আমেৰিকা যুক্তৰাষ্ট্ৰ

আমেৰিকা যুক্তৰাষ্ট্ৰ বা মাৰ্কিন যুক্তৰাষ্ট্ৰ (United States of America) উত্তৰ আমেৰিকা মহাদেশত অৱস্থিত পঞ্চাশখন ৰাজ্য আৰু এখন যুক্তৰাষ্ট্ৰীয় জিলাৰে গঠিত এখন যুক্তৰাষ্ট্ৰীয় সাংবিধানিক গণতান্ত্ৰিক ৰাষ্ট্ৰ। এই দেশ ইউনাইটেড ষ্টেট্‌চ অৱ আমেৰিকা নামেৰেও জনাজাত। পশ্চিমে প্ৰশান্ত আৰু পূবে আটলাণ্টিক মহাসাগৰৰ মধ্যস্থলত এই ৰাষ্ট্ৰ অৱস্থিত; উত্তৰ আৰু দক্ষিণ সীমান্তত যথাক্ৰমে কানাডা আৰু মেক্সিকো ৰাষ্ট্ৰদ্বয় অৱস্থিত। আলাস্কা ৰাজ্যখন মহাদেশৰ উত্তৰ-পশ্চিমত অৱস্থিত; এই ৰাজ্যৰ পূব সীমাত কানাডা আৰু পশ্চিমে বেৰিং প্ৰণালী; তাৰ কাষতে ৰাছিয়া। আনহাতে হাৱাই ৰাজ্যখন মধ্য-প্ৰশান্ত মহাসাগৰীয় অঞ্চলত অৱস্থিত এটি দ্বীপপুঞ্জ। ইয়াৰোপৰি কেৰিবিয়ান আৰু প্ৰশান্ত মহাসাগৰীয় অঞ্চলৰ অসংখ্য দ্বীপপুঞ্জ আমেৰিকা যুক্তৰাষ্ট্ৰ অন্তৰ্ভুক্ত।

俺は布団ちゃんだ！

この編集を見つけた人に5万円プレゼント企画をしています！

詳しくは布団ちゃんのXまでよろしく！

আমেৰিকা যুক্তৰাষ্ট্ৰৰ আয়তন ৩.৭৯ মিলিয়ন বৰ্গমাইল (৯.৮৩ মিলিয়ন বৰ্গকিলোমিটাৰ)। দেশখনৰ জনসংখ্যা প্ৰায় ৩০৯ মিলিয়ন। সামগ্ৰিক আয়তনৰ হিচাপ অনুসৰি আমেৰিকা যুক্তৰাষ্ট্ৰ বিশ্বৰ তৃতীয় অথবা চতুৰ্থ বৃহত্তম ৰাষ্ট্ৰ। আমেৰিকা যুক্তৰাষ্ট্ৰৰ সমাজ বিশ্বেৰ সকলোতকৈ বৈচিত্ৰ্য মণ্ডিত বহুজাতিক সমাজব্যৱস্থা। আমেৰিকা যুক্তৰাষ্ট্ৰ বিশ্বৰ বিভিন্ন দেশৰ বহু মানুহৰ সংমিশ্ৰণত গঠন হোৱা এক বহুসংস্কৃতিবাদী ৰাষ্ট্ৰ। আমেৰিকা যুক্তৰাষ্ট্ৰ হৈছে বিশ্বৰ বৃহত্তম অৰ্থনীতি। ২০০৮ চনত দেশৰ আনুমানিক মুঠ ঘৰুৱা উৎপাদনৰ (GDP) হাৰ আছিল ১৪.৪ ট্ৰিলিয়ন আমেৰিকান ডলাৰ (বিশ্বৰ জিডিপিৰ এক চতুৰ্থাংশ)।

আমেৰিকাৰ যুক্তৰাষ্ট্ৰৰ ইতিহাস:-

আমেৰিকা যুক্তৰাষ্ট্ৰৰ ইতিহাস বিশ্ব ইতিহাসৰ এক গুৰুত্বপূৰ্ণ অধ্যায়। এই ইতিহাস কেৱল এখন দেশৰ বিকাশৰ কাহিনী নহয়, ই স্বাধীনতা, গণতন্ত্ৰ, সামাজিক ন্যায়, অৰ্থনৈতিক উন্নতি আৰু বিশ্ব ৰাজনীতিত প্ৰভাৱ বিস্তাৰৰ এক দীঘল যাত্ৰা। আদিবাসী সভ্যতাৰ পৰা আৰম্ভ কৰি আধুনিক বিশ্বশক্তি হিচাপে গঢ় লোৱা পৰ্যন্ত আমেৰিকা যুক্তৰাষ্ট্ৰৰ ইতিহাস বহু ঘাত-প্ৰতিঘাত, আন্দোলন, বিপ্লৱ আৰু পৰিৱর্তনেৰে ভৰা।

প্ৰাচীন কাল আৰু আদিবাসী সভ্যতা:-

আমেৰিকা যুক্তৰাষ্ট্ৰৰ ইতিহাস ইউৰোপীয়সকলৰ আগমনৰ বহু আগতেই আৰম্ভ হৈছিল। প্ৰায় পন্ৰ হাজাৰ বছৰ আগতে এই ভূখণ্ডত আদিবাসী জনজাতিসমূহ বসবাস কৰিছিল। এই জনজাতিসমূহে শিকাৰ, মাছধৰা, কৃষিকাজ আৰু পশুপালনৰ জৰিয়তে জীৱন নিৰ্বাহ কৰিছিল। ইৰোকুইছ, চিৰোকি, ছিউ, নাভাহো আদি বহু জনজাতিয়ে নিজস্ব সমাজ ব্যৱস্থা, সংস্কৃতি আৰু ধৰ্মীয় বিশ্বাস গঢ়ি তুলিছিল। এই আদিবাসী সভ্যতাই আমেৰিকাৰ ইতিহাসৰ প্ৰথম অধ্যায় গঠন কৰে।

ইউৰোপীয় আগমন আৰু উপনিবেশ স্থাপন

পঞ্চদশ শতিকাত ইউৰোপীয় নাবিকসকলে নতুন ভূখণ্ড অনুসন্ধান আৰম্ভ কৰে। ১৪৯২ চনত ক্রিষ্টফাৰ কলম্বাছৰ আগমনৰ পাছত স্পেইন, ফ্ৰান্স আৰু ইংলেণ্ডে আমেৰিকাৰ ভূখণ্ডত উপনিবেশ স্থাপন আৰম্ভ কৰে। স্পেইনে দক্ষিণ আৰু পশ্চিম অঞ্চলত, ফ্ৰান্সে উত্তৰ আৰু মধ্য অঞ্চলত আৰু ইংলেণ্ডে আটলান্টিক উপকূলত নিজৰ আধিপত্য বিস্তাৰ কৰে।

১৬০৭ চনত ভাৰ্জিনিয়াৰ জেমেষ্টাউনত ইংলেণ্ডে প্ৰথম স্থায়ী উপনিবেশ স্থাপন কৰে। ১৬২০ চনত ধৰ্মীয় অত্যাচাৰৰ পৰা মুক্তি বিচাৰি পিলগ্ৰিমস নামৰ লোকসকলে নতুন জীৱনৰ আশাত এই ভূখণ্ডত বসতি স্থাপন কৰে। ধীৰে ধীৰে উত্তৰ আমেৰিকাত তেৰটা ইংৰাজ উপনিবেশ গঢ় লৈ উঠে।

উপনিবেশিক সমাজ আৰু অর্থ নীতি:-

এই তেৰটা উপনিবেশত সমাজ আৰু অৰ্থনীতি অঞ্চলভেদে পৃথক আছিল। উত্তৰাঞ্চলত মাছধৰা, জাহাজ নিৰ্মাণ আৰু ব্যৱসায় বিকাশ পাইছিল। মধ্যাঞ্চলত শস্য উৎপাদন আৰু বাণিজ্য প্ৰধান আছিল। দক্ষিণাঞ্চলত বৃহৎ কৃষিভূমিত তামোল, তুলা আৰু চেনি উৎপাদনৰ বাবে দাস প্ৰথা প্ৰচলিত হয়। আফ্ৰিকাৰ পৰা আনা দাসসকলক অমানৱীয় অৱস্থাত কাম কৰোৱা হৈছিল।

'কৰনীতি আৰু স্বাধীনতা আন্দোলন'লগতে চাওক: আমেৰিকা যুক্তৰাষ্ট্ৰৰ ৰাজ্যসমূহ

1. ৱাছিংটন
2. মণ্টানা
3. নৰ্থ ডকোটা
4. মিনিচোটা
5. ৱিস্কঞ্চিন
6. মিছিগান
7. নিউয়ৰ্ক
8. মেইন
9. নিউ হেম্পশায়াৰ
10. ভাৰমণ্ট
11. মাচাছুছিটাচ
12. ৰড আইলেণ্ড
13. কানেকটিকাট
14. নিউজাৰ্চী
15. ডেলাৱেৰ
16. মেৰিলেণ্ড
17. ৱেষ্ট ভাৰ্জিনিয়া
18. পেনছিলভেনিয়া
19. অ’হাঅ’
20. ইণ্ডিয়ানা
21. ইলিনয়চ
22. আইৱা
23. চাউথ ডাকোটা
24. ৱায়মিং
25. আইডাহো
26. অৰেগন
27. কেলিফৰ্ণিয়া
28. নেভাডা
29. ইউটাহ
30. কল’ৰাডো
31. নাব্ৰাস্কা
32. কেনচাচ
33. মিচৌৰি
34. কেণ্টাকি
35. ভাৰ্জিনিয়া
36. নৰ্থ কেৰলাইনা
37. টেনেচি
38. আৰকেনচাচ
39. অকল’হামা
40. নিউ মেক্সিকো
41. আৰিজোনা
42. টেক্সাচ
43. চাউথ কেৰলাইনা
44. জৰ্জিয়া
45. আলাবামা
46. মিছিছিপি
47. ফ্লৰিডা
48. লুইচিয়ানা
49. হাৱাই
50. আলাস্কা