অহেতুক (Ahetuk) হৈছে ২০১৫ চনৰ ২ জানুৱাৰীত মুক্তি লাভ কৰা এখন অসমীয়া চলচ্চিত্ৰ। ৰাজ ৰাণী প্ৰডাক্চনৰ বেনাৰত ৰাজকুমাৰ জৈনে প্ৰযোজনা কৰা এই চলচ্চিত্ৰখনৰ পৰিচালনা, কাহিনী, চিত্ৰনাট্য আৰু সংলাপ বাণী দাসৰ। এক গোপন অনুসন্ধানত দুজন সাংবাদিকে সন্মুখীন হোৱা পৰিস্থিতিৰ কাহিনীৰে নিৰ্মিত বোলছবিখনৰ মুখ্য চৰিত্ৰত অভিনয় কৰে গুঞ্জন ভৰদ্বাজ আৰু অমৃতা গগৈয়ে। সংগীত পৰিচালনা পৰাণ বৰকটকীৰ। চলচ্চিত্ৰখনৰ শ্বুটিং, প্ৰি-প্ৰডাক্চন আৰু প'ষ্ট প্ৰডাক্চনৰ সকলোখিনি কাম অসমতে কৰা হয়।১২
কাহিনী
দুজন সাংবাদিকে নিজৰ জীৱনকো বিপদাপন্ন কৰি এটা ঘটনাৰ আচল ৰহস্য জানিবৰ বাবে অনুসন্ধান কৰে। অৱশেষত তেওঁলোক দুজনে গম পায় যে কোনো লোকে নিজৰ ন্যস্ত স্বাৰ্থ সিদ্ধিৰ কাৰণেহে তেওঁলোক দুজনক ব্যৱহাৰ কৰিছিল।১২
অভিনয়ত
- গুঞ্জন ভৰদ্বাজ
- অমৃতা গগৈ
- তপন দাস
- অশ্বিনী ভূঞা
- ৰাজীৱ ক্ৰ'
- মনোজ গগৈ
- মহেন্দ্ৰ দাস
- দেবাশিস
- হিল্লোল কুমাৰ পাঠক
- তৃষ্ণা কুৰ্মী
- সপোনটি বৰদলৈ
- ছায়ান চক্ৰৱৰ্তী
- উৎপল বৰদলৈ১২
- জুবিন গাৰ্গ (অতিথি শিল্পী)
- প্ৰস্তুতি পৰাশৰ (আইটেম ছং)
কলা-কুশলী
- প্ৰযোজনা- ৰাজকুমাৰ জৈন
- পৰিচালনা/কাহিনী/চিত্ৰনাট্য/সংলাপ- বাণী দাস
- কাৰ্যবাহী পৰিচালনা - মানস দাস
- চিত্ৰগ্ৰহণ- নাহিদ আহমেদ
- সংগীত পৰিচালনা- পৰাণ বৰকটকী
- চিত্ৰগ্ৰহণকাৰী - ৰক্তিম
- সম্পাদনা- সঞ্জীৱ বৰঠাকুৰ
- ভি এফ এক্স- সুমন চৌধুৰী, প্ৰিয়ম চক্ৰৱৰ্তী, উৎপল তালুকদাৰ১২
সংগীত
চলচ্চিত্ৰখনৰ সংগীত পৰিচালনা পৰাণ বৰকটকী (জ'জ')ৰ। গীতৰ কথা ইবছন লাল বৰুৱা, ৰাজদ্বীপ আৰু বাণী দাসৰ। শ্ৰব্য এলবামটোত মুঠ ৬টা গীত আছে।৩
বাহ্যিক সংযোগ
- ইউটিউবত চলচ্চিত্ৰখনৰ ট্ৰেইলাৰ
- চলচ্চিত্ৰখনৰ ৱেবছাইট
- চলচ্চিত্ৰখনৰ ফেচবুক পে'জ
- গানা ডট কমত অহেতুকৰ গান
- টাইম্ছ মিউজিকৰ ৱেবছাইটত অহেতুক এলবাম
তথ্যসূত্ৰ
- ↑ (২২ নৱেম্বৰ ২০১৪). Ahetuk to Release on 2nd January 2015. Kothasobi
- ↑ (২২ জুন ২০১৪). Ahetuk: New Film by Bani Das. Kothasobi
- ↑ AHETUK. Times Music
উৎস আৰু অনুজ্ঞাপত্ৰ
উৎস: অসমীয়া ৱিকিপিডিয়া। এই প্ৰবন্ধটো অসমীয়া ৱিকিপিডিয়াৰ “অহেতুক” প্ৰবন্ধৰ সংশোধন ৩৭৯৮২৪ (২৮ ছেপ্তেম্বৰ ২০২৩)ৰ পৰা আনি অসমীয়া বিশ্বকোষৰ গাঁথনিলৈ ৰূপান্তৰ কৰা হৈছে। মূল লেখকসকলৰ তালিকা সম্পাদনা-ইতিহাসত উপলব্ধ। পাঠ্য CC BY-SA 4.0।