জিৎ (অভিনেতা)

জিতেন্দ্ৰ মদনানী (Jeetendra Madnani), যি জিৎ নামে পৰিচিত, হৈছে এগৰাকী ভাৰতীয় অভিনেতা তথা চলচ্চিত্ৰ নিৰ্মাতা যি মূলতঃ বঙালী চলচ্চিত্ৰত অভিনয় কৰে।^১

প্ৰাৰম্ভিক জীৱন

তেওঁ প্ৰথমে চেণ্ট জোচেফ এণ্ড মাৰি স্কুল, নিউ আলিপুৰ আৰু পিছত নেচনেল হাই স্কুলত পঢ়াশুনা কৰে। তেওঁ কলকাতা বিশ্ববিদ্যালয়-কৰ্তৃক পৰিচালিত ভবাণীপুৰ ইডুকেশন চচাইটি কলেজৰ পৰা স্নাতক হয়। পিছত তেওঁ সিহঁতৰ পৰিবাৰৰ ব্যৱসায়ত যোগদান কৰে।^২৩ তেতিয়া সৃজনশীল কামৰ প্ৰতিও তেওঁৰ সম উৎসাহ আছিল। মাজে মাজে তেওঁ বিখ্যাত অভিনেতাসকলোৰ অভিনয় অনুকৰণ কৰাৰ চেষ্টা কৰিছিল। তেওঁৰ বন্ধু ৰাজেশ চৌধুৰীয়ে তেওঁক সৃজনশীল জগতলৈ ভাগ্য পৰীক্ষাৰ বাবে মাতে।

ইয়াৰ পিছত তেওঁ বিভিন্ন কামত যোগদান কৰে। ইয়াৰ পিছত তেওঁ বিভিন্ন ধাৰাবাহিক যেনে- 'বিষবৃক্ষ'ত তাৰাচৰণৰ চৰিত্ৰত, 'জননী'ত অনিলৰ চৰিত্ৰৰ লগতে আৰু কিছু ধাৰাবাহিকত অভিনয় কৰে। পিছত তেওঁ মুম্বাইলৈ যায় আৰু সকলো বাধা নেওচি তেওঁ পাঁচ বছৰ শিক্ষা গ্ৰহণ কৰে।

ছুটিত কলকাতালৈ অহাৰ পিছত তেওঁ বিভিন্ন পৰিচালক আৰু প্ৰযোজকৰ সৈতে দেখা কৰে। ইয়াৰ পিছত তেওঁ প্ৰচেনিয়াম আৰ্ট চেণ্টাৰ নামে এক প্ৰতিষ্ঠানৰ সৈতে জড়িত হয়। এই প্ৰতিষ্ঠানত তেওঁ বিভিন্ন ইংৰাজী নাটকত অভিনয় কৰে যেনে- 'আৰ্মচ্‌ এণ্ড দ্যা মেন', 'মেন এট দ্যা ফ্ল’ৰ। ইয়াৰ পিছত তেওঁ আকৌ মুম্বাইলৈ যায় আৰু এখন তেলেগু চলচ্চিত্ৰত অভিনয় কৰে। ২০০১ চনত মুক্তিপ্ৰাপ্ত এই ছবিখনৰ নাম আছিল 'চাঁদু' আৰু পৰিচালক আছিল দক্ষিণ ভাৰতীয় এগৰাকী ব্যক্তি। এই ছবিখনে তেওঁক আশা কৰা ধৰণে পৰিচয় কৰাই দিব নোৱাৰিলে।

২০০১ চনৰ অক্টোৱৰত তেওঁ পুনৰ কলিকতালৈ আহে আৰু পৰিচালক হাৰানাথ চক্ৰবৰ্তীৰ সৈতে এন.টি.ৱান. ষ্টুডিওত দেখা কৰাৰ প্ৰস্তাৱ পায়। তেওঁৰ সৈতে থাকি তেওঁ ২০০২ চনত মুক্তিপ্ৰাপ্ত 'সাথী' চলচ্চিত্ৰত অভিনয়ৰ বাবে প্ৰস্তাৱ পায় আৰু এই ছবিৰ দৃশ্যায়ন আৰম্ভ হয় ১৫ জানুৱাৰী, ২০০২ চনৰ পৰা। এই চলচ্চিত্ৰখনে জিৎক বঙালী চলচ্চিত্ৰ জগতত এক বিশেষ স্থান প্ৰদান কৰে। তেওঁ স্বাভাৱিক কিন্তু ভাষাসমৃদ্ধ অভিনয়ৰ বাবে তেওঁ দ্ৰুতগতিত বঙালী চলচ্চিত্ৰপ্ৰেমীসকলোৰ হৃদয়ত স্থান লাভ কৰিবলৈ সক্ষম হয়। তেওঁ ৰোমাণ্টিক চৰিত্ৰত অভিনয় আৰম্ভ কৰে যদিও ক্ৰমশঃ তেওঁ এগৰাকী এক্সন হিৰ’ হিচাপেহে আত্মপ্ৰকাশ কৰে। ২০০৫ চনত 'থামচ্‌ আপ'ৰ এটি বিজ্ঞাপনত অভিনয় কৰি তেওঁ আৰু সুপৰিচিত হৈ উঠে। ২০১২ চনত তেওঁ এগৰাকী অসফল প্ৰযোজক হিচাপে সমাদৃত হয়, তেওঁ অভিনীত '১০০% লা' চলচ্চিত্ৰত প্ৰযোজনাৰ মাধ্যমত। ইয়াৰ পিছৰ ছবি 'আৱাৰা' বাণিজ্যিকভাৱে ভাল চলে।^৪ তেওঁৰ নতুন চলচ্চিত্ৰ আহে ২০১৩ চনত। ইয়াৰ লগতে শ্ৰাৱন্তীৰ বিপৰীতে অভিনীত 'দিৱানা' আৰু শুভশ্ৰী গাঙ্গুলীৰ বিপৰীতে অভিনীত চলচ্চিত্ৰ 'বস' উল্লেখযোগ্য। 'বস' চলচ্চিত্ৰখন ২০১২ চনত মুক্তিপ্ৰাপ্ত, মহেশ বাবুৰ পৰিচালিত ব্লকবাষ্টাৰ তেলেগু ছবি 'বিজিনেচমেন' ছবিৰ পুনৰ্নিৰ্মাণ। এই ছবিখনে বাবা যাদবৰ পৰিচালনা আৰু ৰিলায়েন্স এণ্টাৰটেইনমেণ্টৰ প্ৰযোজনাত মুক্তি পায়।

ব্যক্তিগত জীৱন

তেওঁ ২০১১ চনৰ ২৪ জানুৱাৰী তাৰিখে এখন বিদ্যালয়ৰ শিক্ষয়িত্ৰী মোহনা ৰতলানীক বিয়া কৰায়।^৫ তেওঁ ১২ ডিচেম্বৰ, ২০১২ চনত এক কন্যা সন্তানৰ গৰাকী হয়।^৬ কন্যাৰ নাম নবন্যা।

চলচ্চিত্ৰপঞ্জী

অভিনেতা হিচাপে

গায়ক হিচাপে

হিন্দী সংগীত এলবাম

টেলিভিচন

প্ৰযোজক হিচাপে

নিৰ্মাতা হিচাবে জিৎ এগৰাকী সফল ব্যক্তি। তেওঁ তেওঁৰ সৰু ভাই গোপাল মদনানী আৰু Nephew অমিত জুমৰানিৰ সৈতে প্ৰডাকচন হাউচ পৰিচালনা কৰে। তেওঁ বঙালীৰ চলচ্চিত্ৰৰ সুপাৰষ্টাৰসকলোৰ মাজৰ অন্যতম, যিয়ে সৰ্বাধিক সংখ্যক সফল চলচ্চিত্ৰ নিৰ্মাণ কৰিছে আৰু অন্যান্য সুপাৰষ্টাৰসকলোতকৈ বেছি সংখ্যক চলচ্চিত্ৰ নিৰ্মাণ কৰিছে। তেওঁৰ ফিল্ম প্ৰডাকচন কোম্পানী জিৎজ ফিল্মৱৰ্ক / গ্ৰাচৰুট এণ্টাৰটেইনমেণ্ট (Jeetz Filmworks/Grassroot Entertainment), একে প্ৰডাকচন দলৰ অধীনত দুটি নাম বেনাৰৰ দ্বাৰা সুপৰিচিত।

বঁটা আৰু মনোনয়ন