প্ৰাগ চিনে বঁটা ২০১৪

প্ৰাগ চিনে বঁটা, ২০১৪ (Prag Cine Awards) মাৰ্চ মাহৰ ২২ তাৰিখে বেংগালুৰুৰ এন জি ভি ইণ্ডোৰ ষ্টেডিয়ামত অনুষ্ঠিত হয়। পোন প্ৰথমবাৰৰ বাবে এই অনুষ্ঠান অসমৰ বাহিৰত আয়োজন কৰা হয়। এই অনুষ্ঠানটো আয়োজন কৰে অসমৰ ছেটেলাইট চেনেল প্ৰতিষ্ঠান, প্ৰাগ এ এম টেলিভিশ্যন প্ৰাইভেট লিমিটেডে।^১২৩ অভিনেতা কপিল বৰা আৰু জেৰিফা ৱাহিদ দুয়োয়ে এই অনিষ্ঠানৰ আঁত ধৰে।^৪ নাট্যকাৰ অৰুণ শৰ্মা, কানাড়া চলচ্চিত্ৰ পৰিচালক নাগাথাহাল্লি চন্দ্ৰশেখৰ আৰু বলিউডৰ অভিনেত্ৰী মহিমা চৌধুৰীয়ে অনুষ্ঠানটো উদ্বোধন কৰে।^৫

অসমীয়া চলচ্চিত্ৰ জগতলৈ যোগোৱা অৱদানৰ বাবে অভিনেত্ৰী মৃদুলা বৰুৱাক জীৱনজোৰা কৃতিত্ব বঁটা প্ৰদান কৰা হয়। ৰাগ - দ্য ৰিদম অৱ লাভত কৰা অভিনয়ৰ বাবে আদিল হুছেইনক শ্ৰেষ্ঠ অভিনেতা আৰু শৃংখলত কৰা অভিনয়ৰ বাবে জয়া শীলক শ্ৰেষ্ঠা অভিনেত্ৰীৰ বঁটা প্ৰদান কৰা হয়। জাহ্নু বৰুৱাৰ অজেয় বোলছবিখনে শ্ৰেষ্ঠ চলচ্চিত্ৰৰ বঁটা লাভ কৰে।^৩

মনোনয়ন আৰু বঁটা

২০০৪ চনৰ ৩ মাৰ্চৰ দিনা প্ৰাগ চিনে বঁটা ২০১৪ৰ মনোনয়ন লাভ কৰা চলচ্চিত্ৰ সমূহৰ নাম ঘোষণা কৰা হৈছিল। এই অনুষ্ঠানত অসমত নিৰ্মাণ হোৱা অসমীয়া ভাষাৰ লগতে আন ভাষাৰ চলচ্চিত্ৰৰ মুঠ ২৩ টা বিভাগত বঁটা প্ৰদান কৰা হয়। ৰজনী বসুমতাৰীৰ ৰাগ বোলছবিখনে মুঠ ১২ টা শাখাত, জাহ্নু বৰুৱাৰ অজেয় আৰু কংকন ৰাজখোৱাৰ চিঞৰ বোলছবিখনে ১১ টা শাখাত মনোনয়ন লাভ কৰিছিল।^৬৭৮

বঁটা

বঁটা লাভ কৰা সকলৰ নাম প্ৰথমতে আৰু ডাঙৰ আখৰেৰে লিখা হৈছে।^৩

জীৱনজোৰা কৃতিত্ব বঁটা

অসমীয়া চলচ্চিত্ৰ জগতলৈ যোগোৱা অৱদানৰ বাবে অভিনেত্ৰী মৃদুলা বৰুৱাক জীৱনজোৰা কৃতিত্ব বঁটা প্ৰদান কৰা হয়।^৩

অন্যান্য বঁটা

• চিনেমাৰ বিষয়ে শ্ৰেষ্ঠ লেখা: ফাৰহানা আহমেদ
• বিচাৰকৰ বিশেষ উল্লেখ: কেনী দেউৰী বসুমতাৰী – লোকেল কুংফু

বাহ্যিক সংযোগ

• Prag Cine Award 2014 and its Nominations, Assam Online Portal, Published on 3 March 2014
• Nominations of Prag Cine Award 2014, www.creativica.in, Published on 1st March 2014