এ. আৰ. ৰহমান

আল্লাহ ৰাখা ৰহমান (Allah Rakha Rahman)ৰ জন্মতে নাম আছিল এ. এছ. দিলীপ কুমাৰ৷ তেওঁ চমুকৈ ARR(এআৰআৰ) হিচাপেও পৰিচিত৷ আল্লাহ ৰাখা ৰহমান এজন ভাৰতীয় সংগীত সুৰকাৰ, ৰেকৰ্ড প্ৰযোজক, গায়ক, গীতিকাৰ, সংগীতজ্ঞ, বহুকেইটা বাদ্যৰ বাদ্যযন্ত্ৰী, আৰু লোকহিতৈষী৷ ^১তেওঁ ভাৰতীয় চিনেমালৈ আগবঢ়োৱা অৱদানৰ বাবে পৰিচিত৷ তেওঁ প্ৰধানকৈ তামিল আৰু হিন্দী ছবিৰ লগত ঘনিষ্ঠ যদিও সময়ে-সময়ে আন্তঃৰাষ্ট্ৰীয় পৰ্যায়ৰ ছবিতো কাম কৰে। তেখেতে এতিয়ালৈকে ছটা ৰাষ্ট্ৰীয় চলচ্চিত্ৰ বঁটা, দুটা একাডেমী বঁটা, দুটা গ্ৰেমী বঁটা, এটা বাফটা বঁটা, এটা গোল্ডেন গ্ল'ব বঁটা, ছটা তামিলনাডু ৰাজ্যিক চলচ্চিত্ৰ বঁটা, পোন্ধৰটা ফিল্মফেয়াৰ বঁটা আৰু আঠাইশটা ফিল্মফেয়াৰ বঁটা-দক্ষিণ লাভ কৰিছে।^২ ২০১০ চনত ভাৰত চৰকাৰে তেওঁক দেশৰ তৃতীয় সৰ্বোচ্চ অসামৰিক বঁটা পদ্মভূষণ প্ৰদান কৰে।^৩

ঘৰুৱা ষ্টুডিঅ' পঞ্চথান ৰেকৰ্ড ইনৰ সৈতে ৰহমানৰ চলচ্চিত্ৰীয় সাংগীতিক কেৰিয়াৰ আৰম্ভ হয়৷ তেওঁৰ প্ৰথমখন ছবি আছিল ১৯৯০ চনৰ তামিল ছবি ৰোজা।^৪ ইয়াৰ পিছত তেওঁ মণি ৰত্নমৰ বম্বে, কাধলান, থিৰুদা থিৰুদা, এছ শংকৰৰ প্ৰথম ছবি জেণ্টলমেনকে ধৰি তামিল ভাষাৰ ছবিৰ বাবে সংগীত সৃষ্টি কৰে। ৰহমানৰ প্ৰথমখন হলিউডৰ ছবি আছিল কমেডী কাপলছ ৰিট্ৰিট (২০০৯)ৰ৷ ছবিখনে শ্ৰেষ্ঠ সংগীত বিএমআই বঁটা লাভ কৰে। স্লামডগ মিলিয়নেয়াৰ (২০০৮)ৰ বাবে তেওঁ ৰচনা কৰা সংগীতে ৮১ সংখ্যক একাডেমী বঁটাত শ্ৰেষ্ঠ মৌলিক সংগীত আৰু শ্ৰেষ্ঠ মৌলিক গীত (জয় হোৰ বাবে) লাভ কৰে। ২০১০ চনৰ গ্ৰেমী বঁটাত তেওঁক শ্ৰেষ্ঠ সংকলন আৰু ভিজুৱেল মিডিয়াৰ বাবে বঁটা দিয়া হয়। তেওঁক "ইছাই পুয়াল" (সংগীতৰ ধুমুহা) আৰু "মাদ্ৰাজৰ মোজাৰ্ট" বুলি জনা যায়।^৫

ৰহমান এজন লোকহিতৈষী৷ তেওঁ কেইবাটাও কৰ্ম আৰু দাতব্য সংস্থাৰ বাবে দান কৰিছে আৰু ধন সংগ্ৰহ কৰিছে। ২০০৬ চনত বিশ্ব সংগীতৰ প্ৰতি আগবঢ়োৱা তেওঁৰ অৱদানৰ বাবে ষ্টেনফৰ্ড বিশ্ববিদ্যালয়ে তেওঁক সন্মান জনায়। ২০০৮ চনত তেওঁ মাদ্ৰাজৰ ৰটাৰী ক্লাবৰ পৰা জীৱনজোৰা সাধনাৰ বঁটা লাভ কৰে।^৬ ২০০৯ চনত তেওঁক বিশ্বৰ ১০০ জন প্ৰভাৱশালী ব্যক্তিৰ টাইম তালিকাত অন্তৰ্ভুক্ত কৰা হয়।^৭ ২০১৩ চনত তেওঁ দক্ষিণ ভাৰতীয় ছবিত ৭.১ চাৰাউণ্ড শব্দ প্ৰযুক্তিৰ প্ৰৱৰ্তন কৰে।^৮ ২০১৪ চনত বাৰ্কলি কলেজ অৱ মিউজিকৰ পৰা তেওঁ সন্মানীয় ডক্টৰেট ডিগ্ৰী লাভ কৰে। তেওঁ আলিগড় মুছলিম বিশ্ববিদ্যালয়ৰ পৰাও সন্মানীয় ডক্টৰেট ডিগ্ৰী লাভ কৰিছে।^৯২০১৭ চনত তেওঁ লে মাস্ক ছবিখনৰ পৰিচালক আৰু লেখক হিচাপে আত্মপ্ৰকাশ কৰে।^১০

প্ৰাৰম্ভিক জীৱন

আল্লাহ ৰাখা ৰহমানে^১১ ১৯৬৭ চনৰ ৬ জানুৱাৰীত তামিলনাডুৰ মাদ্ৰাজত দিলীপ কুমাৰ ৰাজাগোপাল নামেৰে জন্মগ্ৰহণ কৰিছিল।^১২ তেওঁৰ পিতৃ আছিল মুদলিয়াৰ^১৩১৪ পৰিয়ালৰ আৰ কে শ্বেখৰ৷ তেওঁ তামিল আৰু মালয়ালম ছবিৰ চলচ্চিত্ৰ সংগীতকাৰ, সুৰকাৰ আৰু পৰিচালক আছিল। ৰহমানে চাৰি বছৰ বয়সৰ পৰাই পিয়ানো শিকিবলৈ আৰম্ভ কৰে।^১২ ষ্টুডিঅ’ত তেওঁ দেউতাকক সহায় কৰিছিল আৰু কিবৰ্ড বজাইছিল।

ৰহমানৰ ন বছৰ বয়সত পিতৃৰ মৃত্যু হয়৷ ইয়াৰ পিছত পিতৃৰ সংগীতৰ সঁজুলি ভাড়াত দি তেওঁলোকৰ পৰিয়ালটোৱে উপাৰ্জনৰ পথ মোকলাইছিল।^১৫ মাতৃ কৰিমা (জন্ম কস্তুৰী)ই ৰহমানক প্ৰতিপালন কৰিছিল৷^১৬ পদ্মসেশাদ্ৰী বাল ভৱনত অধ্যয়নৰত ৰহমানে পৰিয়াল পোহপাল দিবলৈ কাম কৰিবলগীয়া হৈছিল, যাৰ ফলত তেওঁ নিয়মিতভাৱে ক্লাছ ক্ষতি কৰিছিল আৰু পৰীক্ষাতো অনুত্তীৰ্ণ হৈছিল। ২০১২ চনত প্ৰদান কৰা এক সাক্ষাৎকাৰত ৰহমানে কয় যে তেওঁৰ মাকক মাতি নি কোডাম্বকমৰ ৰাজপথত ভিক্ষা খুজিবলৈ কোৱা হৈছিল আৰু ৰহমানক স্কুললৈ পঠিয়াবলৈ মানা কৰা হৈছিল।^১৭১৮

ৰহমানে এমচিএন নামৰ আন এখন বিদ্যালয়ত এবছৰ পঢ়িছিল^১৯ ৷ পিছলৈ তেওঁ মাদ্ৰাজ খ্ৰীষ্টান কলেজ উচ্চতৰ মাধ্যমিক বিদ্যালয়ত যোগদান কৰে, য'ত তেওঁ সংগীতৰ বাবে নামভৰ্তি কৰে আৰু হাইস্কুলৰ সহপাঠীসকলৰ সৈতে এটা বেণ্ড গঠন কৰে।^২০২১ কিন্তু মাকৰ সৈতে এই বিষয়ে আলোচনা কৰি তেওঁ স্কুল এৰি পূৰ্ণকালীন সংগীতজ্ঞ হিচাপে কেৰিয়াৰ গঢ়িবলৈ মনস্থ কৰে।^২২২৩ ৰহমান ৰুটছৰ দৰে বেণ্ডৰ কিবৰ্ডবাদক আৰু এৰেঞ্জাৰ আছিল (শৈশৱৰ বন্ধু আৰু পাৰ্কাচনিষ্ট শিৱমণি, জন এণ্টনি, সুৰেশ পিটাৰ্ছ, জোজো আৰু ৰাজাৰ সৈতে)^২৪ আৰু চেন্নাইভিত্তিক ৰক গ্ৰুপ নেমেছিছ এভিনিউ প্ৰতিষ্ঠা কৰিছিল।^২৫ তেওঁ কিবৰ্ড, পিয়ানো, চিন্থেচাইজাৰ, হাৰমনিয়াম আৰু গীটাৰ বজাবলৈ শিকিছিল৷ চিন্থেচাইজাৰৰ প্ৰতি তেওঁ বিশেষভাৱে আগ্ৰহী আছিল কাৰণ ই আছিল "সংগীত আৰু প্ৰযুক্তিৰ আদৰ্শ সংমিশ্ৰণ"।^২৬

ৰহমানে মাষ্টাৰ ধনৰাজৰ অধীনত প্ৰাৰম্ভিক সংগীত প্ৰশিক্ষণ আৰম্ভ কৰে৷^২৭২৮ ১১ বছৰ বয়সত তেওঁ মালয়ালম সুৰকাৰ (আৰু তেওঁৰ পিতৃৰ ঘনিষ্ঠ বন্ধু) এম.কে. অৰ্জুনানৰ লগত কাম কৰে৷ অতি সোনকালেই তেওঁ আন সুৰকাৰসকলৰ সৈতেও সংযুক্ত হয়৷^২৯ যেনে- এম এছ বিশ্বনাথন, বিজয়া ভাস্কৰ, ইল্লায়াৰাজা, ৰমেশ নাইডু, বিজয় আনন্দ, হামছালেখা আৰু ৰাজ–কোটি^২৯ কেৰিয়াৰৰ প্ৰাৰম্ভিক সময়ছোৱাত ৰহমানে বহু সংগীত পৰিচালকক কিবৰ্ড আৰু চিন্থেচাইজাৰ বজোৱাত সহায় কৰিছিল। ^২উল্লেখযোগ্য ৰচনাৰ ভিতৰত অন্যতম হৈছে ১৯৮৯ চনত মুক্তি পোৱা এখন মালয়ালম ছবি ৰামজী ৰাও স্পীকিং য'ত ৰহমান আৰু শিৱমণীয়ে সংগীত পৰিচালক এছ বালকৃষ্ণনৰ বাবে "কালিকালম" নামৰ গীত এটা সংৰচনা কৰিছিল।^১৬

ইছলাম ধৰ্ম গ্ৰহণ

মাদ্ৰাজত অধ্যয়ন কৰি থকা অৱস্থাত ৰহমানে বিদ্যালয়খনৰ পৰা পশ্চিমীয়া শাস্ত্ৰীয় সংগীতৰ ডিপ্লমা লাভ কৰে।^৩০ ১৯৮৪ চনত তেওঁৰ সৰু ভনীয়েক গুৰুতৰভাৱে অসুস্থ হৈ থকাৰ সময়তে ৰহমানক কাদিৰী তাৰিকাৰ সৈতে পৰিচয় কৰাই দিয়া হৈছিল। তেওঁৰ মাতৃ আছিল এগৰাকী হিন্দু অনুশীলনকাৰী।^{৩১৩২৩৩}২৩ বছৰ বয়সত তেওঁ ১৯৮৯ চনত পৰিয়ালৰ আন সদস্যসকলৰ সৈতে ইছলাম ধৰ্ম গ্ৰহণ কৰে৷ নামকৰণৰ পাছত তেওঁ আল্লাহ ৰাখা ৰহমান (এ. আৰ. ৰহমান) হৈ পৰে।^{১৬৩৪৩৫}

ব্যক্তিগত জীৱন

এ. আৰ. ৰহমান সাইৰা বানুৰ সৈতে বিবাহপাশত আৱদ্ধ হয় আৰু বৰ্তমান তেওঁলোক তিনি সন্তানৰ পিতৃ-মাতৃ। সন্তানতিনিটা হ’ল ক্ৰমে খাতিজা, ৰহীমা আৰু আমিন। সম্পৰ্কত অ. আৰ. ৰহমান সংগীত পৰিচালক জি. ভি. প্ৰকাশ কুমাৰৰ খুৰাক হয়। ২০২৪ চনৰ ১৯ নৱেম্বৰত এ. আৰ. ৰহমান আৰু সাইৰা বানুৱে ত্ৰিশ বছৰীয়া দাম্পত্য জীৱনৰ অন্ত পেলাই বিবাহ-বিচ্ছেদ ঘোষণা কৰে^৩৬</ref>^৩৭