গগৈ

গগৈ (ইংৰাজী ভাষা:Gogoi, 𑜕𑜥𑜕𑜩𑜨Gu-Goi^১) হৈছে টাই-আহোমসকলৰ এটা বংশ বিভাজন তথা বৰ্তমানৰ এটা আহোম উপাধি।^২ চুখ্ৰংফাই টাই-আহোম বংশ স্পষ্ট কৰিবলৈ সাতঘৰীয়া টাই-আহোমক গগৈ আৰু গোহাঁই বুলি ভাগ কৰিছিল। গগৈ শব্দটো গোগৈ (𑜕𑜥𑜕𑜩𑜨 Gu-Goi) টাই-আহোম ভাষাৰ "আহোম বুৰঞ্জী"ত উল্লেখ কৰা‌ হৈছে^৩৪।

বুৰঞ্জী

গগৈ-গোহাঞি বিভাজন

চাওফা চুখ্ৰংফাই টাই-আহোম বংশৰ চিন ৰাখিবলৈ সাতঘৰীয়া আহোমক ("সাত ঘৰ টাই-আহোম অভিজাত বংশক") গোহাঞি আৰু গগৈ নামৰ প্ৰধান দুটা ভাগত বিভক্ত কৰিছে।^৫ এই নিয়ম অনুসৰী গোহাঞিসকলক বাদ দি আন সকলো সাতঘৰীয়া আহোমৰ বংশধৰে গগৈ উপাধি ব্যৱহাৰ কৰিব লাগিব আৰু সাতঘৰৰ বাহিৰৰ আন কোনো আহোমে গগৈ উপাধি ব্যৱহাৰ কৰিব নোৱাৰিব।^৬ তিনিজন গোহাঁই ফৈদৰ বংশধৰ, বৰগোহাঞি, বুঢ়াগোহাঞি আৰু বৰ পাত্ৰ গোহাঞিয়ে কেৱল গোহাঞি উপাধি ব্যৱহাৰ কৰিব পাৰিব।^৭

উপাধিলৈ উন্নীতকৰণ

১৮৯৩ চনৰ আহোম সভাত প্ৰস্তাৱ কৰি গগৈ উপাধিটো সকলোৱে লিখিব পৰা ব্যৱস্থা কৰি দিয়া হয়। যাৰ বাবে ইয়াৰ পৰৱৰ্তী সময়ছোৱাত আহোমৰ বিভিন্ন খেলৰ লোকসকলে গগৈটো উপাধি হিচাপে লিখিবলৈ আৰম্ভ কৰে। বিভিন্ন ফৈদৰ আহোম মানুহে গগৈক উপাধি হিচাপে ব্যৱহাৰ কৰে। কিছু বুৰঞ্জীবিদৰ মতে হাবুংৰ বলিয়া বুঢ়াগোহাঁইৰ বংশধৰ সকলে গগৈ উপাধি ব্যৱহাৰ কৰিছিল।

উল্লেখযোগ্য গগৈ উপাধিৰ ব্যক্তি

গগৈ উপাধিৰ কেইজনমান উল্লেখযোগ্য ব্যক্তি হ'ল-

• তৰুণ গগৈ (অসমৰ প্ৰাক্তন মুখ্যমন্ত্ৰী)
• কেশৱ চন্দ্ৰ গগৈ (অসমৰ প্ৰাক্তন মুখ্যমন্ত্ৰী)
• ৰঞ্জন গগৈ (প্ৰাক্তন মুখ্য ন্যায়াধীশ)
• অখিল গগৈ (শিৱসাগৰ সমষ্টিৰ বিধায়ক,ৰাইজৰ দলৰ সভাপতি)
• পুলক গগৈ (চিত্ৰশিল্পী, চলচ্চিত্ৰ পৰিচালক তথা প্ৰযোজক)
• গৌৰৱ গগৈ (সাংসদ)
• লীলা গগৈ (বিশিষ্ট সাহিত্যিক, বুৰঞ্জীবিদ, গ্ৰন্থকাৰ, শিক্ষাবিদ অসম সাহিত্য সভাৰ সম্পাদক, উপ-সভাপতি)
• লুৰীণজ্যোতি গগৈ ( অসম জাতীয় পৰিষদৰ বৰ্তমানৰ সভাপতি,সদৌ অসম ছাত্ৰ সন্থাৰ প্ৰাক্তন সম্পাদক)

লগতে চাওক

টাই-আহোম জনগোষ্ঠী

উৎস প্ৰসংগ

• Borboruah, Hiteswar (1997). Ahomar Din Ed. 2nd (in Assamese) (2nd ed.). Publication board of Assam.