ৰামধেনু (চলচ্চিত্ৰ)

ৰামধেনু ২০১১ চনৰ ৪ ফেব্ৰুৱাৰী তাৰিখে মুক্তি লাভ কৰা এখন অসমীয়া (দ্ব্যৰ্থতা দূৰীকৰণ পৃষ্ঠা) চলচ্চিত্ৰ। প্ৰাইড ইষ্ট এণ্টাৰটেইনমেণ্টচ প্ৰাইভেট লিমিটেডৰ বেনাৰত নিৰ্মিত আৰু মুনিন বৰুৱা পৰিচালিত এই ছবিখনে দৰ্শকৰ পৰা লাভ কৰে অভূতপূৰ্ব সঁহাৰি। ছবিখনৰ মুখ্য ভূমিকাত অভিনয় কৰা শিল্পী সকল হৈছে প্ৰস্তুতি পৰাশৰ, যতীন বৰা, বিষ্ণু খাৰঘৰীয়া, উৎপল দাস, নিশিতা গোস্বামী, জয়ন্ত ভাগৱতী ইত্যাদি। উল্লেখযোগ্য যে এই ছবিখনে একেলেথাৰিয়ে গুৱাহাটীৰ এটি চিত্ৰগৃহত পঁচিশ সপ্তাহ পূৰ্ণ কৰে।

কাহিনী

জীৱনৰ বাটত আগবাঢ়োতে উজুতি খোৱা, অদৃষ্ট, প্ৰেমাস্পদে প্ৰতাৰণা কৰা, বিশ্বাসঘাতকতাৰ মুখামুখি হোৱা নানাৰঙী কেইটামান চৰিত্ৰ গুৱাহাটীৰ এটা ভাড়াঘৰত একেলগে বাস কৰে। এই চৰিত্ৰকেইটাৰ সুখ-দুখ, আনন্দ, বিষাদ, জীৱন দৰ্শনৰ সাতৰঙী গাঁথাই ৰামধেনুৰ কাহিনী।

নিৰ্মাণ

ছবিখনৰ কাহিনী, চিত্ৰনাট্য আৰু সংলাপ মুনিন বৰুৱাৰ।

চিত্ৰগ্ৰহণ

৩৫ মিলিমিটাৰ চিনেমাস্কোপত ৰামধেনুৰ চিত্ৰগ্ৰহণ কৰা হৈছে। চিত্ৰগ্ৰহণৰ দায়িত্বত আছে সুমন দুৱৰা। বোলছবিখনৰ “ৰং দিয়া মৰম” নামৰ গীতটি কেৰালাৰ মনোমোহা অঞ্চলত চিত্ৰগ্ৰহণ কৰা হৈছে।

অভিনয় শিল্পী

• প্ৰস্তুতি পৰাশৰ
• যতীন বৰা
• বিষ্ণু খাৰঘৰীয়া
• উৎপল দাস
• নিশিতা গোস্বামী
• তপন দাস
• জয়ন্ত দাস
• জয়ন্ত ভাগৱতী
• পাকিজা বেগম
• বিদ্যুৎ চক্ৰৱৰ্তী
• কুলদা কুমাৰ ভট্টাচাৰ্য
• জোৱান দত্ত
• সুজিত শৰ্মা
• পৱিত্ৰ বৰুৱা
• অৱতোষ ভূঞা
• জয়ন্ত ডেকা
• পাৰ্থসাৰথি মহন্ত
• ৰাজেশ ভূঞা
• ৰাজকুমাৰ ঠাকুৰ
• ৰঞ্জীৱলাল বৰুৱা
• মিতালী বৈশ্য
• জলী লস্কৰ
• ধ্ৰুৱজ্যোতি নাথ
• মুনমী ফুকন (অতিথি শিল্পী)
• প্ৰাঞ্জু বৰা (শিশু শিল্পী)

সংগীত

ছবিখনৰ সংগীত পৰিচালনা কৰিছিল যতীন শৰ্মাই। বলিউড আৰু অসমৰ চলচ্চিত্ৰৰ জনপ্ৰিয় শিল্পীয়ে কণ্ঠদান কৰা গীতসমূহ শ্ৰোতাৰ মাজত জনপ্ৰিয়তা লাভ কৰিছিল, তাৰ ভিতৰত উল্লেখযোগ্য গীতকেইটা হৈছে- "ৰং দিয়া মৰম", "উজাই যা নৈ" আৰু "টুপি টুপি"। জনপ্ৰিয় গায়ক অংগৰাগ মহন্তই এই ছবিখনৰ জৰিয়তে প্ৰথমবাৰৰ বাবে অসমীয়া বোলছবিৰ জগতখনত নেপথ্য গায়ক হিচাপে আত্মপ্ৰকাশ কৰিছিল।

গীতৰ তালিকা

মুক্তি

২০১১ চনৰ ৪ ফেব্ৰুৱাৰীৰ দিনা গুৱাহাটীৰ লগতে অসমৰ ২৪টা বিভিন্ন চিত্ৰগৃহত ৰামধেনু বোলছবিখন মুক্তি পায়।

কলা-কুশলী

• সংগীত: যতীন শৰ্মা
• সহকাৰী পৰিচালক: মানস বৰুৱা
• শব্দগ্ৰহণ: যতীন শৰ্মা
• সম্পাদনা: এ শ্ৰীকৰ প্ৰসাদ
• কষ্টিউম আৰু কলা-নিৰ্দেশক: মঞ্জুলা বৰুৱা