ৰশ্মিকা মন্দান্না

ৰশ্মিকা মন্দান্না (ರಶ್ಮಿಕಾ ಮಂದಣ್ಣ; জন্ম ৫ এপ্ৰিল ১৯৯৬) এগৰাকী ভাৰতীয় চলচ্চিত্ৰ অভিনেত্ৰী আৰু মডেল যিয়ে মূলতঃ তেলেগু আৰু কন্নড় চলচ্চিত্ৰত কাম কৰে। তেওঁ মিডিয়া আৰু কন্নড় ফিল্ম ইণ্ডাষ্ট্ৰিত ‘কৰ্ণাটক ক্ৰাচ’ হিচাবে জনপ্ৰিয়।^১২ ৰশ্মিকা কম সময়ৰ ভিতৰতে এখন চলচ্চিত্ৰৰ ১ বিলিয়ন আয় কৰা খুব কম অভিনেত্ৰীৰ মাজৰ অন্যতম।^৩ তেওঁ তেলেগু আৰু কান্নাডা চলচ্চিত্ৰ জগতৰ অন্যতম জনপ্ৰিয় আৰু সৰ্বাধিক বেতনৰ অভিনেত্ৰী।^৪৫

ৰশ্মিকা কন্নড় ভাষাৰ ২০১৬ চনৰ চলচ্চিত্ৰ 'কিৰিক পাৰ্টি' যোগেদি অভিনয় জগতলৈ আত্মপ্ৰকাশ কৰে। ২০১৭ চনত তেওঁ 'অঞ্জানী পুত্ৰ' আৰু 'চমক' নামৰ দুখন বাণিজ্যিকভাৱে সফল ছবিত অভিনয় কৰিছিল। পিছত তেওঁ ২০১৮ চনত ৰোমাণ্টিক নাটক 'চলো'ৰ যোগেদি তেলেগুত আত্মপ্ৰকাশ কৰিছিল।^৬ একে বছৰতে, তেওঁ 'গীতা গোবিন্দম' ৰমকম ছবিত অভিনয় কৰিছিল, যি তেলেগু চলচ্চিত্ৰৰ সৰ্বাধিক মুনাফা অৰ্জনকাৰীসকলোৰ মাজলৈ পৰিণত হৈছিল আৰু ব্যাপক পৰিচিতি অৰ্জন কৰিবলৈ সক্ষম হৈছিল।^৭ তেওঁৰ তৃতীয় তেলেগু ইণ্ডাষ্ট্ৰিৰ বহু-তাৰকাযুক্ত বিগ বাজেটৰ চলচ্চিত্ৰ আছিল 'দেবদাস'। কান্নাডা ফিল্ম ইণ্ডাষ্ট্ৰিত প্ৰথম হেট ট্ৰিক হিট অৰ্জনৰ পিছত তেলেগু ফিল্ম ইণ্ডাষ্ট্ৰিত একে বছৰতে তেওঁৰ ই তৃতীয় সফল চলচ্চিত্ৰ হিচাবে চিহ্নিত হৈছে, তেওঁ তেলেগু আৰু কান্নাডা চলচ্চিত্ৰৰ শীৰ্ষস্থানীয় অভিনেত্ৰী হিচাবে নিজকে প্ৰতিষ্ঠিত কৰিছে।

তেওঁ বাণিজ্যিকভাৱে সফল ছবি যেনে 'কিৰিক পাৰ্টি' (২০১৬), 'অঞ্জানী পুত্ৰ' (২০১৭), 'চমক' (২০১৭), চলো (২০১৮), 'গীতা গোবিন্দম' (২০১৮), 'য়াজমানা' (২০১৯), 'চাৰিলেৰু নেকেভাৰু' (২০২০) আৰু 'ভীষ্ম' ( ২০২০) চলচ্চিত্ৰত এটা এটাকৈ পোৱা সাফল্যই তেওঁক দক্ষিণ ভাৰতীয় চলচ্চিত্ৰ জগতৰ অন্যতম সৰ্বাধিক বিচৰা অভিনেত্ৰী হিচাবে গঢ়ি তুলিছে।

কৰ্মৰাজি

“মই যেতিয়া ফিল্মখনৰ শ্বটিং কৰিছিলোঁ তেতিয়া মোৰ বয়স আছিল মাত্ৰ ১৯ বছৰ। মই বাস্তৱ জীবনত চানভীৰ দৰে (তেওঁৰ চৰিত্ৰৰ নাম), মোৰ বয়সৰ বাহিৰেও পৰিপক্ব; সেয়ে এইটো শিষ্টাচাৰহীন অনুভৱ নহ’ল।”
— —ৰশ্মিকা তেওঁৰ প্ৰথম চলচ্চিত্ৰ 'কিৰিক পাৰ্টি'ৰ অভিজ্ঞতা প্ৰকাশ কৰিছিল।^৮

ৰশ্মিকা ২০১২ চনত মডেলিং আৰম্ভ কৰিছিল। একে বছৰতে তেওঁ ক্লিন এণ্ড ক্লিয়াৰ ফ্ৰেচ ফেচ অফ ইণ্ডিয়া খিতাপ অৰ্জন কৰিছিল আৰু ক্লিন এণ্ড ক্লিয়াৰ ব্ৰেণ্ড এম্বাচেডৰ হৈছিল। ইয়াৰ পিছত লেমোড বেঙ্গালুৰুৰ শীৰ্ষ মডেল হাণ্ট ২০১৩ চনত তেওঁ টিভিচিৰ খিতাপ পাইছিল। প্ৰতিযোগিতাত তেওঁৰ ছবি 'কিৰিক পাৰ্টি'য়ে নিৰ্মাতাক মুগ্ধ কৰিছিল, যিয়ে ২০১৪ৰ প্ৰথমৰ পিনে ছবিখনৰ মহিলা নেতৃত্ব হিচাবে অভিনয় কৰিছিল।

টাইমচ্‌ অফ ইণ্ডিয়াৰ সৈতে এটি সাক্ষাৎকাৰত তেওঁ কয়: “The makers of Kirik Party saw a picture of mine from the Clean & Clear Fresh Face of India 2012 competition — one in which I was dancing during the college round — and approached me to act in the film. So, it really got things going. I always wanted to be in films.”^৯ তাত তেওঁ চানভী জোচেফ, এগৰাকী কলেজ-যাত্ৰী আৰু কৰ্ণৰ প্ৰেমৰ প্ৰতি আগ্ৰহীৰ চৰিত্ৰত অভিনয় কৰিছিল (ৰক্ষিত চেত্তী অভিনয় কৰিছিল)।

প্ৰাৰম্ভিক জীৱন

ৰশ্মিকা মন্দান্না কৰ্ণাটকৰ কোডাগু জিলাৰ এখন চহৰৰ বিৰাজপেতত সুমন আৰু মদন মন্দান্নাৰ জেষ্ঠ্য ছোৱালী হিচাপে ১৯৯৬ চনৰ ৫ এপ্ৰিলত জন্মগ্ৰহণ কৰিছিল।^১০১১ মাইচুৰ ইনষ্টিটিউট অফ কমাৰ্চ এণ্ড আৰ্টচ্‌ত প্ৰাক্-বিশ্ববিদ্যালয়ত কোৰ্চ কৰাৰ আগত তেওঁ কোডাগুৰ কোৰ্গ পাব্লিক স্কুল (চিয়োপিএছ) -ত স্কুলিং কৰিছিল। পিছত তেওঁ ৰামাইয়া কলেজ অফ আৰ্টচ্‌, চায়েঞ্চ এণ্ড কমাৰ্চৰ পৰা মনোবিজ্ঞান, সাংবাদিকতা আৰু ইংৰাজী সাহিত্যত স্নাতক ডিগ্ৰী অৰ্জন কৰিছিল।^১১ পঢ়াশুনাৰ কৰাৰ সময়ত, তেওঁ মডেলিং অনুসৰণ কৰিছিল আৰু কেইবাটাও বিজ্ঞাপনত উপস্থিত হৈছিল।^১২

ব্যক্তিগত জীৱন

ৰশ্মিকাৰ অভিনেতা ৰক্ষিত চেত্তীৰ সৈতে ইংগেজ্‌ হয়। তেওঁলোক 'কিৰিক পাৰ্টি' প্ৰস্তুতিৰ সময়ত ডেটিং আৰম্ভ কৰে আৰু ২০১৭ চনৰ ৩ জুলাই তাৰিখে তেওঁৰ নিজ চহৰৰ বিৰাজপেতৰ এখন ব্যক্তিগত অনুষ্ঠানত ইংগেজ্‌ হয়।^১৩ যুগল পাৰস্পৰিকভাৱে সামঞ্জস্য সমস্যাৰ কথা উল্লেখ কৰি ২০১৮ চনৰ চেপ্তেম্বৰত সিহঁতে ইংগেজ্‌ বিছিন্ন কৰে।^১৪

চলচ্চিত্ৰপুঞ্জী

সংগীত ভিডিঅʼ

বঁটা আৰু মনোনয়ন