ৰাইজৰ দল

ৰাইজৰ দল (Raijor Dal) ভাৰতৰ অসম ৰাজ্যৰ এটা স্বীকৃতিপ্ৰাপ্ত আঞ্চলিক ৰাজনৈতিক দল। ২০২০ চনৰ ২ অক্টোবৰ তাৰিখে আনুষ্ঠানিকভাৱে এই দল গঠন কৰা হৈছিল। কৃষক নেতা আৰু তথ্য জনাৰ অধিকাৰ কৰ্মী অখিল গগৈ আৰু শাসক দল ভাৰতীয় জনতা পাৰ্টীৰ মাজত ৰাজনৈতিক মতানক্যৰ এই দল অস্তিত্বলৈ আহিছিল। দলৰ মুখ্য কাৰ্যালয় গুৱাহাটীত অৱস্থিত আৰু ইয়াৰ বৰ্তমান সভাপতি অখিল গগৈ।

ইতিহাস

২ অক্টোবৰ ২০২০ চনত নাগৰিকত্ব (সংশোধনী) আইন, ২০১৯ৰ বিৰোধী প্ৰতিবাদৰ ভিতৰত তেওঁৰ স্থিতিৰ বাবে কাৰাগাৰত থকা কৃষক মুক্তি সংগ্ৰাম সমিতিৰ প্ৰতিষ্ঠাপক অখিল গগৈয়ে অসমৰ ৭০টা থলুৱা সংগঠনৰ সহায়ত এই নতুন ৰাজনৈতিক দল ৰাইজৰ দল আৰম্ভ কৰিছে।^১

দলটো চলচ্চিত্ৰ নিৰ্মাতা জাহ্নু বৰুৱাই আনুষ্ঠানিকভাৱে ঘোষণা কৰিছিল আৰু অসমীয়া চলচ্চিত্ৰ অভিনেত্ৰী জেৰিফা ৱাহিদ আৰু অধিবক্তা অৰূপ বৰবৰাৰ সৈতে তেওঁক সমৰ্থন প্ৰদান কৰিছিল।^২৩ নতুন ৰাজনৈতিক দলটোত যোগ দিবলৈ কৃষক মুক্তি আৰু ছাত্ৰ মুক্তিৰ পৰা কেইবাজনো নেতাই পদত্যাগ কৰিছিল।

দলটোৱে অখিল গগৈৰ মুক্তি নিশ্চিত কৰিবলৈ চৰকাৰৰ ওপৰত বৰ্জনীয় চাপৰ উপৰিও নাগৰিকত্ব সংশোধনী আইনৰ বিৰোধী প্ৰতিবাদ তীব্ৰ কৰি ২০২১ চনৰ অসম বিধান সভা নিৰ্বাচনত অৱতীৰ্ণ হয়।^৪

নিৰ্বাচনী প্ৰদৰ্শন

২০২১ৰ অসম বিধানসভা নিৰ্বাচনৰ বাবে ৰাইজৰ দলে অসম জাতীয় পৰিষদৰ সৈতে মিত্ৰতা কৰি একেলগে প্ৰতিদ্বন্দিতা কৰিছিল। আসন ভাগ-বতৰা চুক্তি অনুসৰি অসম জাতীয় পৰিষদে ৬৮ খন আসনত প্ৰতিদ্বন্দিতা কৰিছিল আৰু ৰাইজৰ দলে অসমৰ ২৯ খন আসনত প্ৰতিদ্বন্দিতা কৰে।^৫ এই নিৰ্বাচনত ৰাইজৰ দলৰ কেৱল এজন প্ৰাৰ্থী বিধানসভালৈ নিৰ্বাচিত হয়। ৰাইজৰ দলৰ সভাপতি অখিল গগৈ শিৱসাগৰ বিধানসভা সমষ্টিৰ পৰা অসম বিধানসভালৈ নিৰ্বাচিত হয়।