আদুৰ গোপালকৃষ্ণন (Adoor Gopalakrishnan) এজন ভাৰতীয় চিত্ৰনিৰ্মাতা, চিত্ৰনাট্যকাৰ আৰু প্ৰযোজক। নামজ্বলা ভাৰতীয় চলচ্চিত্ৰ নিৰ্মাতা সকলৰ ভিতৰত তেওঁ অন্যতম। ৭০ৰ দশকত নিজৰ প্ৰথমখন চিনেমা স্বয়ম্বৰম নিৰ্মাণেৰে গোপালকৃষ্ণনে মালয়ালম চিনেমাত এক নতুন ঢৌৰ সৃষ্টি কৰিছিল।১ পাঁচ দশকতকৈও অধিক সময় চিনেমা নিৰ্মাণত ব্যস্ত থাকি আদুৰে আজি পৰ্যন্ত ১২খন চিনেমা নিৰ্মাণ কৰিছে। তেওঁৰ ছবিসমূহ মালয়ালম ভাষাত নিৰ্মিত আৰু ছবিসমূহত প্ৰায়ে কেৰালাৰ সমাজ আৰু সংস্কৃতি বৰ্ণিত হৈছে। তেওঁৰ প্ৰায় সকলোবোৰ ছবিয়েই ভেনিচ, কাঁন আৰু টৰণ্টো আন্তৰ্জাতিক চিলচ্চিত্ৰ মহোৎসৱত প্ৰদৰ্শিত হৈছে। আন্তৰ্জাতিক চিনেমা জগতত আদুৰ গোপালকৃষ্ণনৰ নাম সত্যজিৎ ৰায়, মৃণাল সেনৰ সৈতে একেলগে লোৱা হয়।২৩
ৰায় আৰু সেনৰ পিছতেই আদুৰ গোপালকৃষ্ণনে নিজৰ ছবিৰ বাবে ১৬ বাৰ ৰাষ্ট্ৰীয় চলচ্চিত্ৰ বঁটা লাভ কৰিছে। তেওঁ ১৭ বাৰকৈ কেৰালাৰ ৰাজ্যিক চলচ্চিত্ৰ বঁটাও লাভ কৰিছে। ১৯৮৪ চনত তেওঁক পদ্মশ্ৰী আৰু ২০০৬ চনত পদ্মবিভূষণ সন্মানেৰে সন্মানিত কৰা হয়। ভাৰতীয় চিনেমালৈ আগবঢ়োৱা অমূল্য অৱদানৰ বাবে ২০০৪ চনত আদুৰ গোপালকৃষ্ণনক দাদাচাহেব ফাল্কে বঁটা প্ৰদান কৰা হয়।৪ দ্য উইচ্কন্চিন-মিল্ৱৌকি বিশ্ববিদ্যালয়ে তেওঁলোকৰ পেক স্কুল অৱ আৰ্টচ্ত আদুৰ গোপালকৃষ্ণন ফিল্ম আৰ্কাইভ আৰু গৱেষণা কেন্দ্ৰ নামেৰে এটা সংগ্ৰহালয় আৰু গৱেষণা কেন্দ্ৰ স্থাপন কৰিছে য'ত গৱেষক ছাত্ৰ-ছাত্ৰীসকলৰ বাবে তেওঁৰ দ্বাৰা নিৰ্মিত ১১খন ছবিৰ ৩৫ মিমি দৈৰ্ঘ্যৰ প্ৰিণ্ট আৰু কেইবাখনো তথ্যচিত্ৰ উপলব্ধ।৫
জন্ম আৰু ব্যক্তিগত জীৱন
কেৰালাৰ আদুৰ চহৰৰ মান্নাডি গাঁৱত ১৯৪১ চনৰ ৩ জুলাই তাৰিখে গোপালকৃষ্ণনৰ জন্ম হয়। তেওঁৰ দেউতাকৰ নাম আছিল মাধৱন উন্নীথন আৰু মাক মৌত্তাথু গৌৰী কুঞ্জম্মা। সাতোটা ভাই-ভনীৰ ভিতৰত গোপালকৃষ্ণন আছিল ষষ্ঠ। তেওঁৰ ন বছৰ বয়সত মাক- দেউতাকৰ বিবাহ বিচ্ছেদ হয় আৰু তেওঁ মাকৰ সৈতে থাকিবলৈ লয়। গৌৰী কুঞ্জম্মাৰ পৰিয়ালটি আছিল অতি সুসংস্কৃতিবান। সেয়ে গোপালকৃষ্ণনে সৰুৰেপৰা এটা সুস্থ সাংস্কৃতিক বাতাবৰণত ডাঙৰ-দীঘল হোৱাৰ সুবিধা পায়।৬ ৮ বছৰ বয়সত এখন অপেছাদাৰী নাটকত অভিনয়েৰে তেওঁ শিল্পী জীৱনৰ পাতনি মেলে। পিছত তেওঁ অভিনয় এৰি লেখা-মেলা আৰু নিৰ্দেশনা কৰিবলৈ লয় আৰু আদুৰ নামেৰে বহুকেইখন নাটক লিখে আৰু পৰিচালনা কৰে। জন্মতে তেওঁৰ নাম গোপালকৃষ্ণন উন্নীথন ৰখা হৈছিল যদিও আদুৰ নামেৰে বহুকেইখন সফল নাটকৰ নাট্যকাৰ হোৱাৰ বাবে জনসমাজত তেওঁ এই নামেৰে পৰিচিতি লাভ কৰে। ১৯৬১ চনত আদুৰে অৰ্থনীতি বিজ্ঞান, ৰাজনীতি বিজ্ঞান আৰু পাব্লিক প্ৰশাসনত গান্ধীগ্ৰাম ৰুৰেল ইনষ্টিটিউটৰপৰা স্নাতক ডিগ্ৰী লয় ৭ আৰু এজন চৰকাৰী বিষয়া ৰূপে তামিলনাডুৰ দিন্দিগালত কাৰ্যনিৰ্বাহ কৰে। এইখিনি সময়তে তেওঁ পুনেৰ ভাৰতীয় চলচ্চিত্ৰ আৰু দূৰদৰ্শন প্ৰতিষ্ঠানত চিত্ৰনাট্য লেখনৰ পাঠ্যক্ৰমৰ বিজ্ঞাপন দেখে আৰু ১৯৬২ চনত চাকৰি এৰি এই পাঠ্যক্ৰমত নামভৰ্তি কৰে। ভাৰত চৰকাৰৰ স্কলাৰশ্বিপসহ ১৯৬৫ চনত তেওঁ এই পাঠ্যক্ৰম শেষ কৰে আৰু কেৰালালৈ উভতি গৈ তেওঁৰ সহপাঠী আৰু বন্ধুবৰ্গৰ সৈতে লগ-লাগি তাত চিত্ৰলেখা ফিল্ম চ'ছাইটি আৰু চলচ্চিত্ৰ সহকৰণ সংঘ আৰম্ভ কৰে। এইটো আছিল কেৰালাৰ প্ৰথমটো চলচ্চিত্ৰ উদ্যোগ। এই উদ্যোগটোৰ উদ্দেশ্য আছিল ক’পাৰেটিভ চেক্টৰত ছবিৰ প্ৰযোজনা, পৰিৱেশন আৰু প্ৰদৰ্শনী পতা।
তেওঁ প্ৰায় ১১খন চিনেমা তথা ত্ৰিশখন চুটি ছবি আৰু তথ্যচিত্ৰৰ চিত্ৰনাট্য লিখে আৰু পৰিচালনা কৰে আৰু ১৭ বাৰকৈ ৰাষ্ট্ৰীয় আৰু ৰাজ্যিক চলচ্চিত্ৰ বঁটা লাভ কৰে।
১৯৭২ চনৰ ১৩ ছেপ্টেম্বৰত সুনন্দাৰ সৈতে গোপালকৃষ্ণনৰ বিয়া হয়৬ আৰু তেওঁলোকে কেৰালাৰ তিৰুৱনন্থপুৰম (ত্ৰিবান্দম)ত স্থায়ীভাৱে বসবাস কৰিবলৈ লয়। ১৯৭৩ চনত তেওঁলোকৰ ছোৱালী অস্বতীৰ জন্ম হয় আৰু ২০১৫ চনত দুৰাৰোগ্য ৰোগত ভুগি সুনন্দাৰ মৃত্যু হয়।৬ অস্বতী এগৰাকী আই পি এছ বিষয়া (অসম কেডাৰ, ২০০০ বেটচ্) আৰু তেওঁ ২০১০ চনৰপৰা মুম্বাই পুলিচ বিভাগৰ ডেপুটি কমিছনাৰ ৰূপে কৰ্মৰত।৮৯
বঁটা আৰু সন্মান
- ২০১৫- ভাৰতৰত্ন ড॰ ভূপেন হাজৰিকা সংহতি বঁটা
- ২০১৩ - কেৰালা সাহিত্য অকাডেমি বঁটা
- ২০১০ - কেৰালা বিশ্ববিদ্যালয়ৰপৰা ডি লিট উপাধি প্ৰদান।
- ২০০৬ - পদ্মবিভূষণ১০
- ২০০৪ - দাদাচাহেব ফাল্কে বঁটা৪
- ১৯৯৬ - মহাত্মা গান্ধী বিশ্ববিদ্যালয়, কেৰালাৰপৰা ডি লিট উপাধি প্ৰদান।১১
- ১৯৮৪ - পদ্মশ্ৰী১২
- ১৯৮৪ - লিজন অৱ অনাৰ(ফ্ৰেন্স অৰ্ডাৰ, ফ্ৰান্সৰ সৰ্ব্বোচ সজ্জা)১৩
- ৰাষ্ট্ৰীয় চলচ্চিত্ৰ বঁটা (মুঠ ১৭টা)
- কেৰালা ৰাজ্যিক চলচ্চিত্ৰ বঁটা (মুঠ ১৭টা)
- আন্তৰ্জাতিক ফিল্ম ক্ৰিটিক বঁটা, একাদিক্ৰমে ৬খন ছবিৰ বাবে ( মুখামুখম, অন্তৰম, মাথিলুকাল, ৱিধেয়ান, কথাপুৰুষন" আৰু নিযহালক্কুথু'' )১৪
- ১৯৮২-লণ্ডন চলচ্চিত্ৰ মহোৎসৱত সুডাৰ্ল্যাণ্ড ট্ৰফী (এলিপ্পথয়াম)
- ব্ৰিটিছ ফিল্ম ইনষ্টিটিউট বঁটা (এলিপ্পথয়াম-১৯৮২ চনৰ আটাইতকৈ মৌলিক কল্পনানিৰ্ভৰ ছবি)১৫
- ফ্ৰান্স চৰকাৰৰ দ্বাৰা Commandeur of the Ordre des Arts et des Lettres প্ৰদান, ( ২০০৩ )১৬
- কাইৰো ইণ্টাৰনেচনেল ফিল্ম ফেষ্টিভেলত জীৱনজোৰা সাধনা বঁটা
ৰাষ্ট্ৰীয় চলচ্চিত্ৰ বঁটা(সৱিশেষ)
- ১৯৭৩ - শ্ৰেষ্ঠ ছবি - স্বয়ম্বৰম
- ১৯৭৩ - শ্ৰেষ্ঠ পৰিচালক - স্বয়ম্বৰম
- ১৯৭৮ - শ্ৰেষ্ঠ মালয়ালম ছবি - কোড়িয়েট্টাম
- ১৯৮০ - জুৰীৰ বিশেষ বঁটা - দ্যা চোলা হেৰিটেজ
- ১৯৮২ - শ্ৰেষ্ঠ মালয়ালম ছবি - এলিপ্পথয়াম
- ১৯৮৪ - চিনেমাৰ শ্ৰেষ্ঠ কিতাপ - চিনেমায়ুড়ে লকাম
- ১৯৮৫ - শ্ৰেষ্ঠ পৰিচালক - মুখামুখম
- ১৯৮৫ - শ্ৰেষ্ঠ মালয়ালম ছবি - মুখামুখম
- ১৯৮৫ - শ্ৰেষ্ঠ চিত্ৰনাট্য - মুখামুখম
- ১৯৮৮ - শ্ৰেষ্ঠ পৰিচালক - অন্তৰম
- ১৯৮৮ - শ্ৰেষ্ঠ চিত্ৰনাট্য - অন্তৰম
- ১৯৯০ - শ্ৰেষ্ঠ পৰিচালক - মাথিলুকাল
- ১৯৯০ - শ্ৰেষ্ঠ মালয়ালম ছবি - মাথিলুকাল
- ১৯৯৪ - শ্ৰেষ্ঠ মালয়ালম ছবি - ৱিধেয়ান
- ১৯৯৫ - শ্ৰেষ্ঠ ছবি - ''কথাপুৰুষন"
- ২০০৩ - শ্ৰেষ্ঠ মালয়ালম ছবি - নিযহালক্কুথু
- ২০০৮ - শ্ৰেষ্ঠ পৰিচালক - নালু পেন্নুন্গাল'কেৰালা ৰাজ্যিক চলচ্চিত্ৰ বঁটা (সৱিশেষ)'শ্ৰেষ্ঠ ছবি
- কোড়িয়েট্টাম ( ১৯৭৭ )
- এলিপ্পথয়াম ( ১৯৮১ )
- মুখামুখম ( ১৯৮৪ )
- ''ৱিধেয়ান ( ১৯৯৩ )
- অৰু পেন্নুম ৰেন্দানুম ( ২০০৮ )
শ্ৰেষ্ঠ পৰিচালক
- কোড়িয়েট্টাম ( ১৯৭৭ )
- মুখামুখম ( ১৯৮৪ )
- অন্তৰম ( ১৯৮৭ )
- ৱিধেয়ান ( ১৯৯৩ )
- অৰু পেন্নুম ৰেন্দানুম ( ২০০৮ )
শ্ৰেষ্ঠ কাহিনী
- কোড়িয়েট্টাম( ১৯৭৭ )
শ্ৰেষ্ঠ চিত্ৰনাট্য
- ''ৱিধেয়ান ( ১৯৯৩ )
- অৰু পেন্নুম ৰেন্দানুম ( ২০০৮ )
শ্ৰেষ্ঠ তথ্যচিত্ৰ
- কৃষ্ণনাত্তম ( ১৯৮২ )
- কালামণ্ডলম গোপি ( ১৯৯৯ )
শ্ৰেষ্ঠ চুটি ছবি
- কালামণ্ডলম ৰমনকুত্তি নায়াৰ ( ২০০৫ )
চিনেমাৰ শ্ৰেষ্ঠ কিতাপ
- চিনেমানুভৱম ( ২০০৪ )
তেওঁৰ চিনেমাৰ ৰেট্ৰ'স্পেক্টিভ প্ৰদৰ্শিত হয়-
- কলিকতা, ছিগাল ফাউণ্ডেচন ফ'ৰ আটচ্ এণ্ড নন্দন, ২০০৯১৭
- স্লভেনিয়ান আন্তৰ্জাতিক চলচ্চিত্ৰ মহোৎসৱ, ২০০৯১৮
- দ্যা মুনিচ ফিল্ম ফেষ্টিভেল, ২০০৯১৯
- ফৰাছী চিনেমাটেক, পেৰিছ, ১৯৯৯২০
চলচ্চিত্ৰপঞ্জী
| বৰ্ষ | শীৰ্ষক | সময় | কেটেগৰি | কাষ্ট | বঁটা |
|---|---|---|---|---|---|
| ১৯৬৫ | এ গ্ৰেট ডে | ২০ মিনিট | চুটি ফিকচন | ||
| ১৯৬৬ | এ ডে এট কোৱালাম | ৩০ মিনিট | তথ্যচিত্ৰ | ||
| ১৯৬৭ | দ্যা মীথ | ৫০ চেকেণ্ড | চুটি ফিকচন | মেৰিট চাৰ্টিফিকেট, এক্সপ' ৬৭, মণ্ট্ৰিয়ল | |
| ১৯৬৮ | ডেঞ্জাৰ এত ইয়ৰ দ'ৰ ষ্টেপ | ২০ মিনিট | তথ্যচিত্ৰ | ||
| ১৯৬৮ | এণ্ড মেন ক্ৰিয়েটেড | ৮ মিনিট | তথ্যচিত্ৰ | ||
| ১৯৬৮ | মন্ন্থৰিকাল (গ্ৰেইনচ্ অৱ চেণ্ড) | ২০ মিনিট | তথ্যচিত্ৰ | ||
| ১৯৬৯ | টুৱাৰ্ডচ্ নেচনেল এছ টি ডি | ২০ মিনিট | তথ্যচিত্ৰ | ||
| ১৯৬৯ | এ মিচন অৱ লাভ | ৩০ মিনিট | তথ্যচিত্ৰ | ||
| ১৯৬৬ | ইয়ৰ ফুড | ৬০ মিনিট | তথ্যচিত্ৰ | ||
| ১৯৭০ | প্ৰতিসন্ধি | ৫৫ মিনিট | ডকু-ড্ৰামা | ||
| ১৯৭১ | ৰোমাঞ্চ অৱ ৰাবাৰ | ৩০ মিনিট | তথ্যচিত্ৰ | ||
| ১৯৭২ | স্বয়ম্বৰম (ওৱানচ্ অওন চইজ) (১৯৭২) | ১২৫ মিনিট | ফিচাৰ ফিল্ম | মধু, সাৰদা, ভাৰথ গোপী, থিক্কুঋষি সুকুমাৰণ নায়াৰ, কে পি এ চি ললিতা | ৰাষ্ট্ৰীয় চলচ্চিত্ৰ বঁটা, শ্ৰেষ্ঠ চিনেমা, শ্ৰেষ্ঠ পৰিচালক, শ্ৰেষ্ঠ অভিনেত্ৰী, শ্ৰেষ্ঠ চিনেমাটোগ্ৰাফী, অষ্টম মস্কো আন্তৰ্জাতিক চললচ্চিত্ৰ মহোৎসৱত প্ৰৱেশ২১ |
| ১৯৭৩ | কিলিমনোৰিল অৰু দশলক্ষধিপতি ( এ মিলিয়নাৰ ইজ বৰ্ণ) | ২০ মিনিট | তথ্যচিত্ৰ | ||
| ১৯৭৪ | গুৰু চেংগান্নুৰ | ১৭ মিনিট | তথ্যচিত্ৰ | ||
| ১৯৭৫ | পাষ্ট ইন পাৰচ্পেক্টিভ | ২০ মিনিট | তথ্যচিত্ৰ | ||
| ১৯৭৬ | ইডুক্কি | ৬০ মিনিট | তথ্যচিত্ৰ | ||
| ১৯৭৭ | কোড়িয়েট্টাম(এচেণ্ট) | ১২৮ মিনিট | ফিচাৰ ফিল্ম | ভাৰথ গোপী, কে পি এ চি ললিতা, থিক্কুঋষি সুকুমাৰণ নায়াৰ, আদুৰ ভৱানী, আজিজ | ৰাষ্ট্ৰীয় চলচ্চিত্ৰ বঁটা, শ্ৰেষ্ঠ মালয়ালম চিনেমা আৰু শ্ৰেষ্ঠ অভিনেতা |
| ১৯৭৮ | ফ'ৰ শ্বৰ্টচ অন ফেমিলি প্লেনিং | ১৬ মিনিট | তথ্যচিত্ৰ | ||
| ১৯৭৯ | য়ক্ষগণ | ২০ মিনিট | তথ্যচিত্ৰ | ||
| ১৯৮০ | চোলা হেৰিটেজ | ২০ মিনিট | তথ্যচিত্ৰ | ||
| ১৯৮১ | এলিপ্পথয়াম (দ্যা ৰেট ট্ৰেপ) | ১২১ মিনিট | ফিচাৰ ফিল্ম | কাৰামান জনাৰ্দন নায়াৰ, সাৰদা, জলজা, ৰাজম কে নায়াৰ, সোমান | ১৯৮২ চনৰ লণ্ডন চলচ্চিত্ৰ মহোৎসৱত চুডাৰলেণ্ড ট্ৰ্ফী ৰাষ্ট্ৰীয় চলচ্চিত্ৰ বঁটা, শ্ৰেষ্ঠ মালয়ালম চিনেমা আৰু শ্ৰেষ্ঠ অ'ডিঅ'গ্ৰাফী |
| ১৯৮২ | কৃষ্ণনাত্তম | ২০ মিনিট | তথ্যচিত্ৰ | ||
| ১৯৮৪ | মুখামুখম (ফেচ টু ফেচ) | ১০৭ মিনিট | ফিচাৰ ফিল্ম | গংগা, বালন কে নায়াৰ, কাৰামান জনাৰ্দন নায়াৰ, কাৱিয়োৰ পুন্নাম্মা, অশোকা কে পি এ চি ললিতা | এফ আই পি আৰ ই এচ চি আই প্ৰাইজ, নতুন দিল্লী, ৰাষ্ট্ৰীয় চলচ্চিত্ৰ বঁটা, শ্ৰেষ্ঠ পৰিচালক, শ্ৰেষ্ঠ চিত্ৰনাট্য, শ্ৰেষ্ঠ অভিনেতা আৰু শ্ৰেষ্ঠ আঞ্চলিক চলচ্চিত্ৰ |
| ১৯৮৫ | ইও/গংগা (গেংগেছ ৱাটাৰ) | ১৪০ মিনিট | তথ্যচিত্ৰ | Grand Prize, Cinema du reel, Paris | |
| ১৯৮৭ | অন্তৰম (ম'ন'লগ) | ১২৫ মিনিট | ফিচাৰ ফিল্ম | মাম্মুত্তি, অশোকা, শোবনা চন্দ্ৰকুমাৰ, বালন কে নায়াৰ, বাহাদুৰ | এফ আই পি আৰ ই এচ চি আই প্ৰাইজ, Karlovy Vary. ৰাষ্ট্ৰীয় চলচ্চিত্ৰ বঁটা, শ্ৰেষ্ঠ পৰিচালক, শ্ৰেষ্ঠ চিত্ৰনাট্য আৰু শ্ৰেষ্ঠ অ'ডিঅ'গ্ৰাফী |
| ১৯৯০ | মাথিলুকাল (দ্যা ৱালচ্) | ১১৭ মিনিট | ফিচাৰ ফিল্ম | মাম্মুত্তি, মুৰুলি, তিলকন, কে পি এ চি ললিতা, (ভইচ), কাৰামান জনাৰ্দন নায়াৰ, | এফ আই পি আৰ ই এচ চি আই প্ৰাইজ, ভেনিচ, ইউনিচেফ ফিল্ম প্ৰাইজ, ভেনিচ, OCIC Prize, Amiens. ৰাষ্ট্ৰীয় চলচ্চিত্ৰ বঁটা, শ্ৰেষ্ঠ পৰিচালক, শ্ৰেষ্ঠ অভিনেতা আৰু শ্ৰেষ্ঠ আঞ্চলিক চলচ্চিত্ৰ আৰু শ্ৰেষ্ঠ অ'ডিঅ'গ্ৰাফী |
| ১৯৯৩ | ৱিধেয়ান (দ্যা চাৰ্ভাইল) | ১১২ মিনিট | ফিচাৰ ফিল্ম | মাম্মুত্তি, তনভী আজমি, এম আৰ গোপকুমাৰ, সবিতা আনন্দ | এফ আই পি আৰ ই এচ চি আই প্ৰাইজ আৰু স্পেচিয়েল জুৰী প্ৰাইজ, ছিংগাপুৰ ইণ্টাৰাফিল্ম জুৰী প্ৰাইজ, মানহেইম Netpac prize, Rotterdam. ৰাষ্ট্ৰীয় চলচ্চিত্ৰ বঁটা, শ্ৰেষ্ঠ অভিনেতা আৰু শ্ৰেষ্ঠ আঞ্চলিক চলচ্চিত্ৰ |
| ১৯৯৫ | কথাপুৰুষন (দ্যা মেন অৱ ডা ষ্টৰি) | ১০৭ মিনিট | ফিচাৰ ফিল্ম | বিশ্বনাথন, মিনি নায়াৰ, নৰেন্দ্ৰ প্ৰসাদ, Aranmula Ponnamma, উৰ্মিলা উন্নী | এফ আই পি আৰ ই এচ চি আই প্ৰাইজ, ৰাষ্ট্ৰীয় চলচ্চিত্ৰ বঁটা, শ্ৰেষ্ঠ ছবি |
| ১৯৯৫ | কালামণ্ডলম গোপি | ৪৩ মিনিট | তথ্যচিত্ৰ | ||
| ২০০১ | কোড়িয়েট্টাম | ১৮০ মিনিট | তথ্যচিত্ৰ | ||
| ২০০২ | নিযহাল্কুথু (চেড' কিল) | ৯০ মিনিট | ফিচাৰ ফিল্ম | অৰুৱিল উন্নীকৃষ্ণন, সুকুমাৰি, মুৰুলি, নেৰুমুড়ি বেনু, জগতী শ্ৰীকুমাৰ, নাৰায়ণ | এফ আই পি আৰ ই এচ চি আই, মুম্বাই, ৰাষ্ট্ৰীয় চলচ্চিত্ৰ বঁটা, শ্ৰেষ্ঠ আঞ্চলিক চলচ্চিত্ৰ |
| ২০০৫ | কালামণ্ডলম ৰমনকুত্তি নায়াৰ | ৭৩ মিনিট | তথ্যচিত্ৰ | ||
| ২০০৭ | ডান্স অৱ ডা এঞ্চেনট্ৰেছ | ৭২ মিনিট | তথ্যচিত্ৰ | ||
| ২০০৭ | নালু পেন্নুগাল (ফ'ৰ ৱ'মেন) | ১০৫ মিনিট | ফিচাৰ ফিল্ম | নন্দিতা দাস, কাব্যা মাধৱন, গীতু মোহনদাস, পদ্মপ্ৰিয়া, মঞ্জু পিল্লাই, মুৰুলি, মুকেশ, মনোজ কে জয়ন, | ৰাষ্ট্ৰীয় চলচ্চিত্ৰ বঁটা, শ্ৰেষ্ঠ পৰিচালক |
| ২০০৮ | অৰু পেন্নুম ৰেন্দানুম (এ ক্লাইমেট ফ'ৰ ক্ৰাইম) | ১১৫ মিনিট | ফিচাৰ ফিল্ম | নেৰুমুড়ি ভেনু, মনোজ কে জয়ন, জগদীশ, বিজয়াৰাঘৱন, ইন্দ্ৰান্চ, ৰৱি ভাল্লাথল, প্ৰবীণা | কেৰালা ৰাজ্যিক চলচ্চিত্ৰ বঁটা, শ্ৰেষ্ঠ পৰিচালক, ২০০৯ চন |
| ২০১৬ | পিন্নেয়াম | ফিচাৰ ফিল্ম | দিলীপ, কাব্যা মাধৱন, বিজয়াৰাঘৱন, ইন্দ্ৰান্চ, ৰৱি ভাল্লাথল, চিন্দ্ৰা আচব |
বাহ্যিক সংযোগ
- Official website of Adoor
- Official Website of Information and Public Relation Department of Kerala
- Adoor's oeuvre on Rediff
- Collection of photos of Adoor
- Profile of Adoor on Weblokam
- Profile at 'Cinema of Malayalam'
- 'The Road to Modern Times', Naalu Pennungal and the cinema of Adoor Gopalakrishnan, Mint Lounge 8 September 2007, by Arjun Razdan
- Adoorinte Sargaprapancham (Documentary) (in six parts). ইউটিউব
তথ্যসূত্ৰ
- ↑ (31 July 2016). Golden rigmaroles: Adoor Gopalakrishnan on the Malayalam screen. deccanchronicle.com/
- ↑ www.imdb.com/name/nm0329715/
- ↑ www.britannica.com/biography/Adoor-Gopalakrishna
- ↑ (6 September 2005). Adoor selected for Phalke award. দ্য হিন্দু
- ↑ Attipetty, Peter. (6 May 2013). Milwaukee chose me: Adoor Gopalakrishnan. The American Bazaar
- ↑ পাৰ্থজিৎ বৰুৱা. (২৮ মে', ২০২০). বিশ্ববিশ্ৰুত পৰিচালক আদুৰ গোপালকৃষ্ণনৰ সৈতে কথোপকথন. সাক্ষাৎকাৰ. cinekatha.com
- ↑ Page on Adoor Gopalakrishnan at Kerala tourism
- ↑ A correspondent Date: 2 June 2010 Place: Mumbai. (2 June 2010). Husband-wife set to take charge as Mumbai's DCPs. Mid-day.com
- ↑ (23 January 2005). Crimebusters. The Telegraph
- ↑ (21 March 2006). Adoor honoured with Padma award. Rediff.com
- ↑ (5 October 2014). Mahatma Gandhi University. Government of Kerala
- ↑ 'Naalu Pennungal' not complex like my other films: Adoor
- ↑ Celebrating Cinema: 5 Reasons You Should Know About this Pioneer of New Wave – The Penguin Digest. penguin.co.in
- ↑ Official Website of Adoor Gopalakrishnan
- ↑ Dadasaheb Phalke awardee Adoor Gopalakrishnan completes 50 years in cinema. India Today
- ↑ (22 October 2003). Adoor receives French honour. দ্য টাইম্ছ অৱ ইণ্ডিয়া
- ↑ (9 March 2009). Adoor Gopalakrishnan’s Retrospective in Kolkata. Sify
- ↑ (15 November 2008). Adoor retrospective at Slovenian festival. দ্য হিন্দু
- ↑ (5 September 2009). Adoor retrospective. দ্য হিন্দু
- ↑ Interview: Adoor. Cinema of Malayalam
- ↑ 8th Moscow International Film Festival (1973). MIFF
উৎস আৰু অনুজ্ঞাপত্ৰ
উৎস: অসমীয়া ৱিকিপিডিয়া। এই প্ৰবন্ধটো অসমীয়া ৱিকিপিডিয়াৰ “আদুৰ গোপালকৃষ্ণন” প্ৰবন্ধৰ সংশোধন ৫১০৫১৪ (২০ মে’ ২০২৫)ৰ পৰা আনি অসমীয়া বিশ্বকোষৰ গাঁথনিলৈ ৰূপান্তৰ কৰা হৈছে। মূল লেখকসকলৰ তালিকা সম্পাদনা-ইতিহাসত উপলব্ধ। পাঠ্য CC BY-SA 4.0।