ৰচনা বেনাৰ্জী

ৰচনা বেনাৰ্জী (Rachna Banerjee; ২ অক্টোবৰ ১৯৭২) হৈছে এগৰাকী ভাৰতীয় অভিনেত্ৰী, ঔদ্যোগী, টেলিভিছনৰ পৰিৱেশক, আৰু ৰাজনীতিবিদ। তেওঁ সাধাৰণতে বাংলা, উড়িয়াৰ লগতে তেলেগু, তামিল আৰু কানাড়া ছবিতো কাম কৰিছে।^১

১৯৯১ চনত তেওঁ মিছ কলকাতাৰ মুকুট পিন্ধিছিল। তেওঁ ভাৰতৰ মিছ ইণ্ডিয়া প্ৰতিযোগিতাত মিছ বিউটিফুল স্মাইলকে ধৰি পাঁচখন সৌন্দৰ্য্য প্ৰতিযোগিতাত জয়ী হৈছে।^২তেওঁ শেহতীয়াকৈ ২০২৪ চনৰ জুন মাহৰ পৰা পশ্চিম বংগৰ হুগলী (লোকসভা সমষ্টি)ৰ সংসদ সদস্য হিচাপে কাৰ্যনিৰ্বাহ কৰি আছে।^৩

প্ৰাৰম্ভিক জীৱন

১৯৭২ চনৰ ২ অক্টোবৰ^৪৫তাৰিখে পশ্চিম বংগৰ কলিকতা (বৰ্তমান কলকাতা)ত জন্মগ্ৰহণ কৰা ৰচনা বেনাৰ্জী পিতৃ-মাতৃৰ একমাত্ৰ সন্তান আছিল। তেওঁৰ পিতৃৰ নাম আছিল ৰবীন্দ্ৰনাথ বেনাৰ্জী।^৬ তেওঁৰ প্ৰকৃত নাম আছিল ঝুমঝুম বেনাৰ্জী।^৭৮ তেওঁ ৰাষ্ট্ৰীয় ছোৱালী হাইস্কুলৰ পৰা উচ্চতৰ মাধ্যমিক শিক্ষা সমাপ্ত কৰে।^৯

মডেলিং আৰু অভিনয় জগতত

বেনাৰ্জীয়ে ১৯৯১ চনত মিছ কলকাতা প্ৰতিযোগিতাত জয়লাভ কৰিছিল যেতিয়া তেওঁ চাউথ চিটি কলেজৰ দ্বিতীয় বৰ্ষৰ স্নাতক পাঠ্যক্ৰমত পঢ়ি আছিল। অভিনয় জীৱন আৰম্ভ কৰাৰ পূৰ্বে কেইবাখনো সৌন্দৰ্য্য প্ৰতিযোগিতাত অংশগ্ৰহণ কৰাৰ লগতে তেওঁক প্ৰায়ে ‘মিছ বিউটিফুল স্মাইল’ বুলি ঘোষণা কৰা হৈছিল। ১৯৯২ চনত মিছ ইণ্ডিয়া প্ৰতিযোগিতাৰ গ্ৰেণ্ড ফাইনেলত অংশগ্ৰহণ কৰিব নোৱাৰিলে য’ত মধু সপ্ৰেৱে খিতাপ দখল কৰে।

অভিনয় কেৰিয়াৰ (১৯৯৩-২০১৭)

সুখেন দাসে তেওঁৰ ডেন প্ৰতিদান (১৯৯৩)ত মহিলা নায়িকাৰ বাবে বেনাৰ্জীক বাছি লৈছিল। তেওঁ তাইৰ নাম সলনি কৰি ৰচনা কৰা হৈছিল, যিটো নাম দাসে ‘ৰবীন্দ্ৰ ৰচনাৱলী’ পাইছিল। ৰচনাই আজিলৈকে প্ৰায় ৪৫খন ওড়িয়া চিনেমা কৰিছে। তাৰ ভিতৰত অন্যতম কাল্ট চিনেমা সূৰ্য্যবংশম ছবিখনত অমিতাভ বচ্চনৰ সৈতে অভিনয় কৰিছিল।^১০

ব্যক্তিগত জীৱন

ৰচনা বেনাৰ্জীয়ে তেওঁৰ সহ অভিনেতা সিদ্ধান্ত মহাপাত্ৰৰ সৈতে বিবাহপাশত আবদ্ধ হয়। ২০০৪ চনত তেওঁৰ বিবাহ বিচ্ছেদ হয়।^১১১২ ২০০৭ চনত প্ৰবাল বসুৰ সৈতে পুনৰ বিবাহপাশত আবদ্ধ হয় আৰু ২০১৬ চনত তেওঁৰ পৰাও বিচ্ছেদ হয়। তেওঁলোকৰ এজন পুত্ৰ আছে।^১৩

ৰাজনৈতিক জীৱন

২০২৪ চনৰ ভাৰতীয় সাধাৰণ নিৰ্বাচনত ভাৰতীয় জনতা পাৰ্টীৰ সাংসদ লকেট চেটাৰ্জীৰ বিৰুদ্ধে হুগলী লোকসভা সমষ্টিৰ আসনৰ পৰা সৰ্বভাৰতীয় তৃণমূল কংগ্ৰেছৰ প্ৰাৰ্থী হিচাপে বেনাৰ্জীয়ে প্ৰতিদ্বন্দ্বিতা কৰি ৭৬,৮৫৩টা ভোটৰ ব্যৱধানত জয়ী হৈছিল।^১৪১৫