এণ্টনী মোৰ নাম (চলচ্চিত্ৰ)

এণ্টনী মোৰ নাম ১৯৮৬ চনত মুক্তিপ্ৰাপ্ত এখন এক্সন আৰু ৰহস্য ধৰ্মী অসমীয়া চলচ্চিত্ৰ। এই চলচ্চিত্ৰখন নিপ বৰুৱাই পৰিচালনা কৰিছিল। শইকীয়া এণ্টাৰপ্ৰাইজৰ বেনাৰত ছবিখন প্ৰযোজনা কৰিছিল ধৰ্মকান্ত শইকীয়াই।

কাহিনীৰ সাৰাংশ

গৰ্ভতে পিতৃমোহৰ পৰা বঞ্চিত এণ্টনীক মাতৃয়ে সৰুতে গটাই দিয়ে ফাডাৰ যোচেফৰ হাতত। অনাথ হৈ জীয়াই এণ্টনীয়ে ডাঙৰ হৈ কেতবোৰ অপৰাধত লিপ্ত হয়। এই অপৰাধসমূহ কিন্তু আইনৰ চকুতহে অপৰাধ অথবা এণ্টনী অপৰাধী; সাধাৰণ ৰাইজৰ বাবে এণ্টনী ভগৱানস্বৰূপ। এণ্টনীয়ে চুৰ, ডকাইত কৰে যদিও সেয়া সমাজৰ হিতৰ বাবে। তথাকথিত কিছু সমাজসেৱক বা বিষয়াই জনসাধাৰণৰ হিতাৰ্থে কাম কৰাৰ বাবে আশ্বাস দিয়ে যদিও সেই আশ্বাসেৰেই তেওঁলোকে সমাজৰ নিম্ন শ্ৰেণীৰ লোকক লুটি-পুটি খায়। আৰু এনেবোৰ মুখা পিন্ধা ভদ্ৰলোকৰ মুখা খুলিবলৈয়ে এণ্টনীয়ে বেআইনী কিছু কাম কৰে। শেষত, এণ্টনীয়ে নিজ মাতৃৰ কাকুতিত পুলিচৰ হাতত ধৰা দিয়ে আৰু আদালতৰ পৰা নিৰ্দোষী হিচাপে ওলাই আহি নিজ পৰিয়ালক পুনৰাই বিচাৰি পায়। এয়াই হৈছে বোলছবিখনৰ কাহিনীভাগ।^১২

অভিনয় শিল্পীসকল

সংগীত

এণ্টনী মোৰ নামৰ সংগীত পৰিচালনা কৰিছিল ৰমেন বৰুৱাই আৰু গীতৰ কথা আছিল কেশৱ মহন্তৰ।^৩২

বাহ্যিক সংযোগ

• ইউটিউৱত এণ্টনী মোৰ নাম