অসমীয়া বিশ্বকোষঅসম আৰু অসমীয়া ভাষাৰ জ্ঞানকোষ
অৱদান
বিবিধ

ভাৰতীয় নাগৰিকৰ বাবে ভিছাৰ প্ৰয়োজনীয়তাসমূহ

ভাৰতীয় নাগৰিকৰ বাবে ভিছাৰ প্ৰয়োজনীয়তাসমূহ হৈছে অন্য দেশৰ কৰ্তৃপক্ষই ভাৰতৰ নাগৰিকসকলৰ ওপৰত আৰোপ কৰা প্ৰশাসনিক প্ৰৱেশ প্ৰতিবন্ধকতা। ২০২৬ চনৰ তথ্য অনুসৰি, ভাৰত চৰকাৰৰ বৈদেশিক পৰিক্ৰমা মন্ত্ৰ্যালয়ৰ মতে ভাৰতীয় নাগৰিকসকলৰ বাবে ২৭খন ভিছা-মুক্ত, ৪৭খন ভিছা-অন-এৰাইভেল (প্ৰৱেশ কৰাৰ পাছত ভিছা লাভ কৰা) আৰু…

অসমীয়া ৱিকিপিডিয়াৰ অৱদানকাৰীসকল হালনাগাদ: ৩০ ছেপ্তেম্বৰ ২০২৬ ৫৭ শব্দ · ১ মিনিট সংগৃহীত ৮৪
সংশোধনৰ পৰামৰ্শ

ভাৰতীয় নাগৰিকৰ বাবে ভিছাৰ প্ৰয়োজনীয়তাসমূহ হৈছে অন্য দেশৰ কৰ্তৃপক্ষই ভাৰতৰ নাগৰিকসকলৰ ওপৰত আৰোপ কৰা প্ৰশাসনিক প্ৰৱেশ প্ৰতিবন্ধকতা।

২০২৬ চনৰ তথ্য অনুসৰি, ভাৰত চৰকাৰৰ বৈদেশিক পৰিক্ৰমা মন্ত্ৰ্যালয়ৰ মতে ভাৰতীয় নাগৰিকসকলৰ বাবে ২৭খন ভিছা-মুক্ত, ৪৭খন ভিছা-অন-এৰাইভেল (প্ৰৱেশ কৰাৰ পাছত ভিছা লাভ কৰা) আৰু ৬৬খন ই-ভিছা উপলব্ধ থকা দেশ বা অঞ্চল আছে।১

শেহতীয়া পৰিৱৰ্তনসমূহ:

বৰ্ষপৰিৱৰ্তনসমূহ
২০২৬থাইলেণ্ডে পৰ্যটনৰ উদ্দেশ্যে ভিছা অবিহনে প্ৰৱেশৰ সময়সীমা ৩০ দিনলৈ হ্ৰাস কৰিছে, যি ১৫ ছেপ্টেম্বৰ ২০২৬-ৰপৰা কাৰ্যকৰী হৈছে।২ আৰ্জেণ্টিনাই বৈধ ইউ.শে. ভিছা (B2 / J / B1 / O / P (P1-P2-P3) / E / H-1Bপ্ৰকাৰৰ) অথবা ইউ.এছ. গ্ৰীণ কাৰ্ড থকা ভাৰতীয় নাগৰিকসকলক ভিছা অবিহনে প্ৰৱেশৰ অনুমতি প্ৰদান কৰিছে, যি এপ্ৰিল ২০২৬-ৰপৰা কাৰ্যকৰী হৈছে।৩ ২০২৬ চনৰ ফেব্ৰুৱাৰী মাহৰপৰা নিকায়াগুৱাই 'ভিছা অন এৰাইভেল' আৰু বিকল্প ভিছা কাৰ্যসূচী বাতিল কৰিছে। ভাৰতীয় নাগৰিকসকলক সাধাৰণ পাছপৰ্টৰ বাবে 'চি' শ্ৰেণীৰ ভিছাৰ অন্তৰ্ভুক্ত কৰা হৈছে আৰু ভ্ৰমণৰ পূৰ্বেই নিৰ্দিষ্ট কনছুলেট বা অনলাইন যোগে ভিছাৰ বাবে আবেদন কৰাটো বাধ্যতামূলক কৰা হৈছে।৪ স্পেইন, ফ্ৰান্স আৰু জাৰ্মানীয়ে অনা-ইউৰোপীয় ইউনিয়নভুক্ত দেশলৈ ট্ৰেনজিট কৰা ভাৰতীয়সকলৰ বাবে বিমানবন্দৰ ট্ৰেনজিট ভিছাৰ প্ৰয়োজনীয়তা প্ৰত্যাহাৰ কৰিছে। ই ক্ৰমে ০৪ মাৰ্চ ২০২৬, ১০ এপ্ৰিল ২০২৬ আৰু ০৩ জুন ২০২৬-ৰপৰা কাৰ্যকৰী হৈছে।৫৬ উজবেকিস্তানে এতিয়া ভাৰতীয় নাগৰিকসকলৰ বাবে ৩০ দিনৰ ভিছা মুক্ত প্ৰৱেশৰ সুবিধা প্ৰদান কৰিছে।৭৮৯ বেলাৰুছে ভাৰতীয় নাগৰিকসকলৰ বাবে সৰ্বাধিক ৩০ দিনৰ বাবে ই-ভিছা (E-Visa) ব্যৱস্থা আৰম্ভ কৰিছে।১০

পূৰ্বৰ বছৰবোৰ

বৰ্ষপৰিবৰ্তনসমূহ
২০২৫দক্ষিণ আফ্ৰিকাই ভাৰতকে ধৰি কিছুমান নিৰ্দিষ্ট দেশৰ বাবে ই.টি.এ. ব্যৱস্থা মুকলি কৰে, যাৰ ম্যাদ ৯০ দিন আৰু ইয়াক পুনৰ ৯০ দিনলৈ বৃদ্ধি কৰিব পাৰি।১১১২ আৰ্জেন্টিনাই ২০২৫ চনৰ আগষ্ট মাহৰ শেষৰ ফালৰ পৰা বৈধ ইউ.এছ. B2 ভিছা থকা ভাৰতীয় নাগৰিকসকলৰ বাবে ভিছা-মুক্ত ভ্ৰমণৰ ব্যৱস্থা কৰে। ইয়াৰ ফলত তেওঁলোকে পৰ্যটনৰ বাবে পৃথক ভিছা বা ইলেকট্ৰনিক ট্ৰেভেল অথৰাইজেশ্যন (AVE) অবিহনেই আৰ্জেন্টিনাত প্ৰৱেশ কৰিব পাৰিব। ৰাষ্ট্ৰীয় প্ৰব্ৰজন সঞ্চালকালয়ে অৱশ্যে প্ৰৱেশৰ সময়ত প্ৰতিটো গোচৰ পৰীক্ষা কৰিব।১৩ ইৰানে ২২ নৱেম্বৰ ২০২৫-ৰ পৰা কাৰ্যকৰী হোৱাকৈ সাধাৰণ ভাৰতীয় পাছপৰ্ট ধাৰীসকলৰ বাবে উপলব্ধ ভিছা ৰেহাইৰ সুবিধা স্থগিত ৰাখিছে। অপৰাধী চক্ৰৰ দ্বাৰা এই সুবিধাৰ অপব্যৱহাৰ ৰোধ কৰাৰ উদ্দেশ্যে এই পদক্ষেপ গ্ৰহণ কৰা হৈছে।১৪ পালাউয়ে ভাৰতীয় নাগৰিকসকলৰ বাবে ৩০ দিনীয়া ভিছা-মুক্ত প্ৰৱেশৰ আঁচনি আৰম্ভ কৰিছে।১৫ ফিলিপাইনে ১৯ মে' ২০২৫-ৰ পৰা ভাৰতীয়সকলৰ বাবে এটা দুটা স্তৰৰ ভিছা-মুক্ত ব্যৱস্থা আৰম্ভ কৰিছে, যাৰ অধীনত সকলো ভাৰতীয়লৈ ১৪ দিনৰ বাবে ভিছা-মুক্ত প্ৰৱেশ (যাক বৃদ্ধি কৰিব নোৱাৰি) আৰু অষ্ট্ৰেলিয়া, কানাডা, জাপান, শ্বেনজেন দেশসমূহ, ছিংগাপুৰ, আমেৰিকা যুক্তৰাষ্ট্ৰ বা যুক্তৰাজ্যৰ বৈধ ভিছা বা স্থায়ী বাসিন্দাৰ অনুমতি থকা ভাৰতীয়সকলক ৩০ দিনৰ বাবে ভিছা-মুক্ত প্ৰৱেশৰ সুবিধা প্ৰদান কৰা হৈছে।১৬ থাইলেণ্ডে ১ মে' ২০২৫-ৰ পৰা দৰ্শনাৰ্থীসকলৰ বাবে এখন ডিজিটেল এৰাইভেল কাৰ্ড মুকলি কৰিছে,১৭ যিখন ভ্ৰমণৰ তাৰিখৰ তিনিদিন আগলৈকে পূৰণ কৰিব পৰা যাব। সংযুক্ত আৰৱ আমিৰাতে ১৩ ফেব্ৰুৱাৰী ২০২৫-ৰ পৰা কাৰ্যকৰী হোৱাকৈ ছিংগাপুৰ, জাপান, দক্ষিণ কোৰিয়া, অষ্ট্ৰেলিয়া, নিউজিলেণ্ড আৰু কানাডাৰ বৈধ বাসস্থানৰ অনুমতি থকা ভাৰতীয় নাগৰিক আৰু তেওঁলোকৰ পৰিয়াললৈ 'ভিছা অন এৰাইভেল'ৰ সুবিধা সম্প্ৰসাৰণ কৰাৰ সিদ্ধান্ত লৈছে।১৮ ইউক্ৰেইনে ১৭ ফেব্ৰুৱাৰী ২০২৫-ৰ পৰা ভাৰতীয় ভ্ৰমণকাৰীসকলৰ বাবে পুনৰ ই-ভিছা ব্যৱস্থা প্ৰৱৰ্তন কৰিছে।১৯ মালয়েছিয়াই ভাৰতীয় নাগৰিকৰ বাবে ভিছা ৰেহাইৰ সময়সীমা ৩১ ডিচেম্বৰ ২০২৬-লৈ বৃদ্ধি কৰিছে।২০ ইজৰাইলে ২০২৫ চনৰ জানুৱাৰী মাহৰ পৰা ভাৰতীয় পৰ্যটকৰ বাবে ই-ভিছা ব্যৱস্থা আৰম্ভ কৰিছে।২১
২০২৪সংযুক্ত আৰৱ আমিৰাতে যুক্তৰাজ্য, আমেৰিকা যুক্তৰাষ্ট্ৰ বা ইউৰোপীয় ইউনিয়নৰ বৈধ ভিছা বা বাসিন্দাৰ অনুমতি পত্ৰ অথবা আমেৰিকাৰ গ্ৰীণ কাৰ্ড থকা ভাৰতীয় নাগৰিকৰ বাবে 'ভিছা অন এৰাইভেল'ৰ বিকল্প কাৰ্যকৰী কৰিছে। ইয়াৰ দ্বাৰা সৰ্বাধিক ১৪ দিন থাকিব পৰা যাব আৰু ইয়াক অতিৰিক্ত ১৪ দিনলৈ বৃদ্ধি কৰাৰ সুবিধা থাকিব। ইয়াৰ উপৰিও, ভ্ৰমণকাৰীসকলে ইউ.এ.ই. নিয়ম অনুসৰি প্ৰয়োজনীয় মাচুল পৰিশোধ কৰি ৬০ দিনীয়া এটা অবৰ্ধিত ভিছা অন এৰাইভেল বাছনি কৰিব পাৰিব। শ্ৰীলংকাই ২০২৪ চনৰ অক্টোবৰ মাহৰ পৰা ভাৰতীয় নাগৰিকৰ বাবে ভিছা-মুক্ত ভ্ৰমণৰ কথা ঘোষণা কৰে।২২ কেনিয়া আৰু ইৰানে ২০২৪ চনৰ জানুৱাৰী মাহৰ পৰা ভাৰতীয় নাগৰিকৰ বাবে ভিছা-মুক্ত ভ্ৰমণৰ কথা ঘোষণা কৰিছিল। থাইলেণ্ডে পৰ্যটনৰ বাবে ভিছা-মুক্ত প্ৰৱেশ কাৰ্যকৰী কৰে, য'ত সৰ্বাধিক ৬০ দিনলৈকে থাকিব পাৰিব। এই ব্যৱস্থা ১৫ জুলাই ২০২৪-ৰ পৰা ছমাহৰ বাবে বলৱৎ কৰা হৈছিল।২৩২৪ জাপানে ২০২৪ চনৰ ১ এপ্ৰিলৰ পৰা ভাৰতত বসবাস কৰা ভাৰতীয় নাগৰিক আৰু বিদেশী নাগৰিকসকলৰ বাবে একক প্ৰৱেশৰ ই-ভিছা জাৰী কৰা আৰম্ভ কৰে। এই ভিছা কেৱল হ্ৰস্বকালীন পৰ্যটনৰ বাবেহে প্ৰযোজ্য।২৫ ফিলিপাইনে এটা সফল পাইলট কাৰ্যসূচীৰ অন্তত ভাৰতীয় পাছপৰ্ট ধাৰীসকলৰ বাবে ই-ভিছা ব্যৱস্থা কাৰ্যকৰী কৰে।২৬
২০২৩এংগোলাই ভাৰতকে ধৰি ৯৮খন দেশৰ এখন তালিকা ঘোষণা কৰে, যাৰ নাগৰিকসকলে ৩০ দিনৰ বাবে ভিছা অবিহনে ভ্ৰমণ কৰিব পাৰিব (২৯ ছেপ্টেম্বৰ ২০২৩-ৰ পৰা কাৰ্যকৰী)। থাইলেণ্ডে ভাৰতীয় নাগৰিকৰ বাবে ১০ নৱেম্বৰ ২০২৩-ৰ পৰা ১০ মে' ২০২৪-লৈকে ৬ মহীয়া ভিছা-মুক্ত ভ্ৰমণৰ সময়সীমা ঘোষণা কৰে, যাক পিছলৈ ১১ নৱেম্বৰ ২০২৪-লৈ বৃদ্ধি কৰা হয়।২৭ শ্ৰীলংকাই ১ ডিচেম্বৰ ২০২৩-ৰ পৰা ৩১ মাৰ্চ ২০২৪-লৈ ভাৰতীয়সকলৰ বাবে বিনামূলীয়া ভিছা ঘোষণা কৰে, যাৰ সময়সীমা পিছলৈ ৩১ মে' ২০২৪-লৈ বৃদ্ধি কৰা হয়। মালয়েছিয়াই ১ ডিচেম্বৰ ২০২৩-ৰ পৰা ৩১ ডিচেম্বৰ ২০২৪-লৈ ভাৰতীয় নাগৰিকৰ বাবে সাময়িকভাৱে ভিছা-মুক্ত প্ৰৱেশৰ কথা ঘোষণা কৰে। বেলাৰুছে ভাৰতীয়সকলৰ বাবে (ইউৰোপীয় ইউনিয়ন আৰু শ্বেনজেন অঞ্চলৰ ভিছা থকা লোকৰ বাবে) ভিছা-মুক্ত ভ্ৰমণৰ কথা ঘোষণা কৰে, যদিহে তেওঁলোকে ৰাছিয়াৰ মাজেৰে ট্ৰেনজিট কৰা নাই আৰু মিন্সক ৰাষ্ট্ৰীয় বিমানবন্দৰত অৱতৰণ কৰে।২৮ জাপানে ২০২৩ চনৰ জুলাই মাহত ঘোষণা কৰে যে ব্ৰাজিল, কম্বোডিয়া, কানাডা, চৌদি আৰৱ, ছিংগাপুৰ, দক্ষিণ আফ্ৰিকা, টাইৱান, ইউ.এ.ই., যুক্তৰাজ্য আৰু আমেৰিকা যুক্তৰাষ্ট্ৰত বসবাস কৰা ভাৰতীয় পাছপৰ্ট ধাৰীসকলে কেৱল পৰ্যটনৰ উদ্দেশ্যে একক প্ৰৱেশৰ ই-ভিছাৰ বাবে আবেদন কৰিব পাৰিব।২৯ ৰাছিয়াই ২০২৩ চনৰ ১ আগষ্টৰ পৰা ১৬ দিনৰ বাবে একক প্ৰৱেশৰ ই-ভিছা ব্যৱস্থা আৰম্ভ কৰে।৩০৩১ ইজিপ্তে ২০২৩ চনৰ এপ্ৰিল মাহত একক ভাৱে ভ্ৰমণ কৰা ভাৰতীয় যাত্ৰীসকলৰ বাবে একক আৰু বহুমুখী প্ৰৱেশৰ ই-ভিছা ঘোষণা কৰে।৩২ জৰ্ডানৰ ই-ভিছা এতিয়া গৃহ মন্ত্ৰালয়ৰ ই-সেৱা ছাইটৰ পৰা লাভ কৰিব পাৰিব। অৱশ্যে ভাৰতৰ নাগৰিকসকলে এতিয়াও 'ভিছা অন এৰাইভেল' লাভ কৰিব পাৰে।
২০২২দক্ষিণ আফ্ৰিকাই অৱশেষত ২০২২ চনৰ ফেব্ৰুৱাৰী মাহত সকলো ভাৰতীয় ভ্ৰমণকাৰীৰ বাবে এটা ই-ভিছা ব্যৱস্থা মুকলি কৰে। অৱশ্যে এয়া সম্পূৰ্ণৰূপে কাৰ্যকৰী হোৱা নাই আৰু কেইবাখনো ইউৰোপীয় দেশৰ বাসিন্দাসকলৰ বাবে ই প্ৰযোজ্য নহয়। এই ৱেবছাইটটো সঠিকভাৱে কাম নকৰাৰ বাবে ভ্ৰমণকাৰীসকলক স্থানীয় দক্ষিণ আফ্ৰিকাৰ ৰাষ্ট্ৰদূত কাৰ্যালয়ৰ সৈতে যোগাযোগ কৰিবলৈ পৰামৰ্শ দিয়া হয়।৩৩৩৪৩৫ ওমানে ভাৰতীয় নাগৰিকক পৰ্যটনৰ বাবে ভিছা-মুক্ত প্ৰৱেশৰ কথা ঘোষণা কৰে, যি ২০২২ চনৰ ১২ জানুৱাৰীৰ পৰা সৰ্বাধিক ১০ দিনৰ বাবে বলৱৎ হৈছিল।৩৬ পৰৱৰ্তী সময়ত ওমানত থকাৰ এই সময়সীমা ১৪ দিনলৈ সংশোধন কৰা হয়।৩৭ আলবেনিয়াই ২৩ এপ্ৰিল ২০২২-ৰ পৰা ভাৰতীয় নাগৰিকৰ বাবে ভিছা-মুক্ত ভ্ৰমণৰ কথা ঘোষণা কৰে, যাৰ সময়সীমা ২০২২ চনৰ শেষলৈকে বৃদ্ধি কৰা হৈছিল। ইয়াৰ পিছত তেওঁলোকে ভাৰতীয়সকলৰ বাবে ই-ভিছা আবেদন ব্যৱস্থা প্ৰৱৰ্তন কৰে। মৰক্কোৱে ১ আগষ্ট ২০২২-ত পৰ্যটন আৰু ব্যৱসায়িক উদ্দেশ্যৰ বাবে ভাৰতীয় নাগৰিকক ই-ভিছা প্ৰদানৰ কথা ঘোষণা কৰে।৩৮
২০২১ইজিপ্তে ২০২১ চনৰ পৰা পৰ্যটক দলত অহা ভাৰতীয় নাগৰিকসকলক ই-ভিছাৰ সুবিধা প্ৰদান কৰি আহিছে।৩৯ ২০২৩ চনৰ এপ্ৰিল মাহত তেওঁলোকে একক ভ্ৰমণকাৰীৰ বাবেও ই-ভিছা ঘোষণা কৰে। আমেৰিকা যুক্তৰাষ্ট্ৰই ঘোষণা কৰে যে সকলো যোগ্য ভাৰতীয় নাগৰিকে এতিয়া আমেৰিকাত দ্ৰুত প্ৰৱেশৰ বাবে গ্লোবেল এন্ট্ৰী কাৰ্যসূচীত অংশগ্ৰহণ কৰিব পাৰিব।৪০
২০২০ইউক্ৰেইনে ১৪ আগষ্ট ২০২০ চনৰ পৰা ভাৰতীয় ভ্ৰমণকাৰীসকলক পৰ্যটনৰ বাবে ই-ভিছা প্ৰদান কৰা আৰম্ভ কৰিছে।৪১ পৰৱৰ্তী সময়ত ২০২২ চনৰ ফেব্ৰুৱাৰী মাহত হোৱা এক আকস্মিক সামৰিক সংঘৰ্ষৰ বাবে তেওঁলোকে নিজৰ আকাশমাৰ্গৰ সকলো বিমান যাত্ৰা স্থগিত ৰাখে।
২০১৯শ্ৰীলংকাই ১ আগষ্ট ২০১৯-ৰ পৰা কাৰ্যকৰী হোৱাকৈ ভাৰতীয় পৰ্যটকৰ বাবে বিনামূলীয়া 'ভিছা-অন-এৰাইভেল' আঁচনি ঘোষণা কৰিছে।৪২ ইকুৱেডৰে ভিছা-মুক্ত ভ্ৰমণৰ অপব্যৱহাৰ হোৱাৰ বাবে ১২ আগষ্ট ২০১৯-ৰ পৰা কাৰ্যকৰী হোৱাকৈ ভাৰতীয় নাগৰিকৰ ওপৰত হঠাতে ভিছা বাধ্যবাধকতা আৰোপ কৰে।৪৩ বাৰ্বাডোজে ভাৰতীয় নাগৰিকৰ বাবে পৰ্যটন আৰু ব্যৱসায়িক ভিছা-মুক্ত ভ্ৰমণৰ কথা ঘোষণা কৰিছে।৪৪৪৫ কাজাখাস্তানে প্ৰথমে ১ জানুৱাৰী ২০১৯-ত ইলেকট্ৰনিক ৰূপত একক প্ৰৱেশৰ ভিছা লাভ কৰাৰ এক প্ৰক্ৰিয়া আৰম্ভ কৰিছিল। ইয়াৰ পিছত তেওঁলোকে ৭ জুলাই ২০২২-ত পৰ্যটন আৰু ব্যৱসায়ৰ বাবে ১৪ দিনীয়া ভিছা-মুক্ত ভ্ৰমণৰ অনুমতি ঘোষণা কৰে। ৮ জুলাই ২০২২-ত কাজাখস্তানে ভাৰতীয় নাগৰিকক পৰ্যটন আৰু ব্যৱসায়িক উদ্দেশ্যৰ বাবে ১৪ দিনৰ ভিছা ৰেহাই প্ৰদান কৰে।৪৬ চিলিয়ে ২০১৯ চনৰ এপ্ৰিল মাহত সৰ্বাধিক ৬ মাহৰ বৈধতা থকা আমেৰিকা যুক্তৰাষ্ট্ৰৰ ভিছা বা বাসস্থানৰ অনুমতি পত্ৰ থকা ভাৰতীয় নাগৰিকৰ বাবে 'ভিছা অন এৰাইভেল' ব্যৱস্থা প্ৰৱৰ্তন কৰে।৪৭ আৰ্জেন্টিনাই ২০১৯ চনৰ মাৰ্চ মাহৰ পৰা সৰ্বাধিক ৬ মাহৰ বৈধতা থকা ইউ.এছ. ভিছা থকা ভাৰতীয় নাগৰিকক এটা ইলেকট্ৰনিক ট্ৰেভেল অথৰাইজেশ্যন (ETA) আবেদন কৰাৰ অনুমতি প্ৰদান কৰিছে। জৰ্ডানে ঘোষণা কৰে যে সকলো ভাৰতীয় পাছপৰ্ট ধাৰী 'ভিছা অন এৰাইভেল' লাভ কৰাৰ বাবে যোগ্য হ'ব, (কিন্তু কেৱল এক বৈধ শ্বেনজেন, যুক্তৰাজ্য, ইউ.এছ. বা কানাডাৰ ভিছা থাকিলেহে) যি ২০১৯ চনৰ ডিচেম্বৰ মাহৰ পৰা কাৰ্যকৰী কৰা হৈছে।৪৮
২০১৮২০১৮ চনৰ জানুৱাৰী মাহত সকলো ভাৰতীয় পাছপৰ্ট ধাৰী ৰুৱাণ্ডাত ভিছা অন এৰাইভেল লাভ কৰাৰ বাবে যোগ্য হৈ পৰে। ইয়াৰ উপৰিও জিম্বাবৱে,৪৯ এংগোলা,৫০ ২৪ এপ্ৰিল ২০১৮-ত বাহামা দ্বীপপুঞ্জ (কেৱল এক বৈধ শ্বেনজেন, যুক্তৰাজ্য, ইউ.এছ. বা কানাডাৰ ভিছা থাকিলেহে)৫১ আৰু ২২ জুলাই ২০১৮-ত ইৰানে ভিছা অন এৰাইভেলৰ সুবিধা প্ৰদান কৰে।৫২ ম্যানমাৰে পৰ্যটকসকলৰ বাবে ১২ ডিচেম্বৰ ২০১৮-ৰ পৰা কাৰ্যকৰী হোৱাকৈ নেপিড', ইয়াংগন আৰু মান্দালে আন্তঃৰাষ্ট্ৰীয় বিমানবন্দৰৰ জৰিয়তে প্ৰৱেশ কৰিলে 'ভিছা অন এৰাইভেল' দিয়াৰ কথা ঘোষণা কৰে।৫৩ বাংলাদেশ আৰু ভাৰতে ২০১৮ চনত ইজনে সিজনৰ নাগৰিকৰ বাবে ভিছা আবেদন মাচুল সম্পূৰ্ণৰূপে বাতিল কৰিবলৈ সন্মত হয়। গতিকে, ভাৰতত বাংলাদেশী ভিছাৰ বাবে আবেদন কৰা ভাৰতীয় পাছপৰ্ট ধাৰীসকলে কোনো ধৰণৰ ভিছা মাচুল পৰিশোধ কৰিব নালাগে।৫৪৫৫ ৰাছিয়াই ২০১৮ চনত ৰাছিয়ান দূৰ প্ৰাচ্য (Russian Far East)ৰ অংশসমূহ: প্ৰিমৰ্য্যে, খাবাৰোভস্ক, ছাখালিন, চুকোটকা আৰু কামচাটকা অঞ্চলৰ বাবে ই-ভিছা ব্যৱস্থা ঘোষণা কৰে, যাক পিছলৈ ২০২০ চনত চেইণ্ট পিটাৰ্ছবাৰ্গকো অন্তৰ্ভুক্ত কৰিবলৈ সম্প্ৰসাৰিত কৰা হয়।৫৬ ভিয়েটনাম৫৭ আৰু উজবেকিস্তানে ২০১৮ চনত ভাৰতীয় নাগৰিকৰ বাবে ই-ভিছা ব্যৱস্থা প্ৰৱৰ্তন কৰে।৫৮
২০১৭২০১৭ চনৰ জুলাই মাহত ইণ্ডোনেছিয়া, আগষ্টত কাটাৰ,৫৯ অক্টোবৰত টিউনিছিয়া আৰু অক্টোবৰত গেবনে ভাৰতীয় নাগৰিকৰ বাবে ভিছাৰ প্ৰয়োজনীয়তা আঁতৰাই দিয়ে।৬০ কিৰগিজস্তানে ২০১৭ চনৰ ছেপ্টেম্বৰ মাহত অনলাইন দৰ্শনাৰ্থী ভিছা ব্যৱস্থা আৰম্ভ কৰে (কিন্তু তেওঁলোকে আবেদনৰ পিছত এটা ইমেইল প্ৰেৰণ কৰে য’ত এখন টুৰিষ্ট কোম্পানীৰ আমন্ত্ৰণ পত্ৰ বা Letter of Invitation বিচাৰে, যাৰ মূল্য প্ৰায় ৫০ মাৰ্কিন ডলাৰ), আৰু নৱেম্বৰত আৰ্মেনিয়াই এই ব্যৱস্থা মুকলি কৰে। বৈধ ইউ.কে., ইউ.এছ., কানাডা বা শ্বেনজেন ভিছা থকা ভাৰতীয় নাগৰিকসকল ২০১৭ চনৰ অক্টোবৰ মাহৰ পৰা ওমানত ভিছা অন এৰাইভেল লাভ কৰাৰ বাবে যোগ্য হৈ পৰে।৬১ একেদৰে ২০১৭ চনৰ নৱেম্বৰত আৰ্মেনিয়া আৰু ২০১৯ চনৰ এপ্ৰিলত চিলিয়েও (কেৱল ইউ.এছ. ভিছা থকা লোকৰ বাবে) এই সুবিধা প্ৰদান কৰে।৪৭

ভিছা প্ৰয়োজনীয়তাৰ মেপ

প্ৰৱেশ নিষিদ্ধ (Admission restricted)}}
প্ৰৱেশ নিষিদ্ধ (Admission restricted)}}ছবি: Ritwick Sundar · CC BY-SA 4.0

পাৰস্পৰিকতা

ভাৰত চৰকাৰে অন্য দেশৰ সৈতে ভিছা চুক্তিত পাৰস্পৰিকতা (সমিল মিল বা সম-ব্যৱস্থা) বাধ্যতামূলক কৰিবলৈ কোনো আইন প্ৰণয়ন কৰা নাই। যদিও অতি কম সংখ্যক দ্বিপাক্ষিক চুক্তিত ভিছা ব্যৱস্থাৰ পাৰস্পৰিকতা মানি চলা হৈছে, তথাপিও বৃহৎ সংখ্যক দেশৰ সৈতে ভিছাৰ সম্পৰ্ক এতিয়াও একপক্ষীয় বা এফালে হালি থকা দেখা যায়।

২০১৫ চনত, ভাৰত চৰকাৰে ইৰানক 'প্ৰায়ৰ ৰেফাৰেন্স কেটেগৰী' (PRC) তালিকাভুক্ত কৰাৰ পিছত ইৰানে ভাৰতীয় নাগৰিকৰ বাবে উপলব্ধ থকা 'ভিছা অন এৰাইভেল' সুবিধা প্ৰত্যাহাৰ কৰে। এই তালিকাভুক্ত দেশসমূহক বিদেশী পৰ্যটকৰ বাবে ভাৰতৰ ভিছা উদাৰীকৰণ আঁচনিৰ পৰা আঁতৰাই ৰখা হৈছিল।৬২ সেই সময়ত এই পি.আৰ.চি. (PRC) তালিকাত থকা আন দেশসমূহ আছিল পাকিস্তান, আফগানিস্তান, ইৰাক, ছোমালিয়া, নাইজেৰিয়া আৰু চুদান।৬২

পূৰ্ণ পাৰস্পৰিকতা

ভাৰতে স্বত:স্ফূৰ্তভাৱে তলত উল্লেখ কৰা দেশ বা অঞ্চলসমূহৰ সৈতে ভিছা-মুক্ত বা ই-ভিছা সুবিধাৰ ক্ষেত্ৰত পূৰ্ণ পাৰস্পৰিকতা অৰ্জন কৰিছে:

  • (অহা-যোৱাৰ স্বাধীনতা / Freedom of Movement)
  • (ভিছাৰ প্ৰয়োজন নাই, ৯০ দিনৰ বাবে)
  • (ই-ভিছা প্ৰয়োজনীয়)
  • (ই-ভিছা/ভিছা অন এৰাইভেল)

আংশিক পাৰস্পৰিকতা

ভাৰতে তলত উল্লেখ কৰা দেশসমূহৰ সৈতে আংশিক পাৰস্পৰিকতা অৰ্জন কৰিছে, য’ত ভাৰতীয় প্ৰব্ৰজন নিয়মাৱলীয়ে এই দেশসমূহৰ নাগৰিকসকলক ভাৰতীয় নাগৰিকে সেই দেশসমূহত লাভ কৰা ভিছা সুবিধাতকৈ সামান্য কম সুবিধা প্ৰদান কৰে:

দেশভাৰতীয় নাগৰিকৰ বাবে সংশ্লিষ্ট দেশখন ভ্ৰমণ কৰাৰ ভিছাৰ প্ৰয়োজনীয়তাসংশ্লিষ্ট দেশৰ নাগৰিকৰ বাবে ভাৰত ভ্ৰমণ কৰাৰ ভিছাৰ প্ৰয়োজনীয়তা
৩০ দিনৰ বাবে ভিছাৰ প্ৰয়োজন নাইই-ভিছা (e-Visa)
৯০ দিনৰ বাবে ভিছাৰ প্ৰয়োজন নাইই-ভিছা
৯০ দিনৰ বাবে 'ভিছা অন এৰাইভেল' (লা পাজ বিমানবন্দৰত মাচুল প্ৰযোজ্য)। বলিভিয়াৰ দূতাবাসত ভ্ৰমণৰ পূৰ্বে কৰা ভিছা সম্পূৰ্ণ বিনামূলীয়া।৬০ দিনৰ বাবে ই-ভিছা
৩০ দিনৰ বাবে ভিছা অন এৰাইভেলই-ভিছা
৩০ দিনৰ বাবে ভিছা অন এৰাইভেল৬০ দিনৰ বাবে ই-ভিছা
ভিছা অন এৰাইভেল৬০ দিনৰ বাবে ই-ভিছা
ভিছাৰ প্ৰয়োজন নাই৬০ দিনৰ বাবে ই-ভিছা
ভিছাৰ প্ৰয়োজন নাই৬০ দিনৰ বাবে ই-ভিছা
ভিছাৰ প্ৰয়োজন নাই৬০ দিনৰ বাবে ই-ভিছা
ভিছা অন এৰাইভেল৬০ দিনৰ বাবে ই-ভিছা
ভিছাৰ প্ৰয়োজন নাই৬০ দিনৰ বাবে ই-ভিছা
ভিছাৰ প্ৰয়োজন নাই৬০ দিনৰ বাবে ই-ভিছা
ভিছা অন এৰাইভেল৬০ দিনৰ বাবে ই-ভিছা
১৪ দিনৰ বাবে ভিছাৰ প্ৰয়োজন নাইই-ভিছা
৯০ দিনৰ বাবে ভিছাৰ প্ৰয়োজন নাইই-ভিছা
৩০ দিনৰ বাবে ভিছা অন এৰাইভেল৬০ দিনৰ বাবে ই-ভিছা
ভিছা অন এৰাইভেল৬০ দিনৰ বাবে ই-ভিছা
ভিছা অন এৰাইভেল৬০ দিনৰ বাবে ই-ভিছা
যদি থাইলেণ্ড, ইণ্ডোনেছিয়া, ব্ৰুনাই বা ছিংগাপুৰৰ পৰা প্ৰৱেশ কৰে তেন্তে ১৫ দিনৰ বাবে ২০০ মালয়েছিয়ান ৰিংগিত (RM) মাচুলৰ বিনিময়ত ভিছা অন এৰাইভেল লাভ কৰিব।৬০ দিনৰ বাবে ই-ভিছা
ভিছাৰ প্ৰয়োজন নাই৬০ দিনৰ বাবে ই-ভিছা
ভিছাৰ প্ৰয়োজন নাই৬০ দিনৰ বাবে ই-ভিছা
৩০ দিনৰ বাবে ভিছা অন এৰাইভেলই-ভিছা
ব্যৱসায়, কৰ্মশালা, অনুষ্ঠান আদিৰ বাবে চৰ্তসাপেক্ষ 'ভিছা অন এৰাইভেল'। পৰ্যটন শ্ৰেণীৰ ভিছাৰ বাবেও এই ৰেহাই বৈধ নে নহয় সেয়া স্পষ্ট নহয়। অৱশ্যে, পৰ্যটনৰ উদ্দেশ্যে কেৱল ই-ভিছা প্ৰদানৰ ক্ষেত্ৰতহে সম্পূৰ্ণ পাৰস্পৰিকতা বৰ্তি আছে।৬০ দিনৰ বাবে ই-ভিছা
ভিছা অন এৰাইভেল৬০ দিনৰ বাবে ই-ভিছা
ভিছা অন এৰাইভেল৬০ দিনৰ বাবে ই-ভিছা
৩০ দিনৰ বাবে ভিছাৰ প্ৰয়োজন নাইই-ভিছা
ভিছাৰ প্ৰয়োজন নাই৬০ দিনৰ বাবে ই-ভিছা
ভিছা অন এৰাইভেল৬০ দিনৰ বাবে ই-ভিছা
ভিছাৰ প্ৰয়োজন নাই৬০ দিনৰ বাবে ই-ভিছা
৬০ দিনৰ বাবে ভিছাৰ প্ৰয়োজন নাইই-ভিছা
ভিছা অন এৰাইভেল৬০ দিনৰ বাবে ই-ভিছা
ই-ভিছা/ভিছা অন এৰাইভেল৬০ দিনৰ বাবে ই-ভিছা
ভিছা অন এৰাইভেল৬০ দিনৰ বাবে ই-ভিছা
ই-ভিছা/ভিছা অন এৰাইভেল৬০ দিনৰ বাবে ই-ভিছা
ভিছা অন এৰাইভেল৬০ দিনৰ বাবে ই-ভিছা
ভিছাৰ প্ৰয়োজন নাই৬০ দিনৰ বাবে ই-ভিছা
ভিছা অন এৰাইভেল৬০ দিনৰ বাবে ই-ভিছা
ভিছাৰ প্ৰয়োজন নাই৬০ দিনৰ বাবে ই-ভিছা
ভিছা অন এৰাইভেল৬০ দিনৰ বাবে ই-ভিছা

আৰু চাওক

তথ্যসূত্ৰ

  1. ↑ Visa facility for Indian Nationals (ordinary passport) · Ministry of External Affairs. Ministry of External Affairs, Government of India
  2. ↑ The revision of Thailand's visa exemption and VoA schemes, 2026 (for ordinary passport) Effective from 15 September 2026. สถานเอกอัครราชทูตไทย ณ กรุงนิวเดลี
  3. ↑ Traveling to Argentina as a tourist - Consulate General of Argentina at Los Angeles
  4. ↑ Advisory on Visa requirements for Panama, Costa Rica & Nicaragua - Embassy of India in Panama
  5. ↑ (23 April 2026). France lifts airport transit visa requirements for Indian nationals · France in India. France lifts airport transit visa requirements for Indian nationals · France in India
  6. ↑ Amt, Auswärtiges. Travel Facilitation at German Airports for Indian Nationals Takes Effect. india.diplo.de
  7. ↑ (2026-08-30). Firstpost (@firstpost) on X. X (formerly Twitter)
  8. ↑ (2026-08-30). Big boost for Indian Travellers! Uzbekistan introduces 30-day visa-free access during PM Modi visit. ET Now
  9. ↑ (2026-08-30). Uzbekistan introduces 30-day visa-free regime for Indian citizens during PM Modi's visit. Hinterstan Times
  10. ↑ Belarus introduces E-Visa for Indian citizens. www.sb.by
  11. ↑ Electronic Travel Authorization Requirement Forthcoming. Fragomen - Immigration attorneys, solicitors, and consultants worldwide - Electronic Travel Authorization Requirement Forthcoming
  12. ↑ Minister Leon Schreiber presents new Electronic Travel Authorisation to tourism industry · South African Government. www.gov.za
  13. ↑ Consulate General and Promotion Center in Mumbai · NEW EXEMPTION FOR INDIAN NATIONALS WHO ARE HOLDERS OF VALID U.S TOURIST VISA (B 2). cgmum.cancilleria.gob.ar
  14. ↑ to Iran Advisory on suspension of visa waiver facility extended to Indian nationals traveling to Iran
  15. ↑ Federal, The. (2025-06-10). Palau introduces 30-day visa-free entry to Indian travellers. thefederal.com
  16. ↑ Philippines Grants Visa-Free Entry to Indian Travellers for 14 or 30 Days. VisaHQ
  17. ↑ (2025-04-01). Thailand Launches Digital Arrival Card System to Streamline Tourism. nationthailand
  18. ↑ UAE expands visa-on-arrival programme for Indian visitors, families. Khaleej Times
  19. ↑ (17 February 2025). Ukraine resumes issuing electronic visas for foreigners
  20. ↑ (2024-12-20). Malaysia extends visa exemption for Indian nationals until 2026. Malaysia Visa Official Website
  21. ↑ (2025-01-06). Israel introduces e-Visa system for Indian tourists. Travel Trade Journal
  22. ↑ PTI. (2024-08-22). Sri Lanka announces visa-free access to Indians, nationals from 34 other countries from Oct 31. The Hindu
  23. ↑ Sullivan, Boris. (2024-07-15). Thailand approves 60-day visa-free entry for 93 countries starting from July 15th - Thailand Business News. www.thailand-business-news.com
  24. ↑ (17 Jul 2024). Official Website of Thailand Electronic Visa. Thai E-Visa Official Website
  25. ↑ The Embassy of Japan in India.
  26. ↑ Philippines implements e-Visa for Indian passport holders: 5 things to know. The Times of India
  27. ↑ Tanakasempipat, Patpicha. (2024-05-07). Thailand Extends Visa Waiver Plan for Indian, Taiwanese Tourists - Bloomberg. Bloomberg News
  28. ↑ Visa-free travel via the checkpoint "Minsk National Airport" - Embassy of the Republic of Belarus in the Republic of India
  29. ↑ JAPAN eVISA
  30. ↑ (24 July 2023). Russian E-Visa to be Available from August 1
  31. ↑ (2023-08-02). Russia launches e-visa facility for Indians; here's how to apply, and other key details. The Indian Express
  32. ↑ (3 April 2023). Egypt to offer visas on arrival to Indians. Here's what to know
  33. ↑ Gandhi, Forum. (17 January 2020). South Africa to offer an e-visa facility for Indian tourists. @businessline
  34. ↑ South Africa eVisa for Indians: Requirements and Application. South Africa Visa
  35. ↑ Visa Exemption List. South Africa House
  36. ↑ Desai, Ananya. (11 December 2020). Indians can now travel to Oman without a visa. Condé Nast Traveller. Condé Nast
  37. ↑ Entry visas
  38. ↑ Accès Maroc. www.acces-maroc.ma
  39. ↑ Egypt e-Visa Portal. www.visa2egypt.gov.eg
  40. ↑ (2 July 2021). UKMoney.net and Indianembassy.org - UK Money
  41. ↑ Міністерство закордонних справ України - e-Visa. mfa.gov.ua
  42. ↑ (25 July 2019). Sri Lanka: Visa-on-arrival scheme approved for India. Asian News International
  43. ↑ Embajada del Ecuador · EEUU. www.ecuador.org
  44. ↑ (17 May 2019). Visa Requirements Lifted For Several Countries · GIS. gisbarbados.gov.bb
  45. ↑ Barbados Immigration Department Visa Requirements Page. www.immigration.gov.bb
  46. ↑ (11 July 2022). Kazakhstan Establishes Visa-Free Regime for Citizens of India, Iran and China. The Astana Times
  47. ↑ Ministry of Foreign Affairs
  48. ↑ (28 February 2018). King Abdullah in India: Jordan announces visa on arrival for Indians. India Today
  49. ↑ AfricaNews. (16 February 2018). Zimbabwe announces new visa regime – Africanews
  50. ↑ (27 February 2018). Angola offers visa on arrival to nationals from 61 countries
  51. ↑ (2018-04-24). Visa Facilitation for Indian Nationals – Ministry of Foreign Affairs – Bahamas. Ministry of Foreign Affairs – Bahamas
  52. ↑ (22 July 2018). Iran Offers On-Arrival Visa to Indian Citizens. Financial Tribune
  53. ↑ Myanmar To Grant Visa-On-Arrival To Indian Tourists: President Kovind. NDTV.com
  54. ↑ Machine Readable Visa (MRV). www.bdhcdelhi.org. Bangladesh High Commission in New Delhi
  55. ↑ (June 2013). MEA Visa Waiver Agreements. mea.gov.in. Ministry of External Affairs, Government of India
  56. ↑ (13 June 2023). Об утверждении перечня государств, для граждан которых устанавливается упрощённый порядок въезда в Россию через пункты пропуска свободного порта Владивосток. m.government.ru
  57. ↑ English – VietNamNet News. m.english.vietnamnet.vn
  58. ↑ Travel News – Uzbekistan to extend e-Visa facility for India starting July · TravelBiz Monitor. www.travelbizmonitor.com
  59. ↑ www.Qatarvisaservice.com. www.Qatarvisaservice.com
  60. ↑ Africtelegraph. (13 October 2017). Le Gabon assouplit sa politique de délivrance de visas
  61. ↑ (2017-10-06). Oman Announces Visa On Arrival Scheme For Indians. Little India: Overseas Indian, NRI, Asian Indian, Indian American
  62. ↑ Abdi, SNM. (2015-08-10). Sulking Iran is bad news for India: Modi govt needs to soothe Tehran's ruffled feathers. Firstpost

সম্পৰ্কিত শ্ৰেণী

ভাৰতভ্ৰমণনথিপত্ৰভিছা

উৎস আৰু অনুজ্ঞাপত্ৰ

উৎস: অসমীয়া ৱিকিপিডিয়া। এই প্ৰবন্ধটো অসমীয়া ৱিকিপিডিয়াৰ “ভাৰতীয় নাগৰিকৰ বাবে ভিছাৰ প্ৰয়োজনীয়তাসমূহ” প্ৰবন্ধৰ সংশোধন ৬৪০১০৬ (৩০ ছেপ্তেম্বৰ ২০২৬)ৰ পৰা আনি অসমীয়া বিশ্বকোষৰ গাঁথনিলৈ ৰূপান্তৰ কৰা হৈছে। মূল লেখকসকলৰ তালিকা সম্পাদনা-ইতিহাসত উপলব্ধ। পাঠ্য CC BY-SA 4.0।

এই প্ৰবন্ধটো উদ্ধৃত কৰক