বৰুৱাৰ সংসাৰ ১৯৭০ চনৰ ২ অক্টোবৰৰ দিনা মুক্তি পোৱা নিপ বৰুৱা পৰিচালিত এখন অসমৰ চলচ্চিত্ৰ। ৰাজজ্যোতি চিনে আৰ্টৰ বেনাৰত ছবিখন প্ৰযোজনা কৰিছিল মনোৰঞ্জন আগৰৱালা, দেৱৰঞ্জন আগৰৱালা আৰু নিভা বৰুৱাই। আকাশবাণী গুৱাহাটী যোগে সম্প্ৰচাৰিত নাট্যকাৰ প্ৰফুল্ল বৰা ৰচিত জনপ্ৰিয় অনাতাঁৰ ধাৰাবাহিক বৰুৱাৰ সংসাৰ ৰ কাহিনীৰ আধাৰত বৰুৱাৰ সংসাৰ বোলছবিখনৰ চিত্ৰনাট্য ৰচনা কৰিছিল নিপ বৰুৱাই। ছবিখনৰ বেছিভাগ দৃশ্যগ্ৰহণ জ্যোতিপ্ৰসাদ আগৰৱালাৰ জন্মস্থান তামোলবাৰী চাহবাগিছাত কৰা হৈছিল।১
অভিনয় শিল্পী
- তচদ্দুক ইউছুফ
- ব্ৰজেন বৰুৱা
- নিপন গোস্বামী
- বিজু ফুকন
- অনিমা ভট্ট
- বীণা বাৰুৱতী
- নিৰেন বৰুৱা
- প্ৰতিভা ঠাকুৰ
- ৰাণী পাঠক
- বিৰিঞ্চি ভট্টাচাৰ্য
- গোলাপ শৰ্মা
- ডাঃ চন্দন পাঠক আদি১
সঙ্গীত
ছবিৰ সঙ্গীত পৰিচালনা ৰমেন বৰুৱাৰ। গীত গাইছে দ্বীপেন বৰুৱা, নিৰ্মলা মিশ্ৰ আৰু ৰুণুমী ভট্টাচাৰ্যই।২
| ক্ৰমিক নং | গীতৰ শীৰ্ষক | গীতিকাৰ | কণ্ঠ |
|---|---|---|---|
| ১ | লাজুক চাৱনীৰে নিবিড় আবেগেৰে মদিৰ কিনো মায়া গোপনে জগালে | নিৰ্মলপ্ৰভা বৰদলৈ | দ্বীপেন বৰুৱা, নিৰ্মলা মিশ্ৰ |
| ২ | গা, গা, আজি গাই যা, গা, এই গীতকে গা | এলি আহমেদ | দ্বিপেন বৰুৱা |
| ৩ | হেপী বাৰ্থ দে টু ইউ | নিৰ্মলা মিশ্ৰ, ৰুণুমী ভট্টাচাৰ্য | |
| ৪ | ওৰণিৰ তলেৰে মিচিকিয়া হাঁহি মাণিক মুকুতা সৰে | কেশৱ মহন্ত | দ্বীপেন বৰুৱা, নিৰ্মলা মিশ্ৰ |
| ৫ | লাজ কিয় লাগে, চকু কিয় কঁপে | প্ৰফুল্ল বৰা | দ্বীপেন বৰুৱা |
তথ্যসূত্ৰ
উৎস আৰু অনুজ্ঞাপত্ৰ
উৎস: অসমীয়া ৱিকিপিডিয়া। এই প্ৰবন্ধটো অসমীয়া ৱিকিপিডিয়াৰ “বৰুৱাৰ সংসাৰ” প্ৰবন্ধৰ সংশোধন ৬৪০৪৫৪ (৩০ ছেপ্তেম্বৰ ২০২৬)ৰ পৰা আনি অসমীয়া বিশ্বকোষৰ গাঁথনিলৈ ৰূপান্তৰ কৰা হৈছে। মূল লেখকসকলৰ তালিকা সম্পাদনা-ইতিহাসত উপলব্ধ। পাঠ্য CC BY-SA 4.0।