প্ৰস্তুতি পৰাশৰ

প্ৰস্তুতি পৰাশৰ (Prastuti Porasor) অসমৰ চলচ্চিত্ৰ জগত, দূৰদৰ্শন আৰু ভ্ৰাম্যমাণ থিয়েটাৰৰ উল্লেখযোগ্য অভিনেত্ৰী^১ তেওঁ অসমীয়া ভাষাৰ কেইবাখনো চলচ্চিত্ৰত অভিনয় কৰিছে।^২

২০০১-০২ বৰ্ষত প্ৰস্তুতি পৰাশৰে গুণ গুণ গানে গানে বোলছবিখনৰ বাবে ৰাজ্যিক চলচ্চিত্ৰ বঁটা, ২০০৪ৰ শ্ৰেষ্ঠা অভিনেত্ৰীৰ বঁটা লাভ কৰিছিল। ২০০৮-০৯ বৰ্ষত মুনলাইট এৱাৰ্ডছৰ শ্ৰেষ্ঠ অভিনেত্ৰীৰ শিতানলৈও তেওঁ মনোনীত হৈছিল।

জন্ম আৰু শিক্ষা

প্ৰস্তুতি পৰাশৰৰ জন্ম হয় যোৰহাটৰ মালৌ আলিত।^৩ পিতৃৰ নাম বিজয় চন্দ্ৰ শৰ্মা।^৩ তেওঁ স্কুলীয়া শিক্ষা যোৰহাট বাল্য ভৱনত গ্ৰহণ কৰিছিল। তাৰ পিছত যোৰহাটৰ জগন্নাথ বৰুৱা বিশ্ববিদ্যালয়ৰ পৰা স্নাতক ডিগ্ৰী গ্ৰহণ কৰে।^৩

অভিনয় জীৱন

প্ৰায় পাঁচ বছৰ বয়সতে বৰ্ণালী নামৰ দূৰদৰ্শনৰ ছিৰিয়েল এখনত অভিনয় কৰি অভিনয় জীৱনৰ পাতনি মেলে।^৪ প্ৰস্তুতি পৰাশৰে অভিনয় কৰা প্ৰথম বোলছবি খনৰ নাম হৈছে মহাৰথী।

বঁটা আৰু সন্মান

• ২০০১-০২ বৰ্ষত গুণ গুণ গানে গানেৰ বাবে ৰাজ্যিক চলচ্চিত্ৰ বঁটা, ২০০৪ৰ শ্ৰেষ্ঠা অভিনেত্ৰীৰ বঁটা লাভ কৰিছিল।
• ২০০৮-০৯ বৰ্ষৰ মুনলাইট এৱাৰ্ডছত শ্ৰেষ্ঠ অভিনেত্ৰীৰ শিতানলৈ মনোনয়ন লাভ কৰিছিল।^৫

চলচ্চিত্ৰপঞ্জী

বোলছবি

দূৰদৰ্শন

প্ৰস্তুতি পৰাশৰে দূৰদৰ্শনৰ কেইবাখনো ছিৰিয়েলটো অভিনয় কৰিছে।^৪

• বৰ্ণালী
• নিশাৰ নায়ক
• চক্ৰবেহু
• মহানগৰ
• মেজৰ চাহাব
• জোনাকত শিহৰণ
• বিন্দাছ

নাটক

প্ৰস্তুতি পৰাশৰে প্ৰায় ৩০-৩৫খন মান নাটকত অভিনয় কৰিছে।^৪ ইয়াৰ উপৰিও তেওঁ ভ্ৰাম্যমাণ জগতৰ এগৰাকী উল্লেখযোগ্য অভিনেত্ৰী। তেওঁ অভিনয় কৰা কেইখনমান উল্লেখযোগ্য নাটক হৈছে: ৰূপালীম, নিমাতী কইনা, আশংকাৰ দিন ৰাতি, সপোনৰ বৃন্দাবন, অষ্টৰাগ ইত্যাদি।^৪

বাহ্যিক সংযোগ

• ৰূপালী পৰ্দাত প্ৰস্তুতি পৰাশৰৰ বিষয়ে
• প্ৰস্তুতি পৰাশৰৰ সম্পৰ্কীয় তথ্য আৰু ভিডিঅ’ আদি digplanet.com’ত