সায়ন্তিকা বন্দ্যোপাধ্যায়

সায়ন্তিকা বন্দ্যোপাধ্যায় (Sayantika Banerjee) এগৰাকী ভাৰতীয় অভিনেত্ৰী। তেওঁ বঙালী চলচ্চিত্ৰত অভিনয় কৰাৰ বাবে পৰিচিত। অভিনয় আৰু নৃত্যৰ দক্ষতাৰ বাবে তেওঁ সমালোচকসকলৰ দ্বাৰা প্ৰশংসিত হৈছে।^১ ২০১২ চনত তেওঁ বঙালী চলচ্চিত্ৰ আৱাৰাত অভিনয় কৰিছিল, যিখন ব্যৱসায়িকভাৱে সফল হৈছিল।^২ পশ্চিমবংগত ২০২১ চনৰ বিধানসভা নিৰ্বাচন অনুষ্ঠিত হোৱাৰ পূৰ্বে তেওঁ অল ইণ্ডিয়া তৃণমূল কংগ্ৰেছত যোগদান কৰিছিল।^৩ ২০২৪ চনত তেওঁ পশ্চিম বংগ বিধানসভাৰ বৰানগৰ বিধান সভা সমষ্টিৰ বিধায়িকা হিচাপে নিৰ্বাচিত হৈছিল।

কৰ্মজীৱন

নাচ ডুম মাচা লে নামৰ ডান্সিং ৰিয়েলিটি শ্বʼৰ জৰিয়তে বন্দ্যোপাধ্যায়ে নিজৰ কৰ্মজীৱনৰ আৰম্ভণি কৰিছিল। তাৰ পিছত তেওঁ টাৰ্গেট, হেংগঅভাৰ আৰু মনে পৰে আজও সেই দিন আদি ছবিত অভিনয় কৰিছিল, যিবোৰে বক্স অফিচত ভাল ফলাফল দেখুৱাব পৰা নাছিল। ২০১২ চনত তেওঁ অভিনেতা জিতৰ বিপৰীতে আৱাৰা নামৰ ছবিখনত অভিনয় কৰিছিল; যিখনে বক্স অফিচত ব্যৱসায়িক সফলতা লাভ কৰিছিল।^১ ২০১২ চনত তেওঁ শ্বুটাৰ শীৰ্ষক আন এখন ছবিত অভিনয় কৰিছিল; ছবিখনৰ পৰ্যালোচনাত দ্য টাইমছ অৱ ইণ্ডিয়াই লিখিছে:^৪

"বোলছবিখনে সম্পূৰ্ণৰূপে সেই যুগ যুগ ধৰি চলি অহা ধাৰণাটোৰ গোন্ধ লৈছে যিটোৱে নিশ্চিতভাৱে এতিয়া আৰু কাম নকৰে। তদুপৰি অভিনেতা জয়ৰ (যিজনে মুখ্য নায়ক দিব্য ওৰফে দেবাৰ চৰিত্ৰত অভিনয় কৰিছিল), দুৰ্বল সংলাপ আৰু যথেষ্ট পৰিমাণৰ অশ্লীলতা আৰু অপ্ৰয়োজনীয় হিংসাই ইয়াক আৰু অধিক বেয়া কৰি তুলিছিল। মেঘনাৰ চৰিত্ৰত সায়ন্তিকাই কিছু সম্ভাৱনা দেখুৱাইছিল।"

টেলিভিছন

ব্ৰেণ্ড এম্বেছাদৰ

বঁটা আৰু মনোনয়ন

চলচ্চিত্ৰপুঞ্জী