ৰিম্পী দাস

ৰিম্পী দাস (Rimpi Das) অসমৰ চলচ্চিত্ৰ জগতৰ এগৰাকী অভিনেত্ৰী। তেওঁ ভাৰতীয় হিন্দী টেলিভিছন জগতৰ ধাৰবাহিকত বৰ্তমান যথেষ্ট ব্যষ্ট হৈ আছে। তেখেতে অসমীয়া চলচ্চিত্ৰ জগতত খোজ পেলাই ২০০৪ চনত অশোক কুমাৰ বিষয়াৰ পৰিচালিত মনত বিৰিণাৰ জুইৰ জৰিয়তে। তেওঁ বহু কেইখন অসমীয়া চলচ্চিত্ৰত অভিনয় কৰিছে যাৰ ভিতৰত ৰাষ্ট্ৰীয় পুৰস্কাৰ প্ৰাপ্ত অজেয় আৰু মন যায় (চলচ্চিত্ৰ) ও আছে। ইয়াৰোপৰি তেওঁ জনপ্ৰিয় অসমীয়া ভি.চি.ডি. ছবি উৰণীয়া মন, ফাগুণী, জোনাকী মন আদিতো অভিনয় কৰিছে।

২০১০ চনত ৰিম্পী দাসে কহিনুৰ থিয়েটাৰৰ জৰিয়তে অসমৰ ভ্ৰাম্যমাণ থিয়েটাৰ জগতত প্ৰৱেশ কৰে। তেওঁৰ হিন্দী টেলিভিছনৰ প্ৰথম ধাৰবাহিক হৈছে বিগ মেজিকৰ জনপ্ৰিয় ধাৰবাহিক আকবৰ বীৰবল, য'ত তেখেতে আনাৰকলিৰ চৰিত্ৰটি ৰূপায়ণ কৰিছিল আৰু তেওঁৰ সহ শিল্পী সকল আছিল- কিকু শাৰ্দা, বিশাল কটিয়ান আৰু ডিলনাজ ইৰাণী। ইয়াৰোপৰি তেওঁ সেই চেনেলৰে হাজিৰ জাৱাব বীৰবল ধাৰবাহিকখনত নুৰ জাহানৰ মুখ্য চৰিত্ৰ ৰূপায়ণ কৰে সহ শিল্পী সৌৰভ ৰাজ জৈন, গৌৰব খান্না, আশিস শৰ্মা আৰু মাদিৰাক্ষী মুণ্ডলেৰ সৈতে।

তেওঁ ষ্টাৰ প্লাছৰ জনপ্ৰিয় ধাৰবাহিক চিয়া কে ৰামত পাৰ্বতীৰ এক গুৰুত্বপূৰ্ণ চৰিত্ৰ ৰূপায়ণ কৰি যথেষ্ট জনপ্ৰিয়তা লাভ কৰে।^১২৩ বৰ্তমান তেওঁ কালাৰ্ছ ৰ ধাৰবাহিক, মহাকালি– অন্থ হি আৰম্ভ হেত দেৱী গংগাৰ চৰিত্ৰটি ৰূপায়ণ কৰি আছে।

চলচ্চিত্ৰপঞ্জী

দূৰদৰ্শন