নুছৰত জাহান

নুছৰত জাহান ৰুহী (Nusrat Jahan Ruhi; জন্ম: ৮ জানুৱাৰী ১৯৯০) এগৰাকী ভাৰতীয় অভিনেত্ৰী আৰু ৰাজনীতিবিদ৷ তেওঁ প্ৰধানকৈ বাংলা ভাষাৰ চিনেমাত অভিনয় কৰে।^১২ অভিনয়ৰ উপৰি ২০১৯ চনৰ পৰা ২০২৪ চনলৈকে জাহানে বসিৰহাট সমষ্টিৰ পৰা লোকসভাৰ সাংসদ হিচাপে কাৰ্যনিৰ্বাহ কৰিছে৷ তেওঁ তৃণমূল কংগ্ৰেছৰ প্ৰাৰ্থী হিচাপে প্ৰতিনিধিত্ব কৰিছিল।^৩৪৫৬ ৰাজ চক্ৰৱৰ্তীৰ শ্বোট্ৰু ছবিৰ জৰিয়তে তেওঁ অভিনয়ৰ জগতত আত্মপ্ৰকাশ কৰিছিল।^৭

প্ৰাৰম্ভিক জীৱন আৰু শিক্ষা

১৯৯০ চনৰ ৮ জানুৱাৰীত কলিকতা (বৰ্তমান কলকাতা)ৰ এটা বঙালী মুছলমান পৰিয়ালত মহম্মদ শ্বাহজাহান আৰু সুষমা খাতুনৰ ঘৰত নুছৰত জাহানৰ জন্ম হয়।^৮ তেওঁ কলিকতাৰ আৱাৰ লেডী কুইন অৱ দ্য মিছনছ স্কুলৰ পৰা স্কুলীয়া শিক্ষা সম্পূৰ্ণ কৰে আৰু তাৰ পিছত কলিকতাৰ ভৱানীপুৰ কলেজলৈ যায়৷ তাৰপৰা তেওঁ বাণিজ্য শাখাত স্নাতক (অনাৰ্ছ) ডিগ্ৰী লাভ কৰে।

অভিনয় জীৱন

২০১০ চনত "ফেয়াৰ ৱান মিছ কলকাতা" নামৰ সৌন্দৰ্য প্ৰতিযোগিতাত জয়ী হোৱাৰ পিছত জাহানে মডেলিং কেৰিয়াৰ আৰম্ভ কৰিছিল।^৯১০২০১১ চনত জীতৰ সৈতে শ্বোট্ৰু ছবিৰ জৰিয়তে তেওঁ বাংলা ভাষাৰ চলচ্চিত্ৰ উদ্যোগত অভিষেক ঘটায়। এবছৰৰ বিৰতিৰ পিছত তেওঁ দেৱৰ সৈতে তেওঁৰ দ্বিতীয়খন ছবি খোকা ৪২০ (২০১৩)ত অভিনয় কৰে।^১১

২০২০ চনত তেওঁ অসুৰত,^১২ জীত আৰু অবিৰ চেটাৰ্জীৰ সৈতে আৰু তাৰ পিছত পণবন্দী উদ্ধাৰকাৰী অভিযানমূলক ছবি ‘এছ অ’ এছ কলকাতা’ত যশ দাসগুপ্ত, মিমি চক্ৰৱৰ্তী, এনা সাহা আৰু শান্তিলাল মুখাৰ্জীৰ সৈতে এটিএছৰ কাৰিকৰী মুৰব্বী আমাণ্ডা জ’নছৰ চৰিত্ৰত অভিনয় কৰে।^১৩

ৰাজনৈতিক জীৱন

২০১৯ চনৰ ১২ মাৰ্চত পশ্চিম বংগৰ মুখ্য মন্ত্ৰী তথা তৃণমূল কংগ্ৰেছ দলৰ সভানেত্ৰী মমতা বন্দ্যোপাধ্যায়য়ে ২০১৯ চনৰ সাধাৰণ নিৰ্বাচনত বসিৰহাট লোকসভা সমষ্টিৰ পৰা জাহানে প্ৰতিদ্বন্দ্বিতা কৰিব বুলি ঘোষণা কৰে।^১৪১৫ বিজেপি প্ৰাৰ্থী সায়ন্তন বসুৰ বিৰুদ্ধে ৩ লাখ পঞ্চাশ হাজাৰ ভোটৰ ব্যৱধানত বিজয়ী হিচাপে আত্মপ্ৰকাশ কৰে।^১৬

ব্যক্তিগত জীৱন

প্ৰায় "তিনি-চাৰি" বছৰ ধৰি তেওঁৰ কাদেৰ খানৰ সৈতে সম্পৰ্ক আছিল। ২০১২ চনত চুজেট জৰ্ডানৰ দলবদ্ধ ধৰ্ষণৰ গোচৰত কাদেৰ খান জড়িত হৈছিল। জাহানে কয় যে এই কাণ্ডৰ ৫ মাহৰ আগতেই তেওঁলোকৰ বিচ্ছেদ ঘটিছিল৷ অৱশ্যে তাৰ পিছতো তেওঁলোক ভাল বন্ধু হৈয়েই আছে।^১৭সংশ্লিষ্ট অধিবক্তাৰ এটা দলে জাহানে আইনৰ পৰা পলায়ন কৰা কাদেৰ খানক আশ্ৰয় দিয়াৰ অভিযোগ উত্থাপন কৰি তেওঁক গ্ৰেপ্তাৰ কৰিবলৈ দাবী জনায়। পিছলৈ তেওঁ ক'লে যে যদি তেওঁ অপৰাধটো কৰিছিল তেন্তে তেওঁক আদালতে শাস্তি দিব লাগে।^১৮

জাহান আৰু ব্যৱসায়ী নিখিল জৈনে ২০১৯ চনৰ ১৯ জুনত তুৰস্কত বিবাহপাশত আবদ্ধ হয়।^১৯ পিছত জাহানে দাবী কৰিছে যে এই বিবাহ বৈধ নাছিল আৰু "এয়া লিভ-ইন সম্পৰ্কৰ বাহিৰে আন একো নাছিল"।^২০২১ পিছলৈ কলিকাতাৰ আদালতে জাহান আৰু জৈনৰ বিবাহ আইনগতভাৱে অবৈধ বুলি ৰায় দিয়ে।^২২

জাহানে অভিনেতা যশ দাসগুপ্তৰ সৈতে সম্পৰ্ক আৰম্ভ কৰিছিল যদিও ২০২১ চনৰ ডিচেম্বৰ মাহলৈকে তেওঁলোকৰ বৈবাহিক অৱস্থাৰ বিষয়ে জানিব পৰা হোৱা নাই।^২২ ২০২১ চনৰ আগষ্ট মাহত জাহানে কলকাতাৰ এখন ব্যক্তিগত চিকিৎসালয়ত য়িছান জে. দাসগুপ্ত নামৰ ল'ৰা এটাৰ জন্ম দিয়ে।^{২৩২৪২৫}খবৰ পোৱা গৈছে যে শিশুটিৰ জন্মৰ প্ৰমাণ পত্ৰত দাসগুপ্তক পিতৃ হিচাপে নাম উল্লেখ কৰা হৈছে।[30] ২০২২ চনৰ ফেব্ৰুৱাৰী মাহত জাহানে ২০২০ চনৰ পৰাই তেওঁলোকৰ বিবাহপাশত আবদ্ধ হৈ থকাৰ কথাটো নিশ্চিত কৰে।^{২৬ ২৭২৮}