অৰবিন্দ আদিগা

অৰবিন্দ আদিগা( Aravind Adiga); জন্ম হৈছিল ২৩ অক্টোবৰ ১৯৭৪ চনত)^১২। অৰবিন্দ ভাৰতত জন্মগ্ৰহণ কৰা এজন অষ্ট্ৰেলিয়ান লেখক আৰু সাংবাদিক। তেওঁৰ প্ৰথম উপন্যাস দ্য হোৱাইট টাইগাৰে ২০০৮ চনত মেন বুকাৰ বঁটা লাভ কৰে।^৩

প্ৰাথমিক জীৱন আৰু শিক্ষা

১৯৭৪ চনৰ ২৩ অক্টোবৰত তামিলনাডুৰ ৰাজধানী মাদ্ৰাজ (বৰ্তমানৰ চেন্নাই)ত অৰবিন্দ আদিগাৰ জন্ম হৈছিল। তেওঁৰ পিতৃ-মাতৃ উষা আদিগা আৰু ড° কে মাধৱ আদিগা আছিল কৰ্ণাটকৰ মাংগালোৰৰ। তেওঁৰ পিতাকৰফালৰপৰা ককাদেউতাক আছিল কৰ্ণাটক বেংকৰ প্ৰাক্তন অধ্যক্ষ কে সূৰ্য্যনাৰায়ণ আদিগা^৪৫ আৰু মাতৃৰফালৰপৰা ককাদেউতাক ইউ ৰামা ৰাও আছিল মাদ্ৰাজৰ এজন জনপ্ৰিয় চিকিৎসক আৰু ৰাজনীতিবিদ।^৬

আদিগাই মাংগালোৰত ডাঙৰ-দীঘল হয় আৰু কেনাৰা হাইস্কুলত আৰু পিছলৈ মাংগালোৰৰ ছেইণ্ট এলয়ছিয়াছ কলেজত অধ্যয়ন কৰে আৰু তাৰপৰা ১৯৯০ চনত এছ এছ এল চি সম্পূৰ্ণ কৰে।^৫৭৮

পৰিয়ালৰ সৈতে ছিডনীলৈ যোৱাৰ পাছত অৰবিন্দই জেমছ ৰুজ এগ্ৰিকালচাৰেল হাইস্কুলত পঢ়িছিল। পিছলৈ তেওঁ নিউয়ৰ্ক চহৰৰ কলম্বিয়া বিশ্ববিদ্যালয়ৰ কলম্বিয়া কলেজত চাইমন শ্বামাৰ অধীনত ইংৰাজী সাহিত্য অধ্যয়ন কৰে আৰু ১৯৯৭ চনত শ্ৰেণীত দ্বিতীয় স্থান লাভ কৰে।^৯ তেওঁ অক্সফৰ্ডৰ মেগডেলেন কলেজতো অধ্যয়ন কৰিছিল, য’ত তেওঁৰ এগৰাকী শিক্ষয়িত্ৰী আছিল হাৰ্মাইনী লী।

কৰ্মজীৱন

সাংবাদিকতা

অৰবিন্দ আদিগাই ফাইনেন্সিয়েল টাইমছৰ ইণ্টাৰ্ণ হিচাপে সাংবাদিকতা কেৰিয়াৰ আৰম্ভ কৰিছিল। ^১০ তেওঁ ষ্টক মাৰ্কেট আৰু বিনিয়োগৰ বিষয়ে মানি এণ্ড টাইমত লিখা প্ৰবন্ধ প্ৰকাশ পাইছে।

২০০৩ চনত তেওঁ সেই সময়ৰ আমেৰিকা যুক্তৰাষ্ট্ৰৰ সম্ভাৱ্য ৰাষ্ট্ৰপতি প্ৰাৰ্থী ড'নাল্ড ট্ৰাম্পৰ সাক্ষাৎকাৰ লয়।^১০১১ সেই বছৰৰ শেষৰফালে তেওঁ নিউয়ৰ্ক মহানগৰৰপৰা নতুন দিল্লীলৈ গুচি যায় আৰু টাইম মেগাজিনৰ দক্ষিণ এছিয়াৰ সংবাদদাতা হয়।^১২১৩ ২০১৭ চনৰ এক সাক্ষাৎকাৰত তেওঁ ব্যাখ্যা কৰিছিল এই বুলি "সাংবাদিকতাই মোৰ ভাৰতলৈ ঘূৰি অহাৰ পথ প্ৰশস্ত কৰিলে।" ^১২

তিনি বছৰৰ পাছত তেওঁ এগৰাকী ফ্ৰীলান্স লেখক হাচাপে মুম্বাইলৈ গুচি যায়।^১০ ইয়াৰ পূৰ্বে বুকাৰ বঁটা বিজয়ী অস্কাৰ আৰু লুচিণ্ডাৰ বিষয়ে তেওঁৰ পৰ্যালোচনা অনলাইন সাহিত্যিক পৰ্যালোচনা দ্য ছেকেণ্ড চাৰ্কলত প্ৰকাশ পাইছিল। ^১৪

দ্য হোৱাইট টাইগাৰ

টাইমৰ পদৰপৰা পদত্যাগ কৰাৰ কিছুসময়ৰ পাছতে আদিগাই তেওঁৰ প্ৰথম উপন্যাস দ্য হোৱাইট টাইগাৰ লিখিবলৈ আৰম্ভ কৰে।^১৫ ২০০৮ চনৰ মাৰ্চ মাহত প্ৰকাশিত এই গ্ৰন্থখনে সেই বছৰৰ শেষৰফালে বুকাৰ বঁটা লাভ কৰে।^১৬১৭ ছলমান ৰুশ্বদি, অৰুন্ধতী ৰায় আৰু কিৰণ দেশাইৰ পিছত এই বঁটা লাভ কৰা চতুৰ্থগৰাকী ভাৰতীয় মূলৰ লেখক। ^১৮ বুকাৰ বঁটা বিজয়ৰ বাবেই বহুলাংশে পৰিচালিত দ্য হোৱাইট টাইগাৰৰ ভাৰতীয় হাৰ্ডকভাৰ সংস্কৰণৰ ২ লাখতকৈ অধিক কঁপি বিক্ৰী হয়।^১৯

গ্ৰন্থখনে সমালোচকৰ প্ৰশংসা লাভ কৰে। ইউ এছ এ টুডে ইয়াক "দশক দশক ধৰি পঢ়া আটাইতকৈ শক্তিশালী কিতাপসমূহৰ ভিতৰত অন্যতম" বুলি অভিহিত কৰে আৰু ইয়াক ৰিচাৰ্ড ৰাইটৰ নেটিভ ছন আৰু ৰালফ এলিছনৰ ইনভিজিবল মেনৰ সৈতে তুলনা কৰে।

আদিগাই বুকাৰ বঁটা লাভ কৰাৰ কিছুসময়ৰ পাছতে অভিযোগ উত্থাপন হয় যে তেওঁ ২০০৭ চনৰ লণ্ডন গ্ৰন্থমেলাত আটলাণ্টিক বুকছৰ সৈতে চুক্তিবদ্ধ হোৱা এজেণ্টজনক চাকৰিৰপৰা বৰ্খাস্ত কৰিছিল। ^২০২১ আদিগাই এই অভিযোগ অস্বীকাৰ কৰে।^২২

২০০৯ চনৰ এপ্ৰিল মাহত এই উপন্যাসখনক বৈশিষ্ট্যপূৰ্ণ ছবিলৈ ৰূপান্তৰিত কৰা হ'ব বুলি ঘোষণা কৰা হয়, film]],^২৩ যিখন পিছলৈ ২০২১ চনত নেটফ্লিক্সত মুক্তি দিয়া হয়।^২৪২৫

অন্যান্য কৰ্ম

আদিগাৰ দ্বিতীয়খন গ্ৰন্থ বিটৱিন দ্য এচেচিনেচনছ ভাৰতৰ এখন কাল্পনিক উপকূলীয় চহৰত পৰিৱেশিত চুটিগল্পৰ সংকলন।^২৬ ২০০৮ চনৰ নৱেম্বৰ মাহত ভাৰতত ^২৭ আৰু ২০০৯ চনৰ মাজভাগত আমেৰিকা যুক্তৰাষ্ট্ৰ আৰু যুক্তৰাজ্যত প্ৰকাশ পায়।^২৮

তেওঁৰ তৃতীয়খন গ্ৰন্থ লাষ্ট মেন ইন দ্য টাৱাৰ ২০১১ চনৰ ছেপ্টেম্বৰ মাহত আমেৰিকা যুক্তৰাষ্ট্ৰত প্ৰকাশ পায়।^২৯ তেওঁৰ পৰৱৰ্তী উপন্যাস নিৰ্বাচন দিৱস ২০১৭ চনৰ জানুৱাৰী মাহত আমেৰিকাত প্ৰকাশ পায়।^৩০

২০২০ চনৰ ফেব্ৰুৱাৰী মাহত প্ৰকাশিত এম্নেষ্টী হৈছে অষ্ট্ৰেলিয়াত বাস কৰা এজন নথি-পত্ৰবিহীন শ্ৰীলংকাৰ প্ৰব্ৰজনকাৰীৰ জীৱনৰ ওপৰত আধাৰিত এখন উপন্যাস।^৩১৩২ ২০২১ চনৰ মাইলছ ফ্ৰেংকলিন বঁটাৰ বাবে ইয়াক চৰ্টলিষ্ট কৰা হৈছিল।^৩৩

গ্ৰন্থতালিকা

উপন্যাস

• দ্য হোৱাইট টাইগাৰ আটলাণ্টিক বুকছ, লিমিটেড (ইউ কে), ফ্ৰী প্ৰেছ (প্ৰকাশক) (আমেৰিকা), ২০০৮
• বিটৱিন দ্য এছেছিনেছনছ. পিকাডৰ (ভাৰত), ২০০৮
• Last Man in Tower. Fourth Estate (IND), 2011
• Selection Day. HarperCollins India (IND), (Scribner) 2016
• এম্নেষ্ট্ৰী (উপন্যাস) পিকাডৰ, পান মেকমিলান, ২০২০

চুটি গল্প

• "দ্য চুলতানচ্‌ বেটাৰী" (The Guardian, 18 October 2008, online text)
• "Smack" (The Sunday Times, 16 November 2008, online text)
• "লাষ্ট খ্ৰীষ্ট্ৰমাৰ্চ ইন বান্দ্ৰা" (The Times, 19 December 2008, online text)
• "দ্য এলিফেণ্ট" (The New Yorker, 26 January 2009, online text)

নিৰ্বাচিত প্ৰবন্ধ

• "দ্য ডেথ অৱ দ্য ইণ্ডিয়ান ড্ৰিম" (Time, 30 July 2008, archived text)
• "Bachelor Bigotry" (The Guardian, 28 August 2008, online text)

বাহ্যিক সংযোগ

• Official website
• Time magazine – Search Results for Aravind Adiga
• "Aravind Adiga in Conversation with Hirsh Sawhney", The Brooklyn Rail (September 2008