মেহবুবা মুফটি

মেহবুবা মুফটি ছয়েদ (Mehbooba Mufti Sayed; জন্ম: ২২ মে' ১৯৫৯) এগৰাকী ভাৰতীয় ৰাজনীতিবিদ আৰু জম্মু-কাশ্মীৰ পিপলছ ডেম'ক্ৰেটিক পাৰ্টি (PDP)ৰ নেত্ৰী৷ তেওঁ ২০১৬ চনৰ ৪ এপ্ৰিলৰ পৰা ১৯ জুন ২০১৮ লৈকে পূৰ্বৰ ৰাজ্য জম্মু আৰু কাশ্মীৰৰ নৱম আৰু শেষ মুখ্যমন্ত্ৰী হিচাপে কাৰ্যনিৰ্বাহ কৰিছিল৷ তেওঁ জম্মু-কাশ্মীৰৰ প্ৰথম মহিলা মুখ্যমন্ত্ৰী। ২০১৯ চনৰ আগষ্ট মাহত সংবিধানৰ ৩৭০ নং অনুচ্ছেদ বাতিল হোৱাৰ পিছত প্ৰথমে কোনো অভিযোগ নোহোৱাকৈ আৰু পিছলৈ জম্মু-কাশ্মীৰ জনসাধাৰণৰ সুৰক্ষা আইন অনুসৰি মুফটিক আটক কৰা হয়।^১

জম্মু-কাশ্মীৰৰ মুখ্যমন্ত্ৰীৰ পদত অধিষ্ঠিত হোৱা তেওঁ প্ৰথমগৰাকী মহিলা।^২ ভাৰতীয় জনতা পাৰ্টিৰ সৈতে যৌথভাৱে জম্মু-কাশ্মীৰত মিত্ৰজোঁটৰ চৰকাৰ তেওঁ গঠন কৰিছিল। ২০১৮ চনৰ জুন মাহত বিজেপিয়ে মিত্ৰজোঁটৰ পৰা আঁতৰি যোৱাৰ পিছত তেওঁ পদত্যাগ কৰে।^৩

জম্মু-কাশ্মীৰৰ মুখ্যমন্ত্ৰী হিচাপে শপত গ্ৰহণ কৰাৰ পূৰ্বে মুফটি পিডিপিৰ সভানেত্ৰী আছিল আৰু ভাৰতীয় সংসদৰ সদস্য আছিল৷ তেওঁ ১৬ নং লোকসভাত অনন্তনাগক প্ৰতিনিধিত্ব কৰিছিল। তেওঁ চতুৰ্দশ লোকসভাতো (২০০৪–০৯)^৪অনন্তনাগক প্ৰতিনিধিত্ব কৰিছিল আৰু জম্মু-কাশ্মীৰ বিধানসভাৰ বিৰোধী দলপতিও আছিল।

প্ৰাৰম্ভিক জীৱন

১৯৫৯ চনত জম্মু-কাশ্মীৰৰ আখ্ৰাণ ন'পোৰাত জন্মগ্ৰহণ কৰা মুফতি মহম্মদ ছাইদ আৰু গুলছান আৰা^৫ৰ কন্যা। জম্মুৰ গভৰ্ণমেণ্ট কলেজ ফৰ ৱমেনৰ পৰা ইংৰাজী সাহিত্যত তেওঁ স্নাতক ডিগ্ৰী লাভ কৰে,^৬ আৰু কাশ্মীৰ বিশ্ববিদ্যালয়ৰ পৰা আইন বিভাগৰ ডিগ্ৰী লাভ কৰে।^৭৮ ১৯৮৯ চনৰ পিছত তেওঁ নতুন দিল্লীলৈ স্থানান্তৰিত হয় আৰু বম্বে মাৰ্কেণ্টাইল বেংকত যোগদান কৰে৷ তাৰ পিছত তেওঁ ইষ্ট ৱেষ্ট এয়াৰলাইন্সৰ সৈতে কাম কৰে, তাৰ পিছত তেওঁ পুনৰ জম্মু-কাশ্মীৰলৈ যায়। তেওঁৰ প্ৰাক্তন স্বামী এজন ৰাজনৈতিক বিশ্লেষক, এজন পশু অধিকাৰ কৰ্মী আৰু কিছু সময়ৰ বাবে নেচনেল কনফাৰেন্স পাৰ্টিৰ সৈতে আছিল।^৯তেওঁলোকৰ দুগৰাকী কন্যা ইলটিজা আৰু ইৰতিকা।^১০

আটক

২০১৯ চনৰ ৫ আগষ্টত তেওঁক কেন্দ্ৰীয় চৰকাৰে আটক কৰে।^১ তেওঁৰ কন্যা ইলটিজা মুফটিয়ে আটক কৰাৰ ৪৬তম দিনা মাকৰ টুইটাৰ একাউণ্টটো অধিগ্ৰহণ কৰে।^১১ নৱেম্বৰ মাহত ইলটিজা মুফটিয়ে শ্ৰীনগৰৰ উপ-আয়ুক্তলৈ এখন পত্ৰ লিখি মাকক উপত্যকাৰ শীতকালৰ বাবে অধিক সুসজ্জিত ঠাইলৈ স্থানান্তৰিত কৰিবলৈ অনুৰোধ কৰে।^১২

২০২০ চনৰ ফেব্ৰুৱাৰী মাহত জম্মু আৰু কাশ্মীৰ জনসাধাৰণৰ সুৰক্ষা আইন অনুসৰি তেওঁক পুনৰাই আটক কৰা হয়।^১৩ ১৩ অক্টোবৰ ২০২০ তাৰিখে তেওঁক মুকলি কৰি দিয়া হয়।^১৪

বাহ্যিক সংযোগ

• Official biographical sketch in Parliament of India website
• State Assembly hall security remove opposition People's Democratic Party
• Jolly, Asit. (15 May 2017). Mehbooba Mufti under Siege. Can She Stem the Rot?. ইণ্ডিয়া টুডে. পৃ. 30–38 ("Buffeted by Insurgency and Dissent within Her Party, She Needs All the Help She Can Get from a Reluctant Centre.") indiatoday.intoday.on 4 May 2017