বানু মুস্তাক

বানু মুস্তাক (Banu Mushtaq) (জন্ম ১৯৪৮) দক্ষিণৰ কৰ্ণাটক ৰাজ্যৰ এগৰাকী ভাৰতীয় সমাজকৰ্মী, অধিবক্তা আৰু সাহিত্যিক। তেওঁ কানাড়া ভাষাত লিখে৷ তেওঁৰ ৰচনাসমূহ উৰ্দু, হিন্দী, তামিল, মালায়ালম আৰু শেহতীয়াকৈ ইংৰাজী ভাষাতো প্ৰকাশ পাইছে।^১ ২০২৫ চনত তেওঁৰ চুটিগল্প সংকলন 'হাৰ্ট লেম্প' শীৰ্ষক গ্ৰন্থখনে (দীপা ভাষ্টিয়ে কৰা অনুবাদ) আন্তৰ্জাতিক বুকাৰ বঁটা লাভ কৰে।^২

প্ৰাৰম্ভিক আৰু ব্যক্তিগত জীৱন

১৯৪৮ চনত কৰ্ণাটকৰ হাছানৰ এটা মুছলমান পৰিয়ালত মুস্তাকে জন্মগ্ৰহণ কৰিছিল৷^৩ ৮ বছৰ বয়সত মুস্তাকে শিৱমোগ্গাৰ কানাড়া ভাষাৰ মিছনেৰী স্কুলত নামভৰ্তি কৰে; এই চৰ্তত যে তেওঁ "ছমাহত কানাড়া পঢ়িবলৈ আৰু লিখিবলৈ" শিকিব৷ স্কুলত কেইদিনমান পিছত তেওঁ লিখিবলৈও আৰম্ভ কৰিলে।^৪

সামাজিক নীতিৰ বিৰোধিতা কৰি তেওঁ বিশ্ববিদ্যালয়ত পঢ়িবলৈ গৈছিল আৰু ২৬ বছৰ বয়সত প্ৰেমবিবাহ কৰিছিল।^৫

তেওঁ কানাড়া, হিন্দী, ডাখনী উৰ্দু আৰু ইংৰাজী ভাষা কয়।^৫

কৰ্মজীৱন

মুস্তাক ইয়াৰ পূৰ্বে লংকেশ পত্ৰিকে^৫ নামৰ কাকতখনৰ সাংবাদিক আছিল আৰু কিছু মাহ ধৰি বেংগালুৰুৰ অল ইণ্ডিয়া ৰেডিঅ'ত কাম কৰিছিল।^৩

লেখিকা হিচাপে

বানু মুস্তাক সৰুৰে পৰা লিখাৰ প্ৰতি আগ্ৰহী আছিল, কিন্তু ২৯ বছৰ বয়সলৈকে তেওঁ লেখক হোৱা নাছিল৷ প্ৰসৱৰ পিছত এগৰাকী নতুন মাতৃ হিচাপে তেওঁ প্ৰসৱোত্তৰ বিসণ্ণতাত ভুগিছিল। মুস্তাকে নিজৰ অনুভৱ আৰু অভিজ্ঞতা অন্বেষণ কৰিবলৈ লিখা-মেলা কৰিবলৈ আৰম্ভ কৰিলে। তেওঁৰ লেখাৰ বেছিভাগেই নাৰী-আধাৰিত।^৫

মুস্তাকে ছখন চুটিগল্প-সংকলন, এখন উপন্যাস, এখন ৰচনা সংকলন আৰু এটা কবিতা সংকলন প্ৰকাশ কৰিছে।^৬ তেওঁৰ গল্প "কাৰি নাগাৰগালু"ক ২০০৩ চনত হাছিনা নামৰ এখন ছবিলৈ ৰূপান্তৰিত কৰা হয়।^৫

হাৰ্ট লেম্প

ইংৰাজীলৈ অনুবাদ হোৱা মুস্তাকৰ প্ৰথমখন পূৰ্ণদৈৰ্ঘ্যৰ কিতাপ আছিল দক্ষিণ ভাৰতৰ মুছলমান সম্প্ৰদায়ৰ ১২টা নাৰীকেন্দ্ৰিক কাহিনীৰ সংকলন হাৰ্ট লেম্প (আৰু অন্যান্য কাহিনী, ২০২৫)। গল্পসমূহ বাছনি কৰি দীপা ভাষ্টিয়ে ইংৰাজী ভাষালৈ অনুবাদ কৰিছিল^৭ তেওঁ ২০২২ চনৰ পৰা মুস্তাকৰ ৰচনাসমূহ ইংৰাজীলৈ অনুবাদ কৰিবলৈ আৰম্ভ কৰে।^৫ এই সংকলনত ২০১৯ চনৰ পৰা ২০২৩ চনলৈকে লিখা আৰু প্ৰকাশিত গল্পসমূহ সন্নিবিষ্ট কৰা হৈছে।^৪৫

২০২৫ চনৰ মে' মাহত হাৰ্ট লেম্পে ২০২৫ চনৰ আন্তঃৰাষ্ট্ৰীয় বুকাৰ বঁটা লাভ কৰে।^২ মুস্তাক হৈছে প্ৰথমগৰাকী কন্নড় ভাষাৰ লেখক যাৰ ৰচনাক এই বঁটাৰ বাবে মনোনীত কৰা হৈছিল।^৪ দীপা ভাষ্টি এই বঁটা লাভ কৰা প্ৰথমগৰাকী ভাৰতীয় অনুবাদক৷ 'হাৰ্ট লেম্প' হৈছে বুকাৰ সন্মান বঁটা লাভ কৰা প্ৰথমটো চুটিগল্প সংকলন।^৮

সামাজিক সক্ৰিয়তা

১৯৮০ চনৰ পৰা মুস্তাক কৰ্ণাটকত "মৌলবাদ আৰু সামাজিক অন্যায়"ক অৱমাননা কৰাৰ দিশত কাম কৰা কৰ্মী আন্দোলনৰ সৈতে জড়িত হৈ আছে।^৯

২০০০ চনত মুস্তাক আৰু তেওঁৰ পৰিয়ালৰ বিৰুদ্ধে তিনিমাহৰ বাবে "সামাজিক বৰ্জন" ঘোষণা কৰা হয়৷ তেওঁ "মুছলমান মহিলাৰ মছজিদত প্ৰৱেশৰ অধিকাৰৰ পোষকতা" কৰাৰ বাবে এই বৰ্জন ঘোষণা কৰা হয়।^৯

২০০০ চনৰ আৰম্ভণিতে মুস্তাকে চিকমাগালুৰ জিলাৰ বাবা বুডাংগিৰিৰ এটা ছিনক্ৰেটিক মন্দিৰত মুছলমানসকলক দৰ্শন কৰাত বাধা দিয়াৰ প্ৰচেষ্টাত প্ৰতিবাদ সাব্যস্ত কৰে।^৯

মুস্তাকে মুছলমান ছাত্ৰ-ছাত্ৰীয়ে বিদ্যালয়ত হিজাব পিন্ধাৰ অধিকাৰক সমৰ্থন কৰিছে, যিটোৱে কৰ্ণাটকত প্ৰত্যাহ্বানৰ সন্মুখীন হৈছে।^৯

বঁটা আৰু স্বীকৃতি

• কৰ্ণাটক সাহিত্য একাডেমী বঁটা (১৯৯৯)^১০
• দানা চিন্তামণি আতিমব্বে বঁটা^১০
• ২০২৪ চনৰ পেন ইংৰাজী অনুবাদ বঁটা; (দীপা ভাষ্টিৰ হাছিনা আৰু অন্যান্য গল্প অনুবাদৰ বাবে)^১১
• ২০২৫ চনৰ হাৰ্ট লেম্পৰ বাবে আন্তঃৰাষ্ট্ৰীয় বুকাৰ বঁটা, অনুবাদ-দীপা ভাষ্টি^১২

প্ৰকাশনসমূহ

• হাৰ্ট লেম্প: নিৰ্বাচিত কাহিনী (আৰু অন্যান্য কাহিনী, ২০২৫)