অসমীয়া ভাষাৰ চলচ্চিত্ৰ পৰিচালক
৬৫ প্ৰবন্ধ
-
জ্যোতিপ্ৰসাদ আগৰৱালা
জ্যোতিপ্ৰসাদ আগৰৱালা (১৯০৩–১৯৫১) অসমীয়া সাংস্কৃতিক জগতৰ এক বহুমুখী স্ৰষ্টা—গীত, নাটক, সাহিত্য আৰু চলচ্চিত্ৰত তেখেতে একেলগে দীৰ্ঘস্থায়ী ছাপ ৰাখিছে। প্ৰথম অসমীয়া চলচ্চিত্ৰ নিৰ্মাণৰ লগতে আধুনিক অসমীয়া গীতধাৰাৰ বাট খুলিবলৈ আগবঢ়োৱা ভূমিকাৰ বাবে তেখেতক “ৰূপকোঁৱৰ” ৰূপে স্মৰণ কৰা হয়।
-
ভবেন্দ্ৰ নাথ শইকীয়া
ভবেন্দ্ৰ নাথ শইকীয়া (১৯৩২–২০০৩) অসমৰ আধুনিক সাহিত্য-সংস্কৃতিৰ এক বহুমুখী স্ৰষ্টা, যিনি উপন্যাস, গল্প, নাটক, সম্পাদনা আৰু চলচ্চিত্ৰ—এই সকলো ক্ষেত্ৰতে একেলগে স্থায়ী ছাপ এৰি গৈছে। পদাৰ্থ বিজ্ঞানৰ উচ্চশিক্ষাৰে গঢ় লোৱা যুক্তিবাদী দৃষ্টিভংগী আৰু শিল্পবোধৰ সংমিশ্ৰণেই তেখেতৰ সৃষ্টিৰ এক বিশেষ চিনাকি।
-
ফণী শৰ্মা
ফণী শৰ্মা (১৯০৯–১৯৭০) অসমৰ মঞ্চনাট আৰু কথাছবিৰ এগৰাকী উল্লেখযোগ্য অভিনেতা, নাট্যকাৰ আৰু চলচ্চিত্ৰ পৰিচালক। তেজপুৰৰ বাণ ৰঙ্গমঞ্চৰ পৰাই নাট্যজীৱন আৰম্ভ কৰি তেখেতে জয়মতী (১৯৩৫ চলচ্চিত্ৰ)কে ধৰি একাধিক গুৰুত্বপূৰ্ণ অসমীয়া ছবিত অভিনয় আৰু পৰিচালনা কৰিছিল।
-
জাহ্নু বৰুৱা
জাহ্নু বৰুৱা এগৰাকী খ্যাতিমান অসমীয়া চলচ্চিত্ৰ পৰিচালক, যিয়ে অসমীয়া আৰু হিন্দী ভাষাত বোলছবি নিৰ্মাণ কৰি দেশ-বিদেশত স্বীকৃতি লাভ কৰিছে। তেখেতৰ কিছুমান ছবিয়ে ৰাষ্ট্ৰীয় বঁটা আৰু আন্তঃৰাষ্ট্ৰীয় চলচ্চিত্ৰ মহোৎসৱৰ সন্মান অৰ্জন কৰি অসমীয়া ছবিক বিশ্বদৰ্শকৰ ওচৰত পৰিচিত কৰাত সহায় কৰিছে।
-
মুনিন বৰুৱা
মুনিন বৰুৱা (১৯৪৬–২০১৮) আছিল জনপ্ৰিয় অসমীয়া চলচ্চিত্ৰ পৰিচালক আৰু চিত্ৰনাট্যকাৰ, যাৰ সুস্থ বিনোদনধৰ্মী কথাছবিসমূহে বিস্তৰ দৰ্শক আকর্ষণ কৰিছিল। বিশেষকৈ ‘হিয়া দিয়া নিয়া’ আদি ছবিৰ সফলতাৰ জৰিয়তে অসমৰ কথাছবি জগত পুনৰুজ্জীৱিত হোৱাৰ প্ৰচেষ্টাত তেখেতৰ ভূমিকা বিশেষভাবে স্মৰণীয়।
-
ব্ৰজেন বৰুৱা
ব্ৰজেন বৰুৱা (১৯২৫–১৯৭২) অসমীয়া চলচ্চিত্ৰৰ প্ৰাৰম্ভিক পৰ্বত বহুমুখী প্ৰতিভাৰে চিনাক্ত এগৰাকী পুৰোধা ব্যক্তি। পৰিচালনা, প্ৰযোজনা, সংগীত-নিৰ্দেশনা, অভিনয় আৰু কণ্ঠশিল্প—এই সকলো ক্ষেত্ৰতে তেওঁৰ সক্ৰিয় অৱদান বিশেষকৈ অসমীয়া চলচিত্ৰক জনপ্ৰিয় ৰূপ দিয়াৰ ক্ষেত্ৰত গুৰুত্বপূৰ্ণ।
-
নিপ বৰুৱা
নিপ বৰুৱা (১৯২৫–১৯৯২) অসমীয়া চলচ্চিত্ৰৰ এজন প্ৰযোজক- পৰিচালক, যাৰ কৰ্মধাৰাই বাণিজ্যিক দিশত চলচ্চিত্ৰ উদ্যোগখন অধিক সংগঠিত ৰূপত আগবঢ়াই নিয়ে। তেওঁ ১৫খন অসমীয়া কথাছবি পৰিচালনা কৰাৰ লগতে কাৰ্টুন আঁকা, সংগীত আৰু ফুটবলৰ প্ৰতিও আগ্ৰহী আছিল।
-
পুলক গগৈ
পুলক গগৈ (১৯৩৮–২০২২) অসমৰ এগৰাকী চিত্ৰশিল্পী, কাৰ্টুনিষ্ট, চলচ্চিত্ৰ পৰিচালক আৰু প্ৰযোজক। চিত্ৰকলাৰ আনুষ্ঠানিক শিক্ষাৰ লগতে সংবাদ-আলোচনীত কৰ্মঅভিজ্ঞতা লভি তেওঁ অসমীয়া চলচ্চিত্ৰত মুঠ ৯খন ছবি পৰিচালনা কৰি চিনাক্তি লাভ কৰিছিল।
-
বিদ্যুৎ চক্ৰৱৰ্তী
বিদ্যুৎ চক্ৰৱৰ্তী অসমীয়া মঞ্চ আৰু চলচিত্ৰ জগতৰ এগৰাকী উল্লেখযোগ্য অভিনেতা-পরিচালক আছিল। ‘ৰাগ-বিৰাগ’ আৰু ‘দুৱাৰ (চলচিত্ৰ)’ আদি ছবিৰ জৰিয়তে তেখেতে অসমীয়া চলচিত্ৰৰ সমান্তৰাল ধাৰা আৰু মূলধাৰাৰ মাজত সেতুবন্ধ ৰচনা কৰিছিল।
-
পাৰ্ৱতি প্ৰসাদ বৰুৱা
পাৰ্ৱতি প্ৰসাদ বৰুৱা অসমীয়া সাহিত্য, গীত-ৰচনা, নাটক আৰু চলচ্চিত্ৰৰ ক্ষেত্ৰত বহুমুখী অৱদান আগবঢ়োৱা এজন সৃষ্টিশীল শিল্পী। বিশেষকৈ গীতিকবি আৰু চলচ্ছিত্ৰ-নিৰ্মাতা হিচাপে তেওঁ ১৯৪০ চনত অসমীয়া ভাষাৰ চতুৰ্থখন ছবি ‘ৰূপহী’ নিৰ্মাণ কৰি অসমীয়া সাংস্কৃতিক ইতিহাসত স্থায়ী ছাপ ৰাখে।
-
হেমন্ত দত্ত
হেমন্ত দত্ত (১৯৪১–২০২৫) অসমীয়াৰ এগৰাকী বহুমুখী সাংস্কৃতিক ব্যক্তিত্ব; তেওঁ নাট্যকাৰ, গীতিকাৰ, অভিনেতা আৰু পৰিচালক হিচাপে দীৰ্ঘদিন সক্ৰিয় আছিল। এশৰো অধিক নাট আৰু পাঁচশৰো অধিক গীত ৰচনাৰ লগতে তেওঁ উপপথ (১৯৮০) নামৰ অসমীয়া চলচ্চিত্ৰখন পৰিচালনা কৰিছিল।
-
শিৱপ্ৰসাদ ঠাকুৰ
শিৱপ্ৰসাদ ঠাকুৰ (Shivaprasad Thakur) অসমৰ এজন চলচ্চিত্ৰ পৰিচালক আছিল। ১৯৮৩ চনত মুক্তিপ্ৰাপ্ত ঘৰ সংসাৰ নামৰ চলচ্চিত্ৰৰ পৰিচালনাৰ যোগেদি তেখেতে অসমীয়া চলচ্চিত্ৰ জগতত পদাৰ্পন কৰিছিল। তেখেতে মুঠতে ১০খন অসমীয়া চলচ্চিত্ৰৰ পৰিচালনা কৰিছিল।
-
মঞ্জু বৰা
মঞ্জু বৰা (Manju Borah)অসমৰ এগৰাকী যশস্বী চলচ্চিত্ৰ পৰিচালক আৰু গল্পকাৰ। তেওঁ উৎকৃষ্ট চলচ্চিত্ৰ পৰিচালনাৰ বাবে ইতিমধ্যে ভালেসংখ্যক ৰাষ্ট্ৰীয় আৰু আন্তঃৰাষ্ট্ৰীয় বঁটা লাভ কৰিছে।
-
বাহাৰুল ইছলাম
বাহাৰুল ইছলাম (Baharul Islam) হৈছে অসমৰ এগৰাকী চলচ্চিত্ৰ আৰু মঞ্চ অভিনেতা আৰু নাট পৰিচালক। বাহাৰুল ইছলামে বৰ্তমানলৈ অসমীয়া, হিন্দী আৰু ইংৰাজী ভাষাৰ প্ৰায় ৮০খন চলচ্চিত্ৰত অভিনয় কৰিছে।
-
সঞ্জীৱ হাজৰিকা
সঞ্জীৱ হাজৰিকা (Sanjeev Hazarika) অসমৰ এজন মঞ্চ আৰু চলচ্চিত্ৰাভিনেতা, নাট পৰিচালক, চিত্ৰনাট্যকাৰ আৰু চলচ্চিত্ৰ পৰিচালক। ১৯৫৬ চনত তেওঁৰ জন্ম হয়। ১৯৮০ চনত তেওঁ গুৱাহাটী বিশ্ববিদ্যালয়ৰ পৰা বিজ্ঞানত স্নাতক ডিগ্ৰী লাভ কৰে। ১৯৭৮ চনত তেওঁ আকাশবাণী গুৱাহাটীৰ অনাতাঁৰ নাটকৰ অভিনেতা হিচাপে বাচনিভূক্ত হয়।
-
আইমী বৰুৱা
আইমী বৰুৱা (Aimee Baruah) এগৰাকী অসমীয়া অভিনেত্ৰী। তেওঁ কেইবাখনো অসমীয়া চলচ্চিত্ৰৰ লগতে বহুতো ভিচিডি তথা এলবামত অভিনয় কৰিছে।
-
কমল নাৰায়ণ চৌধুৰী
কমল নাৰায়ণ চৌধুৰী অসমৰ এগৰাকী চলচ্চিত্ৰ তথা সংগীত পৰিচালক হিচাবে জনাজাত। চলচ্চিত্ৰ পৰিচালনা কৰাৰ উপৰিও তেখেতে কেইবাখনো অসমীয়া চলচ্চিত্ৰত অভিনয়ো কৰিছিল। অসমৰ চলচ্চিত্ৰ জগতত প্ৰথমখন অসমীয়া ৰঙীন কথাছবি ‘ভাইটি’ৰ নিৰ্মাতা হিচাবে তেখেত চিৰস্মৰণীয়।
-
ৰজনী বসুমতাৰী
ৰজনী বসুমতাৰী এগৰাকী চলচ্চিত্ৰ পৰিচালক, প্ৰযোজক, অভিনেত্ৰী আৰু চিত্ৰনাট্যকাৰ। প্ৰথমতে বিদ্যুৎ চক্ৰৱৰ্তী, মুজাফৰ আলীৰ দৰে পৰিচালকৰ অধীনত তেওঁ কাম কৰিছিল। তেওঁ গুৱাহাটী দূৰদৰ্শনৰ বাবেও কেইবাখনো ধাৰাবাহিকৰ কাহিনী লিখিছে।
-
ধীৰু ভূঞা
ধীৰু ভূঞা (Dhiru Bhuyan) আছিল অসমৰ এজন থিয়েটাৰ আৰু চলচ্চিত্ৰ পৰিচালক। ১৯৪২ চনত গুৱাহাটীৰ উজান বজাৰত তেওঁৰ জন্ম হৈছিল।
-
সমৰেন্দ্ৰ নাৰায়ণ দেৱ
সমৰেন্দ্ৰ নাৰায়ণ দেৱ (Samarendra Narayan Dev) অসমৰ এজন চলচ্চিত্ৰ পৰিচালক, চিত্ৰনাট্যকাৰ, টেলিফিল্ম-নিৰ্মাতা, ধাৰাবাহিকৰ পৰিচালক, নাট্যকাৰ। ১৯৭১ চনত মুক্তিপ্ৰাপ্ত আৰু ৰাষ্ট্ৰীয় চলচ্চিত্ৰ বঁটা বিজয়ী অৰণ্য নামৰ চলচ্চিত্ৰৰ পৰিচালনাৰ যোগেদি তেখেতে অসমীয়া চলচ্চিত্ৰ জগতত পদাৰ্পন কৰিছিল৷ তেখেতে মুঠতে…
-
সান্ত্বনা বৰদলৈ
সান্ত্বনা বৰদলৈ (Santwana Bardoloi) এগৰাকী ৰাষ্ট্ৰীয় পুৰস্কাৰপ্ৰাপ্ত অসমীয়া চলচ্চিত্ৰ নিৰ্মাতা। বৃত্তিত তেওঁ এগৰাকী শিশু ৰোগ বিশেষজ্ঞ চিকিৎসক।
-
হিমাংশু প্ৰসাদ দাস
হিমাংশু প্ৰসাদ দাস (Himanshu Prasad Das) অসমৰ এগৰাকী কবি, গীতিকাৰ, সুৰকাৰ, নাট্যকাৰ, চলচ্চিত্ৰ অভিনেতা আৰু পৰিচালক। তেওঁ বিশেষকৈ অসমৰ অপেছাদাৰী নাটকৰ লগত জড়িত। তেওঁ ৰচনা আৰু আবৃত্তি কৰা এই ছোৱালী এবাৰ ভালপাই চাবা নেকি শীৰ্ষক কবিতাটিয়ে ব্যাপক জনপ্ৰিয়তা লাভ কৰিছিল।
-
দুলাল ৰয়
দুলাল ৰয় (Dulal Roy; জন্ম ১ এপ্ৰিল ১৯৪৩) অসমৰ এগৰাকী নাট্যকাৰ, নাট আৰু চলচ্চিত্ৰ পৰিচালক তথা অভিনেতা। তেওঁ ৰাষ্ট্ৰীয় নাট্য বিদ্যালয় আৰু পুনেৰ ভাৰতীয় চলচ্চিত্ৰ আৰু দূৰদৰ্শন প্ৰতিষ্ঠানত অধ্যয়ন কৰিছিল। দুলাল ৰয়ে অসমৰ সাংস্কৃতিক পৰিক্ৰমা সঞ্চালকালয়ত যুটীয়া সঞ্চালক হিচাপে কাৰ্যনিৰ্বাহ কৰিছিল।
-
দ্বিবন বৰুৱা
দ্বিবন বৰুৱা (Dwiban Baruah) অসমীয়া চলচ্চিত্ৰ জগতৰ এগৰাকী পুৰোধা ব্যক্তি আছিল। তেওঁ আছিল একাধাৰে এগৰাকী চলচ্চিত্ৰ প্ৰযোজক, পৰিচালক, সঙ্গীত পৰিচালক, কণ্ঠশিল্পী, অভিনেতা আৰু চিত্ৰনাট্যকাৰ। তেওঁ মুঠ ৭খন চলচ্চিত্ৰৰ পৰিচালক আছিল।
-
প্ৰবীণ ফুকন
প্ৰবীণ ফুকন (Prabin Phukan; মৃত্যু ১৪ এপ্ৰিল ১৯৮৫) এজন অসমীয়া নাট্যকাৰ, চলচ্চিত্ৰ আৰু নাট পৰিচালক, অভিনেতা তথা এজন সুদক্ষ খেলুৱৈ আছিল। তেওঁ সপ্তম অসমীয়া চলচ্চিত্ৰ পাৰঘাটৰ পৰিচালক আছিল। লাচিত বৰফুকন (১৯৬১) তেওঁ লক্ষ্যধৰ চৌধুৰীৰ সৈতে যুটীয়াভাবে পৰিচালনা কৰিছিল।
-
ব্ৰজেন বৰা
ব্ৰজেন বৰা (Brajen Borah) অসমৰ এজন প্ৰসিদ্ধ চলচ্চিত্ৰ পৰিচালক, অভিনেতা, নাট্যকাৰ। তেওঁৰ জন্ম হৈছিল শিৱসাগৰত।১৯৮২ চনত সাদৰী নামে অসমীয়া চলচ্চিত্ৰখনৰ যোগেদি তেখেতে চলচ্চিত্ৰ জগতত পদাৰ্পন কৰিছিল। তেখেতে বৰ্তমানলৈ কেইবাখনো অসমীয়া চলচ্চিত্ৰৰ পৰিচালনা আৰু অভিনয় কৰিছে।
-
আনোৱাৰ হুছেইন
আনোৱাৰ হুছেইন (Anowar Hussain) এগৰাকী অসমীয়া চলচ্চিত্ৰৰ পৰিচালক আৰু প্ৰযোজক। তেওঁ মুঠ ছয়খন অসমীয়া ছবি পৰিচালনা কৰিছে। তেওঁ আটাইতকৈ কম বয়সতে ছবি পৰিচালনা কৰা অসমীয়া পৰিচালক। তেওঁৰ তৃতীয় ছবি তেজীমলাই শ্ৰেষ্ঠ অসমীয়া ছবিৰ ৰাষ্ট্ৰপতিৰ ‘চাৰ্টিফিকেট অফ মেৰিট’ লাভ কৰিছিল।
-
কেনী দেউৰী বসুমতাৰী
কেনী দেউৰী বসুমতাৰী (Kenny Deori Basumatary) অসমৰ এগৰাকী অভিনেতা, চলচ্চিত্ৰ পৰিচালক তথা উদীয়মান লেখক।
-
জন্ছ মহলীয়া
জন্ছ মহলীয়া (২৬ ছেপ্টেম্বৰ, ১৯৪৬ - ৫ ফেব্ৰুৱাৰী, ২০১৬) অসমৰ এগৰাকী চলচ্চিত্ৰ নিৰ্মাতা। শোণিতপুৰ জিলাৰ চতিয়াৰ চেঙামাৰীত জন্মগ্ৰহণ কৰা মহলীয়াই পুণেৰ ভাৰতীয় চলচ্চিত্ৰ আৰু দূৰদৰ্শন প্ৰতিষ্ঠানত (FTII) নিৰ্দেশনাৰ পাঠ্যক্ৰম গ্ৰহণ কৰিছিল। ১৯৭৯ চনত মুক্তি লাভ কৰা "দূৰণিৰ ৰং" তেখেতৰ প্ৰথম চলচ্চিত্ৰ।
-
পদুম বৰুৱা
পদুম বৰুৱা (Padum Barua) অসমৰ এজন প্ৰসিদ্ধ চলচ্চিত্ৰ পৰিচালক আৰু সংগীত পৰিচালক। তেখেতে পৰিচালনা কৰা একমাত্ৰ অসমীয়া চলচ্চিত্ৰখন হৈছে গঙা চিলনীৰ পাখি। ১৯৭৬ চনত এই চলচ্চিত্ৰখনে মুক্তি লাভ কৰিছিল। ২৫ জুলাই ২০০৬ ত নিজ বাসভৱনত তেখেতৰ মৃত্যু হয়।