূ-উপাদানৰ ক্ষেত্ৰত সহযোগিতা বৃদ্ধিৰ বাবে ভাৰত আৰু ব্ৰাজিলৰ মাজত দ্বিপাক্ষিক চুক্তি সম্পৰ্কে ঘোষণা কৰা হয়।

মাৰ্চ

• ৮ মাৰ্চ: ভাৰতে নিউজিলেণ্ডক ৯৬ ৰানত পৰাস্ত কৰি ২০২৬ চনৰ আইচিচি পুৰুষ টি-২০ বিশ্বকাপ খিতাপ জয় কৰে। ভাৰত প্ৰথমটো দল হিচাপে একেৰাহে দুবাৰ টি-২০ বিশ্বকাপ খিতাপ জয় কৰে।^৭
• ১৩ মাৰ্চ: প্ৰধানমন্ত্ৰী নৰেন্দ্ৰ মোদীৰ অসম ভ্ৰমণৰ সময়ত অসম মালা ৩.০-ৰ ভূমি পূজন সম্পন্ন হয়। এই আঁচনিৰ অধীনত ৰাজ্যখনত ৯০০ কিলোমিটাৰতকৈ অধিক পথ নিৰ্মাণৰ পৰিকল্পনা কৰা হয়।^৮
• ১৪ মাৰ্চ: প্ৰধানমন্ত্ৰীৰ অসম ভ্ৰমণৰ দ্বিতীয় দিনা চাহ বাগিচাৰ শ্ৰমিকসকলৰ বাবে ভূমিৰ অধিকাৰ আৰু বিভিন্ন আন্তঃগাঁথনি প্ৰকল্পৰ সৈতে জড়িত কাৰ্যসূচী অনুষ্ঠিত হয়।^৮
• ২৮ মাৰ্চ: ২০২৬ চনৰ অসম বিধানসভা নিৰ্বাচনৰ প্ৰস্তুতিৰ অংশ হিচাপে নিৰ্বাচন সম্পৰ্কীয় বিভিন্ন প্ৰক্ৰিয়া আগবাঢ়ে।

এপ্ৰিল

• ৯ এপ্ৰিল: ২০২৬ চনৰ অসম বিধানসভা নিৰ্বাচনৰ ১২৬টা বিধানসভা সমষ্টিতে ভোটগ্ৰহণ অনুষ্ঠিত হয়।^৯
• ১৮ এপ্ৰিল: বিশ্ব ঐতিহ্য দিৱস উপলক্ষে অসমৰ বিভিন্ন ঐতিহাসিক আৰু প্ৰাকৃতিক ঐতিহ্যস্থলীত সজাগতা কাৰ্যসূচী অনুষ্ঠিত হয়।

মে'

• ৪ মে': অসম বিধানসভা নিৰ্বাচনৰ ভোটগণনা অনুষ্ঠিত হয়। ১২৬টা সমষ্টিৰ ফলাফল ঘোষণা কৰা হয়। ভাৰতীয় জনতা পাৰ্টীয়ে ৮২খন, ভাৰতীয় জাতীয় কংগ্ৰেছে ১৯খন, বড়োলেণ্ড পিপলছ ফ্ৰণ্টে ১০খন আৰু অসম গণ পৰিষদে ১০খন আসন লাভ কৰে।^১০
• ৮ মে': অসম চৰকাৰৰ সাংস্কৃতিক পৰিক্ৰমা দপ্তৰৰ উদ্যোগত সুধাকণ্ঠ ভূপেন হাজৰিকাৰ স্মৃতিত বিভিন্ন সাংস্কৃতিক কাৰ্যসূচী অনুষ্ঠিত হয়।
• ১৫ মে': ভাৰত বতৰ বিজ্ঞান বিভাগে উত্তৰ-পূব ভাৰতত প্ৰাক্-মৌচুমী বৰষুণ আৰু ধুমুহাৰ সম্পৰ্কে সতৰ্কবাণী জাৰি কৰে।
• ২০ মে': গুৱাহাটীত উত্তৰ-পূৰ্বাঞ্চলৰ উন্নয়ন আৰু বাণিজ্য সম্প্ৰসাৰণক কেন্দ্ৰ কৰি উদ্যোগিক সন্মিলন অনুষ্ঠিত হয়।
• ২৪ মে': বিশ্ব পৰিভ্ৰমী পক্ষী দিৱস উপলক্ষে অসমৰ বিভিন্ন জলাশয়ত পৰিভ্ৰমী পক্ষী আৰু জলাশয় সংৰক্ষণ সম্পৰ্কে সজাগতা কাৰ্যসূচী অনুষ্ঠিত হয়।
• ৩১ মে': বিশ্ব ধঁপাতবিৰোধী দিৱস উপলক্ষে অসমৰ বিভিন্ন স্থানত ধঁপাতবিৰোধী সজাগতা অভিযান অনুষ্ঠিত হয়।

জুন

• ১১ জুন: মেক্সিকো, কানাডা আৰু আমেৰিকা যুক্তৰাষ্ট্ৰৰ যৌথ আয়োজনত ২০২৬ চনৰ ফিফা বিশ্বকাপ ফুটবল প্ৰতিযোগিতা মেক্সিকো চিটিত উদ্বোধনী মেচেৰে আৰম্ভ হয়।^১১
• ২২ জুন: অসমৰ কামাখ্যা মন্দিৰত বাৰ্ষিক অম্বুবাচীৰ প্ৰবৃত্তি আৰম্ভ হয় আৰু দেশ-বিদেশৰ ভক্তৰ সমাগম ঘটে।

জুলাই

• ১৯ জুলাই: আমেৰিকা যুক্তৰাষ্ট্ৰৰ নিউয়ৰ্ক-নিউ জাৰ্ছি অঞ্চলত ২০২৬ চনৰ ফিফা বিশ্বকাপৰ ফাইনেল অনুষ্ঠিত হয়।^১১
• ২৪ জুলাই: অসমৰ চাহ বাগিচা অঞ্চলসমূহৰ শিক্ষা আৰু আন্তঃগাঁথনি উন্নয়নৰ বাবে বিভিন্ন চৰকাৰী পদক্ষেপ গ্ৰহণ কৰা হয়।
• ২৯ জুলাই: অসমত ধাৰাসাৰ বৰষুণৰ সম্ভাৱনাৰ প্ৰতি লক্ষ্য ৰাখি অসম ৰাজ্যিক দুৰ্যোগ ব্যৱস্থাপনা প্ৰাধিকৰণে সতৰ্কতামূলক ব্যৱস্থা গ্ৰহণ কৰে।^১২
• ৩০ জুলাই: ২০২৬ চনৰ ব্ৰড পিক হিমস্খলনৰ ফলত দহজন পৰ্বতাৰোহীৰ মৃত্যু হয়।

আগষ্ট

• ১ আগষ্ট: ৰাজ্যখনৰ কেইবাখনো জিলাত বানপানীৰ পৰিস্থিতি সৃষ্টি হয়। ৮ আগষ্টলৈ ১৩খন জিলাৰ প্ৰায় ১.৫৫ লাখ লোক বানপানীৰ দ্বাৰা প্ৰভাৱিত হোৱা বুলি চৰকাৰী তথ্যৰ ভিত্তিত প্ৰকাশ পায়।^১৩
• ৮ আগষ্ট: অসমত বানপানীৰ পৰিস্থিতি অব্যাহত থকাৰ সময়ত ১৩খন জিলাত প্ৰায় ১.৫৫ লাখ লোক প্ৰভাৱিত হোৱা বুলি প্ৰকাশ পায়।^১৩

ছেপ্টেম্বৰ

• ১৭ ছেপ্টেম্বৰ: নতুন দিল্লীৰ যশোভূমিত SEMICON India 2026-ৰ উদ্বোধন প্ৰধানমন্ত্ৰী নৰেন্দ্ৰ মোদীয়ে কৰে। সন্মিলনখন ১৭–১৯ ছেপ্টেম্বৰলৈ অনুষ্ঠিত হয়।^১৪
• ২২ ছেপ্টেম্বৰ: বিশ্ব গঁড় দিৱস উপলক্ষে কাজিৰঙা ৰাষ্ট্ৰীয় উদ্যান আৰু পবিতৰা অভয়াৰণ্যত এশিঙীয়া গঁড় সংৰক্ষণ আৰু সজাগতা সম্পৰ্কীয় বিভিন্ন কাৰ্যসূচী অনুষ্ঠিত হয়।
• ২৭ ছেপ্টেম্বৰ: বিশ্ব পৰ্যটন দিৱস উপলক্ষে অসমৰ বিভিন্ন পৰ্যটনস্থলীত পৰ্যটন আৰু স্থানীয় উদ্যোগক উদগনি দিয়াৰ উদ্দেশ্যে বিভিন্ন কাৰ্যসূচী অনুষ্ঠিত হয়।

মৃত্যু

মূল প্ৰবন্ধ: ২০২৬ চনত মৃত্যু