নলিন দুৱৰা (Nalin Duwara) অসমৰ চলচ্চিত্ৰৰ এগৰাকী পৰিচালক আৰু চিত্ৰগ্ৰহণকাৰী বা চিনেমেটোগ্ৰাফাৰ আছিল। তেওঁৰ জন্ম ১৯২৮ চনৰ ২২ জুনত তেতিয়াৰ ব্ৰিটিছ শাসিত অসমৰ শিৱসাগৰ জিলাত (বৰ্তমানৰ গোলাঘাট জিলা) হয়। তেওঁৰ মাকৰ নাম আছিল মনোৰমা দুৱৰা। দেউতাক সৰ্বানন্দ দুৱৰা অভয়জান আৰু শাওতলী বাগিছাৰ স্বত্বাধিকাৰ আছিল। গোলাঘাট বেজবৰুৱা উচ্চতৰ মাধ্যমিক বিদ্যালয়ৰ পৰা তেওঁ প্ৰবেশিকা পৰীক্ষাত উত্তীৰ্ণ হৈ শ্বিলঙৰ চেইণ্ট এন্থনিজ্ এণ্ড চেইণ্ট এডমণ্ডছ্ কলেজত উচ্চশিক্ষা গ্ৰহণ কৰে।১
১৯৪৭ত দুৱৰাই মুম্বাইৰ আব্দুল্লা ফজলভাই ইঞ্চটিটিউট অৱ চেইণ্ট জেভিয়াৰ্ছৰ পৰা মোচন পিকচাৰ্চ ফটোগ্ৰাফীৰ দুবছৰীয়া পাঠ্যক্ৰমত ভৰ্তি হয়। ডিপ্লোমা লোৱাৰ পিছত তেওঁ কলিকতাৰ ইন্দ্ৰলোক ষ্টুডিঅ' আৰু ইন্দ্ৰপুৰী ষ্টুডিঅ'ত সহকাৰী কেমেৰামেন হিচাপে কামত সোমায়। এইখিনি সময়তে তেওঁ প্ৰখ্যাত পৰিচালক হৃষিকেশ মুখাৰ্জী, বিমল ৰয় আদি পৰিচালকৰ সান্নিধ্য পাবলৈ সক্ষম হৈছিল।১
চলচ্চিত্ৰপঞ্জী
পৰিচালনা
- মমতা (চলচ্চিত্ৰ) (১৯৭৩)
- ৰতনলাল (১৯৭৫)
চিত্ৰগ্ৰহণ
- ৰুণুমী (চলচ্চিত্ৰ) (১৯৫২) (অন্তৰ্দৃশ্যগ্ৰহণ)
- নিমিলা অংক (চলচ্চিত্ৰ) (১৯৫৫)
- স্মৃতিৰ পৰশ(১৯৫৬)
- লখিমী (চলচ্চিত্ৰ) (১৯৫৬)
- মাক আৰু মৰম (চলচ্চিত্ৰ) (১৯৫৭)
- ধুমুহা (১৯৫৭)
- ৰঙা পুলিচ (১৯৫৮)
- কেঁচা সোণ (১৯৫৯)
- আমাৰ ঘৰ (১৯৫৯)
- নৰকাসুৰ (১৯৬২)
- সংগ্ৰাম(১৯৬৮) (ফটোগ্ৰাফী নিৰ্দেশক)
- বৰুৱাৰ সংসাৰ (১৯৭০) (ফটোগ্ৰাফী নিৰ্দেশক)
- ললিতা (১৯৭২)
- ওপজা সোণৰ মাটি (চলচ্চিত্ৰ) (১৯৭২)
- মমতা (চলচ্চিত্ৰ)(১৯৭৩)
- আজলী নবৌ (১৯৮০)
- মইনাজান (১৯৮০)
- ককাদেউতা নাতি আৰু হাতী (১৯৮৩)
- সেন্দূৰ
- এণ্টনী মোৰ নাম (১৯৮৬)
- কনকলতা (১৯৯০)
- বংশধৰ (১৯৯২)২
তথ্যসূত্ৰ
- ↑ Nolin Duwora
- ↑ Arunlochan Das. (2013). 100 Asomiya Chalachchitror kahini Aru Geet. Sashi-Sishu Prakashan, গুৱাহাটী
উৎস আৰু অনুজ্ঞাপত্ৰ
উৎস: অসমীয়া ৱিকিপিডিয়া। এই প্ৰবন্ধটো অসমীয়া ৱিকিপিডিয়াৰ “নলিন দুৱৰা” প্ৰবন্ধৰ সংশোধন ৩৯২৮৯৬ (২২ নৱেম্বৰ ২০২৩)ৰ পৰা আনি অসমীয়া বিশ্বকোষৰ গাঁথনিলৈ ৰূপান্তৰ কৰা হৈছে। মূল লেখকসকলৰ তালিকা সম্পাদনা-ইতিহাসত উপলব্ধ। পাঠ্য CC BY-SA 4.0।