নেহা শৰ্মা

নেহা শৰ্মা (Neha Sharma; জন্ম: ২১ নৱেম্বৰ ১৯৮৭) এগৰাকী ভাৰতীয় অভিনেত্ৰী, মডেল আৰু ব্যৱসায়ী মহিলা।^১

শৰ্মাই য়ামলা পাগলা দীৱানা ২ (২০১৩), চʼলʼ (২০১৭) আৰু তান্থাজী (২০২০)কে ধৰি কেইবাখনো চলচ্চিত্ৰত অভিনয় কৰিছে। ২০২০ চনত ইল্লিগেল নামৰ ধাৰাবাহিকত অভিনয়েৰে ৱেবত আত্মপ্ৰকাশ কৰিছিল। তেওঁ কৃতি আৰু বিকল্প নামৰ দুখন চুটি চলচ্চিত্ৰৰ মুখ্য চৰিত্ৰত অভিনয় কৰিছে।

প্ৰাৰম্ভিক জীৱন

১৯৮৭ চনৰ ২১ নৱেম্বৰ তাৰিখে^২ বিহাৰৰ এটি হিন্দু পৰিয়ালত নেহা শৰ্মাই জন্মগ্ৰহণ কৰিছিল। ভাগলপুৰৰ মাউণ্ট কাৰ্মেল স্কুলত স্কুলীয়া শিক্ষা সাং কৰি তেওঁ নতুন দিল্লীৰ^৩ নেচনেল ইনষ্টিটিউট অৱ ফেশ্বন টেকন’লজি (NIFT)ৰ পৰা ফেশ্বন ডিজাইনৰ শিক্ষা গ্ৰহণ কৰে।^৪ তেওঁ কৈছিল যে সৰুতে তেওঁ হাঁপানি ৰোগত আক্ৰান্ত হৈছিল আৰু শাৰীৰিকভাৱে সদায় অসুস্থ আৰু দুৰ্বল আছিল। লগতে তেওঁ জনায় যে হাইদৰাবাদৰ পৰিয়াল এটিৰ আশীৰ্বাদত তেওঁৰ হাঁপানি ৰোগ সম্পূৰ্ণৰূপে নিৰ্মূল হৈছে।^৫

ব্যক্তিগত জীৱন

তেওঁৰ ব্যক্তিগত চখসমূহ হ’ল ৰন্ধা-বঢ়া, গান শুনা, কিতাপ পঢ়া, নৃত্য কৰা আদি।^৬ শৰ্মাই ভাৰতীয় শাস্ত্ৰীয় নৃত্য, কথকৰো প্ৰশিক্ষণ লৈছে। ইয়াৰ উপৰিও তেওঁ লণ্ডনৰ পাইনেপল ডান্স ষ্টুডিঅ’ৰ পৰা ষ্ট্ৰীট হিপ হপ, লেটিন ডান্সিং-চালছা, মেৰেংগু, জিভ, আৰু জেজ আদিও শিকিছে।^৫ ইংৰাজ মডেল কেট মছক তেওঁ নিজৰ ষ্টাইল অনুপ্ৰেৰণা হিচাপে গণ্য কৰে। শৰ্মাৰ নিজাকৈ পোছাকৰ লেবেল/ব্ৰেণ্ড মুকলি কৰাৰ আকাংক্ষাও আছে।^৭

চলচ্চিত্ৰপুঞ্জী

চলচ্চিত্ৰ

ৱেব ধাৰাবাহিক

সংগীত ভিডিঅʼ

সংবাদ মাধ্যমত

শৰ্মাই বহুবাৰ টাইমছ অফ ইণ্ডিয়াৰ ৫০ গৰাকী সৰ্বাধিক আকাঙ্ক্ষিত মহিলাৰ তালিকাত স্থান পাইছে। তেওঁ ২০১০ চনত ৩১তম,^৪০ ২০১১ চনত ২৬তম,^৪১ ২০১২ চনত ১৫শ,^৪২ ২০১৩ চনত ১৩শ,^৪৩ ২০১৪ চনত ১৭শ,^৪৪ ২০১৫ চনত ৩২তম,^৪৫ ২০১৬ চনত ৩৩তম,^৪৬ ২০১৭ চনত ৩৬তম,^৪৭ ২০১৮ আৰু ২০১৯ চনত ৪৪তম^৪৮৪৯ আৰু ২০২০ চনত ৩২তম স্থান পাইছিল।^৫০ তেওঁ এফএইচএমৰ বিশ্বৰ ১০০ গৰাকী চেক্সিয়েষ্ট মহিলাৰ তালিকাতো অন্তৰ্ভুক্ত হৈছিল, যʼত তেওঁ ২০১৪ চনত ৭ম স্থান অৰ্জন কৰিছিল।^৫১

উদ্যমিতা

ফুটবল

২০২০ চনত, নেহা এইচ ধামি, বাম্বি বেইন্স, জুগি ডি আৰু ব্লু ব্লাডৰ সৈতে একেলগে আই পি এল ছকাৰ দল বাৰ্মিংহাম চেলেঞ্জাৰ্ছৰ সহ-গৰাকী হয়।^৫২

আতিথ্য

২০২৪ চনত, নেহাই কৰণ আৰ চাওলা, অঙ্গদ সিং আৰু অক্ষয় শোকিনৰ সৈতে কল মি টেন নামৰ এখন নতুন জাপানী ৰেষ্টুৰেণ্টৰ সহ-প্ৰতিষ্ঠা কৰি আতিথ্য খণ্ডত খোজ দিয়ে। দিল্লীৰ বসন্ত বিহাৰ জিলাত অৱস্থিত এই ৰেষ্টুৰেণ্টখন ২০২৪ চনৰ ছেপ্টেম্বৰ তাৰিখে আনুষ্ঠানিকভাৱে ৰাইজৰ বাবে মুকলি কৰি দিয়া হয়।^৫৩

বঁটা আৰু মনোনয়ন

এপ্পলচ্ এণ্টাৰটেইনমেণ্ট স্ক্ৰিনএক্সএক্স বঁটা

লগতে চাওক

• বিহাৰৰ ব্যক্তিসকলৰ তালিকা
• ভাৰতীয় চলচ্চিত্ৰৰ অভিনেত্ৰীসকলৰ তালিকা
• হিন্দী চলচ্চিত্ৰৰ অভিনেত্ৰীসকলৰ তালিকা
• পঞ্জাবী চলচ্চিত্ৰৰ অভিনেত্ৰীসকলৰ তালিকা