দূৰদৰ্শন (চেনেল)

দূৰদৰ্শন (চমুকৈ DD) হৈছে ভাৰত চৰকাৰৰ দ্বাৰা প্ৰতিষ্ঠিত তথা তথ্য আৰু সম্প্ৰচাৰ মন্ত্ৰণালয়ৰ অধীনস্থ এটা স্বশাসিত^১ ৰাজহুৱা সেৱা সম্প্ৰচাৰক আৰু প্ৰসাৰ ভাৰতীৰ এটা শাখা।^২ ষ্টুডিঅ' আৰু প্ৰেৰণ আন্তঃগাঁথনিৰ ক্ষেত্ৰত ভাৰতবৰ্ষৰ এক বৃহৎ সম্প্ৰচাৰ উদ্যোগ, যি ১৯৫৯ চনৰ ১৫ ছেপ্টেম্বৰ তাৰিখে স্থাপিত হৈছিল।^৩ ডিজিটেল স্থলজ প্ৰেৰকযন্ত্ৰৰ যোগেদিও সম্প্ৰচাৰ সেৱা আগবঢ়াই অহা দূৰদৰ্শনে চহৰাঞ্চল, আঞ্চলিক ভাৰতত টেলিভিছন, ৰেডিঅ', অনলাইন, ম'বাইলৰ জৰিয়তে সেৱা আগবঢ়ায়। আনহাতে বৈদেশিক ক্ষেত্ৰসমূহত ভাৰতীয় নেটৱৰ্ক ব্যৱস্থা আৰু ভাৰতীয় ৰেডিঅ'ৰ যোগেদি সেৱা আগবঢ়ায়।

ইতিহাস

আৰম্ভণি

১৯৫৯ চনৰ ১৫ ছেপ্টেম্বৰত এক বিশেষ সম্পৰীক্ষণৰ জৰিয়তে দূৰদৰ্শনে সম্প্ৰচাৰ আৰম্ভ কৰিছিল। এই বিশেষ সম্পৰীক্ষণটোৱে ১৯৬৫ চনত এক সেৱালৈ ৰূপান্তৰিত হয়।^৪

১৯৬৭ চনৰ ২৬ জানুৱাৰীত দূৰদৰ্শনত কৃষি দৰ্শন নামৰ অনুষ্ঠানটি পোনপ্ৰথমবাৰৰ বাবে সম্প্ৰচাৰ হয়, আৰু এইটো অনুষ্ঠান ভাৰতীয় টেলিভিছনত দীৰ্ঘতম সময়ৰ বাবে সম্প্ৰচাৰিত হোৱা অনুষ্ঠান।^৫

১৯৭২ চনত টেলিভিছন সেৱা বোম্বাই(এতিয়াৰ মুম্বাই) আৰু অমৃতসৰলৈকে প্ৰসাৰিত কৰা হ'ল। ১৯৭৫ চনত ভাৰতৰ সাতখন চহৰত টেলিভিছন সেৱা উপলব্ধ হৈছিল আৰু সেইসময়ত দূৰদৰ্শনেই আছিল একমাত্ৰ যোগান-ধৰোঁতা।^৪

১৯৭৬ চনৰ ১ এপ্ৰিলত ৰেডিঅ'ক টেলিভিছন সেৱাৰ পৰা পৃথক কৰা হয়।^৬ অল ইণ্ডিয়া ৰেডিঅ' আৰু দূৰদৰ্শনক দিল্লীস্থিত দুই পৃথক ডাইৰেক্টৰ-জেনেৰেলৰ অধীনলৈ আনি দুটা পৃথক ব্যৱস্থাপনা সৃষ্টি কৰা হয়। ১৯৮২ চনত,দূৰদৰ্শন ভাৰতৰ ৰাষ্ট্ৰীয় সম্প্ৰচাৰক হৈ পৰে।^৭

চেনেল তালিকা

ৰাষ্ট্ৰীয় চেনেল

আঞ্চলিক চেনেল

ৰাজ্যিক নেটৱৰ্ক

স্বায়ত্ত্ব-শাসিত নেটৱৰ্ক

বন্ধ চেনেল আৰু পুনৰ নামকৰণ

• ডিডি২(১৯৮৪–১৯৯৩): নতুন নাম-ডিডি মেট্ৰ'.
• ডিডি মেট্ৰ'(১৯৯৩–২০০৩): ডিডি নিউজলৈ ৰূপান্তৰ
• মেট্ৰ' গ'ল্ড(অক্টোবৰ ২০০০–ছেপ্টেম্বৰ ২০০১): ডিডি মেট্ৰ'ৰ যোগেদি সম্প্ৰচাৰ
• ডিডি ইণ্টাৰনেছ'নেল(মাৰ্চ ১৯৯৫–ছেপ্টেম্বৰ ২০০০): ডিডি ৱৰ্ল্ডলৈ নামসলনি।
• ডিডি ৱৰ্ল্ড(ছেপ্টেম্বৰ ২০০০–জানুৱাৰি২০০২): ডিডি ইণ্ডিয়ালৈ নাম-সলনি
• ডিডি চিএনএনআই(৩০ জুন ১৯৯৫–৩১ মে' ১৯৯৭)
• ডিডি৩(১৯৯৫–১৯৯৬):ডিডি মুভি ক্লাৱৰ লগৰ সংযোজন আৰু ডিডি৩-মুভি ক্লাৱলৈ নামসলনি
• ডিডি মুভি ক্লাৱ(১৯৯৫–১৯৯৬):ডিডি ৩ৰ লগত সংযোজন আৰু ডিডি৩-মুভি ক্লাৱলৈ নামসলনি
• ডিডি৩-মুভি ক্লাৱ(১৯৯৬–১৯৯৮):ডিডি স্পৰ্টছলৈ সলনি

সমালোচনা

২০০৪ চনত দূৰদৰ্শনে জৰুৰীকালীন সময়ৰ বিৰোধী নেতা জয়প্ৰকাশ নাৰায়ণৰ সন্দৰ্ভত এখন বিতৰ্কিত তথ্যচিত্ৰ চেন্সৰ কৰিছিল।^৮ যেতিয়া দূৰদৰ্শনে ৰাষ্ট্ৰীয় সমাজসেৱক সংঘৰ দলপতি মোহন ভাগৱতৰ সত্তৰ-মিনিটীয়া বিজয়া-দশমীৰ বক্তৃতা সম্প্ৰচাৰ কৰিছিল, তেতিয়া নৰেন্দ্ৰ মোদী আৰু তেওঁৰ ভাৰতীয় জনতা পাৰ্টী দলটো ৰাজহুৱা সম্প্ৰচাৰকৰ অপব্যৱহাৰ কৰাৰ বাবে সমালোচিত হৈছিল। ডিডি ডাইৰেক্টৰ-জেনেৰেল অৰ্চনা দত্তৰ মতে, সেই বক্তৃতাটো "অইন বক্তৃতাৰ দৰেই আছিল, সেইকাৰণে আমি সেইটো সম্প্ৰচাৰ কৰিছিলোঁ। "^{৯১০১১}

যিহেতু ১৯৯১ চনত ব্যক্তিগত টেলিভিছন চেনেলক ক্ষমতাপ্ৰদান কৰা হয়, তেতিয়া দূৰদৰ্শনৰ দৰ্শকৰ সংখ্যা তীব্ৰগতিত হ্ৰাস পাবলৈ ধৰে। যদিও ক্ৰিকেটকে ধৰি অন্যান্য ৰাষ্ট্ৰীয় পৰ্যায়ৰ অনুষ্ঠান নাইবা ঘটনাৱলী সম্প্ৰচাৰ কৰোঁতে দূৰদৰ্শনে বাধ্যতামূলক স্বত্বৰ বাবে বিজ্ঞাপনসমূহৰ পৰা যথেষ্ট পৰিমাণৰ ৰাজহ আদায় কৰে,^১২ তথাপিও টেলিভিছনৰ স্বত্ব আহৰণ কৰোঁতে একধৰণৰ মূল্য-আৰোপিত অনুজ্ঞা-পত্ৰৰ দ্বাৰা সাহায্য আগবঢ়োৱাৰ প্ৰস্তাৱ ৰখা হৈছে।^১৩

৯ মাৰ্চ ২০১৯ত,প্ৰচাৰ ভাৰতীয়ে তেওঁলোকৰ বিনামূলীয়া ছেটেলাইট সেৱাত ১১টা নতুন ডিডি চেনেল সংযোজন কৰে। ইয়াৰে মাজত উত্তৰ-পূৰ্বাঞ্চলৰ বাবে পাঁচটা নতুন চেনেল আছে। চেনেলবোৰ হৈছে–ডিডি চত্তিশগড়, ডিডি হাৰিয়ানা, ডিডি হিমাচল প্ৰদেশ, ডিডি ঝাৰখণ্ড, ডিডি মণিপুৰ, ডিডি মেঘালয়, ডিডি মিজোৰাম, ডিডি নাগালেণ্ড, ডিডি ত্ৰিপুৰা, আৰু ডিডি উত্তৰাখণ্ড। ^১৪১৫

আৰু চাওক

• ডিডি নেচনেল
• ডিডি নেচনেলৰ দ্বাৰা সম্প্ৰচাৰিত অনুষ্ঠানৰ তালিকা
• দূৰদৰ্শন