কপিল পৰমাৰ

কপিল পৰমাৰ (জন্ম ২০০০) এজন ভাৰতীয় পেৰা-জুডো খেলুৱৈ। ^১ ২০২৪ চনৰ পেৰালিম্পিকত তেওঁ ব্ৰঞ্জৰ পদক লাভ কৰাৰ লগতে জুডোত ভাৰতৰ প্ৰথমটো পেৰালিম্পিক পদক লাভ কৰি ইতিহাস ৰচনা কৰে। ^২ ইয়াৰোপৰি পৰমাৰে ২০১৯ চনৰ কমনৱেলথ চেম্পিয়নশ্বিপত স্বৰ্ণ পদক, ২০২৩ চনৰ গ্ৰেণ্ড প্ৰিস্কত স্বৰ্ণ, ২০২৩ চনৰ আই বি এছ এ বিশ্ব গেমছত ব্ৰঞ্জ আৰু ২০২২ চনৰ এছিয়ান পেৰা গেমছত ৰূপৰ পদক লাভ কৰিছে। ^৩

ব্যক্তিগত জীৱন

পৰমাৰ ভূপালৰ যদিও তেওঁ লক্ষ্ণৌৰ ইণ্ডিয়ান পেৰা জুডো একাডেমীত প্ৰশিক্ষক মুনাৱাৰ আঞ্জাৰ আলী ছিদ্দিকিৰ অধীনত প্ৰশিক্ষণ লৈ আছে। ^৪

কেৰিয়াৰ

এছিয়ান পেৰা গেমছত পৰমাৰে ৰূপৰ পদক লাভ কৰে। ^৫ ২০২৩ চনত আলেকজেণ্ড্ৰিয়াত অনুষ্ঠিত হোৱা আই বি এছ এ জুডো গ্ৰেণ্ড প্ৰিস্কত তেওঁ সোণৰ পদক লাভ কৰে। ^৬ ইয়াৰ পিছত ব্ৰিটেইনৰ বাৰ্মিংহামত অনুষ্ঠিত আই বি এছ এ বিশ্ব গেমছত ব্ৰঞ্জৰ পদক লাভ কৰে। ^{৭ ৮} বাৰ্মিংহামত অনুষ্ঠিত কমনৱেলথ গেমছতো তেওঁ সোণৰ পদক লাভ কৰে। ^৮ ২০২৪ চনৰ পেৰিছ পেৰালিম্পিকত তেওঁ ব্ৰঞ্জৰ পদক লাভ কৰে। ^৯