ধীৰেন্দ্ৰ কৃষ্ণ শাস্ত্ৰী

ধীৰেন্দ্ৰ কৃষ্ণ শাস্ত্ৰী (Dhirendra Krishna Shastri; জন্ম: ৪ জুলাই ১৯৯৬ চনত ধীৰেন্দ্ৰ কৃষ্ণ গাৰ্গ নামেৰে)^১২ বাগেশ্বৰ ধাম সৰকাৰ নামেৰেও পৰিচিত,^৩৪ এগৰাকী ভাৰতীয় স্বঘোষিত ঈশ্বৰ-মানৱ। তেওঁ ভাৰতৰ মধ্যপ্ৰদেশৰ হিন্দু তীৰ্থস্থান বাগেশ্বৰ ধামৰ নেতা। শাস্ত্ৰীৰ বিৰুদ্ধে মানসিকতাবাদ (Mentalism)ৰ ব্যৱহাৰ কৰি মানুহক প্ৰতাৰণা কৰাৰ অভিযোগ উত্থাপিত হৈছে।^৫

শৈশৱকাল

পৰিয়াল

১৯৯৬ চনৰ ৪ জুলাই তাৰিখে, ছতৰপুৰ জিলাৰ গদা গাঁৱত এটি ব্ৰাহ্মণ পৰিয়ালত শাস্ত্ৰীৰ জন্ম হৈছিল। সৰোজ গাৰ্গ (মাতৃ) আৰু ৰাম কৃপাল গাৰ্গ (পিতৃ)ৰ দুই সন্তানৰ ভিতৰত তেওঁ জ্যেষ্ঠ।^৬৭ তেওঁৰ পিতৃয়ে পুৰোহিতৰ কাম কৰিছিল।^২৩ শাস্ত্ৰীৰ শৈশৱ দৰিদ্ৰতাৰ মাজেৰে পাৰ হৈছিল; তেওঁৰ পৰিয়ালটো এটা কেঁচা ঘৰত বাস কৰিছিল। সৰুতে তেওঁ নিজৰ গাঁৱৰ মানুহৰ আগত কথা বৰ্ণনা কৰিছিল।^২

শিক্ষা

শাস্ত্ৰীয়ে ছতৰপুৰ জিলাৰ গঞ্জ গাঁৱত স্কুলীয়া শিক্ষা সমাপ্ত কৰিছিল।^৮

ধৰ্মীয় কেৰিয়াৰ

শাস্ত্ৰী ৰামভদ্ৰাচাৰ্যৰ শিষ্য।^৯ শাস্ত্ৰী ৰামচৰিতমানস আৰু শিৱ পুৰাণৰ প্ৰচাৰৰ বাবে খ্যাত।^১০ তেওঁ সাধনা আৰু বাগেশ্বৰ ধামৰ প্ৰতিষ্ঠাপক প্ৰপৌত্ৰ সন্ন্যাসী বাবাৰ আশীৰ্বাদৰ জৰিয়তে অলৌকিক শক্তিৰ অধিকাৰী বুলি দাবী কৰে।^১১

বাগেশ্বৰ ধাম

শাস্ত্ৰীয়ে মধ্যপ্ৰদেশৰ ছত্তৰপুৰ জিলাৰ গদা গাঁৱত হনুমান দেৱতাৰ প্ৰতি উৎসৰ্গিত হিন্দু স্থান বাগেশ্বৰ ধামৰ পীঠধীশ্বৰ (মুখিয়াল) হিচাপে কাম কৰি আছে যিটো তেওঁৰ প্ৰাক্তন পিতৃপিতামহ সন্ন্যাসী বাবাই প্ৰতিষ্ঠা কৰিছিল।^১১ শাস্ত্ৰীয়ে প্ৰতি মঙলবাৰ আৰু শনিবাৰে বাগেশ্বৰ ধামত দিব্য দৰবাৰৰ আয়োজন কৰে,^১২ যʼত তেওঁ কথিতভাৱে ভূত-প্ৰেত নিৰ্বাসন কৰে, মৃত্যুমুখী কৰ্কট ৰোগকে ধৰি বিভিন্ন ৰোগ নিৰ্ণয় কৰে আৰু অন্যান্য অলৌকিক কামো কৰে।^১৩ দ্য লাল্লানটপৰ সৈতে হোৱা এক সাক্ষাৎকাৰত শাস্ত্ৰীয়ে কৈছিল যে তেওঁ হৈছে তেওঁৰ পিতামহ আৰু পিতৃৰ পিছত তৃতীয় প্ৰজন্ম যিয়ে ধামৰ প্ৰধান হিচাপে সেৱা আগবঢ়াইছে।^{১৪১৫১৬}

সামাজিক কাম-কাজ

শাস্ত্ৰীয়ে তেওঁৰ ধামত অন্নপূৰ্ণা পাকঘৰ স্থাপন কৰিছে, য’ত তেওঁৰ অনুগামীসকলৰ বাবে বিনামূলীয়া খাদ্য প্ৰসাদৰ ব্যৱস্থা কৰা হয়। দৰিদ্ৰ আৰু নিঃস্ব ছোৱালীৰ বিবাহৰ বাবেও তেওঁ বাৰ্ষিক অনুষ্ঠানৰ আয়োজন কৰে। প্ৰাচীন বৈদিক অধ্যয়ন আৰু সংস্কৃতৰ প্ৰসাৰৰ বাবে তেওঁ বৈদিক গুৰুকুল স্থাপন কৰিছে।^১৭১৮

শাস্ত্ৰীয়ে ২০২১ চনত ঘৰ ৱাপ্সি কাৰ্যসূচীৰ জৰিয়তে খ্ৰীষ্টধৰ্ম গ্ৰহণ কৰা ৩০০ লোকক পুনৰ হিন্দু ধৰ্মলৈ আনিছিল বুলি কোৱা হয়। ২০২৩ চনৰ ২৫ জানুৱাৰী তাৰিখে শাস্ত্ৰীয়ে মৃত্যুৰ ভাবুকি লাভ কৰাৰ পাছত মধ্যপ্ৰদেশ চৰকাৰে শাস্ত্ৰীৰ নিৰাপত্তা বৃদ্ধি কৰে।^১৯২০

সামাজিক মাধ্যমত উপস্থিতি

সামাজিক মাধ্যমত শাস্ত্ৰীৰ জনপ্ৰিয়তা যথেষ্ট বৃদ্ধি পাইছে, বিভিন্ন প্লেটফৰ্মত তেওঁৰ মুঠ ৭৫ লাখ অনুসৰণকাৰী আছে। বিশেষকৈ তেওঁ ফেচবুকত ৩৪ লাখ অনুসৰণকাৰী, ইউটিউবত ৩৯ লাখ গ্ৰাহক, ইনষ্টাগ্ৰামত ৩ লাখ আৰু টুইটাৰত ৭২ হাজাৰ অনুসৰণকাৰী লাভ কৰিছে। তেওঁৰ বহুলভাৱে চোৱা কেইবাটাও ভিডিঅ’ই তিনিৰপৰা দহ নিযুত দৰ্শন লাভ কৰিছে।^২১

বিতৰ্ক আৰু সমালোচনা

অন্ধবিশ্বাস আৰু ডাইনীবিদ্যাৰ অভিযোগ

ভাৰতীয় যুক্তিবাদী শ্যাম মানৱে তেওঁক প্ৰত্যাহ্বান জনাই তেওঁৰ আধ্যাত্মিক শক্তিক লৈ প্ৰশ্ন উত্থাপন কৰাৰ পাছত ধীৰেন্দ্ৰ শাস্ত্ৰী জনসন্মুখলৈ আহিছিল। মানৱে শাস্ত্ৰীক অন্ধ বিশ্বাসক প্ৰচাৰ কৰা বুলিও অভিযোগ উত্থাপন কৰিছিল। সংবাদ মাধ্যমত বিতৰ্কৰ সৃষ্টি হোৱাৰ সময়ত শাস্ত্ৰীয়ে মানৱক নিজৰ দিব্য দৰবাৰলৈ মাতিছিল আৰু কৈছিল, "মই মাত্ৰ বাগেশ্বৰ বালাজীৰ চৰণৰ এজন দাস। তেওঁ মোক অনুপ্ৰাণিত কৰা ধৰণেই মই কৰ্ম কৰোঁ।" ^{২২২৩২৪}

অন্ধবিশ্বাস বিৰোধী আইনৰ অধীনত নিখিল ভাৰতীয় অন্ধবিশ্বাস নিৰ্মূলকৰণ সমিতি (অখিল ভাৰতীয় অন্ধশ্ৰাদ্ধ নিৰ্মূলন সমিতি)য়ে নাগপুৰ আৰক্ষীক শাস্ত্ৰীক লৈ অভিযোগ উত্থাপন কৰিছিল। কমিটীৰ অধ্যক্ষ শ্যাম মানৱে ‘দিব্য দৰবাৰ’ আৰু ‘ প্ৰেতা দৰবাৰ’ৰ বেশত ডাইনীবিদ্যাৰ প্ৰচাৰ চলোৱাৰ লগতে ধীৰেন্দ্ৰ শাস্ত্ৰীয়ে ধৰ্মৰ নামত সাধাৰণ মানুহক প্ৰৱঞ্চনা, প্ৰতাৰণা আৰু শোষণ কৰা বুলি মন্তব্য কৰিছিল।^২৫ আৰক্ষীয়ে ইয়াৰ তদন্ত কৰি অন্ধবিশ্বাস আৰু ক'লা যাদু বিৰোধী আইন (২০১৩)ৰ অধীনত গোচৰ চলোৱাৰ কোনো ভিত্তি পোৱা নাছিল।^২৬

স্বামী ৰামদেৱ, ৰামভদ্ৰাচাৰ্য, সাধৱী প্ৰাচী, প্ৰজ্ঞা ঠাকুৰ আৰু ভাৰতীয় জনতা পাৰ্টিৰ ৰাজনীতিবিদ গিৰিৰাজ সিং আদি বহু হিন্দু ধৰ্মগুৰু তেওঁৰ সমৰ্থনত আহিছিল। তেওঁ অখিল ভাৰতীয় আখৰা পৰিষদৰপৰাও সমৰ্থন লাভ কৰিছিল^{২৭২৮২৯} ২০২৩ চনৰ ২২ জানুৱাৰী তাৰিখে বাগেশ্বৰ ধাম চৰকাৰৰ প্ৰধান ধীৰেন্দ্ৰ শাস্ত্ৰীৰ সমৰ্থনত কেইবাটাও হিন্দু সংগঠনে নতুন দিল্লীৰ যন্তৰ মন্তৰত প্ৰতিবাদৰ আহ্বান জনাইছিল।^{৩০৩১৩২} ২০২৩ চনৰ ২৫ জানুৱাৰী তাৰিখে নাগপুৰ আৰক্ষীয়ে ধীৰেন্দ্ৰ শাস্ত্ৰীক নাগপুৰত তেওঁৰ ৰাজহুৱা কাৰ্যসূচীত অন্ধবিশ্বাসী কাৰ্যকলাপৰ প্ৰচাৰ কৰাৰ অভিযোগৰ বিৰুদ্ধে ক্লীন চিট দিছিল। আৰক্ষী আয়ুক্ত অমিতেশ কুমাৰে কৈছিল যে অভিযোগৰ তদন্ত আৰু ‘অখিল ভাৰতীয় অন্ধাশ্ৰদ্ধ নিৰ্মূলন সমিতি’ৰ প্ৰতিষ্ঠাপক শ্যাম মানৱে দাখিল কৰা “প্ৰমাণ” পৰীক্ষাৰ সময়ত মহাৰাষ্ট্ৰ বিৰোধী অন্ধবিশ্বাস আৰু ক’লা যাদু আইনৰ অধীনত ব্যৱস্থা আকৰ্ষণ কৰিব পৰা একোৱেই পোৱা নগ’ল।^{২৬৩৩৩৪৩৫}

এনচিইআৰটি কিতাপত লাভ জেহাদ

শাস্ত্ৰীয়ে দাবী কৰিছিল যে এনচিইআৰটিৰ তৃতীয় শ্ৰেণীৰ পৰিৱেশ অধ্যয়নৰ পাঠ্যপুথিত "চিঠ্ঠি আয়ী হায়" শীৰ্ষক পাঠ এটাই লাভ জেহাদৰ প্ৰচাৰ কৰে। অধ্যায়টোত ৰীনা নামৰ ছোৱালী এজনীৰ বন্ধু আহমেদলৈ লিখা এখন চিঠিৰ কথা উল্লেখ কৰা হৈছে। তেওঁ এই চিঠিখন কিয় এজন মুছলমান ল’ৰাক উদ্দেশ্যি লিখা হৈছে বুলি প্ৰশ্ন তেওঁ উত্থাপন কৰে আৰু এনে বিষয়-বস্তুৱে হিন্দু আৱেগৰ ক্ষতি কৰে আৰু যুৱ মনক প্ৰভাবিত কৰাৰ এজেণ্ডা প্ৰতিফলিত কৰে বুলি পৰামৰ্শ দিয়ে।^৩৬

হিন্দু জাতীয়তাবাদ

যোৱা ২৩ জানুৱাৰী তাৰিখে নেতাজী সুভাষ চন্দ্ৰ বসুৰ জন্ম জয়ন্তীত শাস্ত্ৰীয়ে ভাৰতক হিন্দু ৰাষ্ট্ৰ হিচাপে ঘোষণা কৰিবলৈ "আপুনি আমাক সমৰ্থন কৰক, আমি আপোনাক হিন্দু ৰাষ্ট্ৰ দিম " শ্লোগান দিছিল।^{৩৭৩৮৩৯৪০} তেওঁ ৰামচৰিতমানসক ভাৰতৰ ৰাষ্ট্ৰীয় শাস্ত্ৰ হিচাপে ঘোষণা কৰিবলৈও আহ্বান জনায়।^৪১৪২ ৰজত শৰ্মাৰ আপকি আদালাত শ্বʼত শাস্ত্ৰীয়ে কৈছিল যে তেওঁ সকলো ধৰ্মকে সন্মান কৰে আৰু কোনো ধৰ্মৰ বিৰোধী নহয় কিন্তু নিজৰ ধৰ্মৰ বিৰুদ্ধে আপত্তিজনক মন্তব্য তেওঁ সহ্য নকৰে। লগতে তেওঁ হিন্দু ৰাষ্ট্ৰ আৰু অখণ্ড ভাৰতৰ চাহিদা বৃদ্ধি কৰি যাব বুলিও কয়।^{৪৩৪৪৪৫৪৬৪৭}

শাস্ত্ৰীৰ এই মন্তব্যই মিশ্ৰিত প্ৰতিক্ৰিয়া লাভ কৰিছিল, এআইএমআইএমৰ মুৰব্বী আছাদুদ্দিন ওৱেইচিয়ে সংবিধানৰ উদ্ধৃতি দি ইয়াৰ বিৰোধিতা কৰিছিল,^৪৮ আনহাতে উত্তৰ প্ৰদেশৰ মুখ্যমন্ত্ৰী যোগী আদিত্যনাথে তেওঁৰ মন্তব্যৰ সমৰ্থন কৰি কৈছিল যে ভাৰত ইতিমধ্যেই এখন হিন্দু ৰাষ্ট্ৰ।^৪৯৫০

লগতে চাওক

• বাগেশ্বৰ ধাম বালাজী মন্দিৰ