সোমলতা আচাৰ্য্য চৌধুৰী

সোমলতা আচাৰ্য্য চৌধুৰী (Somlata Acharyya Chowdhury; জন্ম: ১১ ফেব্ৰুৱাৰী ১৯৮৫) এগৰাকী ভাৰতীয় বঙালী কণ্ঠশিল্পী আৰু অধ্যাপিকা।^১ তেওঁ ২০১১ চনৰ বঙালী চলচ্চিত্ৰ ৰঞ্জনা আমি আৰ আসবনাৰ 'তুমি আসবে বলে' আৰু 'জাগৰণে যায় বিভাবৰী' শীৰ্ষক গীতদুটিৰ জৰিয়তে খ্যাতি অৰ্জন কৰিছিল।^২ তেওঁ বঙালী চলচ্চিত্ৰৰ এগৰাকী বিশিষ্ট গায়িকা। চলচ্চিত্ৰৰ উপৰিও, তেওঁ তেওঁৰ বেণ্ড সোমলতা এণ্ড দ্য এচেচৰ সৈতে কেইবাটাও একক এলবামৰ বাবেও কাম কৰে।^৩ এগৰাকী গায়িকা হোৱাৰ উপৰিও, তেওঁ কলিকতাৰ আশুতোষ মহাবিদ্যালয়ত, মনোবিজ্ঞান বিভাগৰ অতিথি প্ৰবক্তাৰূপে কৰ্মৰত আছে।

শৈশৱকাল

১৯৮৫ চনৰ ১১ ফেব্ৰুৱাৰী তাৰিখে, ভাৰতৰ পশ্চিমবংগ ৰাজ্যৰ কলিকতা চহৰত এটি পূৰ্ববঙ্গীয় জমিদাৰ পৰিয়ালত সোমলতাই জন্মগ্ৰহণ কৰে। তেওঁৰ মাকৰ পৈতৃক গৃহ বাংলাদেশৰ নোৱাখালী জিলাত আছিল। তেওঁৰ পিতৃ শ্যামল আচাৰ্য্য চৌধুৰী ময়মনসিংহৰ মুক্তাগাছাৰ আচাৰ্য্য জমিদাৰ পৰিয়ালৰ বংশধৰ।^৪ তেওঁ ন বছৰ বয়সৰ পৰাই পণ্ডিত বিৰেশ ৰায়ৰ অধীনত ভাৰতীয় ধ্ৰুপদী সংগীতৰ প্ৰশিক্ষণ লৈছিল।

ব্যক্তিগত জীৱন

তেওঁ বিদ্যা ভাৰতী গাৰ্লছ হাইস্কুলৰ পৰা স্কুলীয়া শিক্ষা গ্ৰহণ কৰিছিল। ২০১২ চনৰ ২৩ নৱেম্বৰ তাৰিখে, তেওঁ আকাশ ৰায়ৰ সৈতে বিবাহপাশত আৱদ্ধ হয়।

সংগীতপঞ্জী

একক এলবাম আৰু একক গীত

• চুপকথা (২০০৯)
• আমি আছি এৰ মাঝে (২০১৪)
• মোৰ ভাবনাৰে (২০১৬)
• আবদাৰ (একক) (২০১৭)
• ক্যা কৰুঁ সজনী (২০১৮)
• ইয়াদ পিয়া কি আয়ে (২০১৮)
• উড়ে যেতে চায় (২০১৯)
• নয়না মোৰে (২০১৯)
• প্ৰতিশ্ৰুতি (২০১৯)
• খোজে পাবে না আমাকে (২০১৯)
• ও যে মানে না মানা (২০২০)^৫
• উড়ে যেতে চায় (ৰিপ্ৰাইজ) (২০২০)
• নিশিথো ৰাতেৰ (২০২১)
• কানামাছি (২০২১)
• তোমাৰ ঘৰে বসত কৰে কয়জনা (২০২২)
• আজ যেমন কৰে গাইছে আকাশ (২০২২)
• ডায়েৰী (২০২২)

চলচ্চিত্ৰপুঞ্জী

২০০৭ চনত, ক্ৰছ অভাৰ চলচ্চিত্ৰ পাৰফেক্ট উইমেনত সোমলতাই প্ৰথমবাৰৰ বাবে নেপথ্যত গাইছিল। সকলোবোৰ গীত বঙালী ভাষাতেই আছে, অন্যথা উল্লেখ কৰা হৈছে।

পোনপটীয়া পৰিৱেশন

সোমলতাই তেওঁৰ বেণ্ড সোমলতা এণ্ড দ্য এচেছৰ সৈতে লাইভ শ্ব’ত কণ্ঠদান কৰে।^৬ সমগ্ৰ ভাৰতবৰ্ষত বিভিন্ন লাইভ কনচাৰ্টত কণ্ঠদান কৰাৰ উপৰিও তেওঁ বাংলাদেশ, আমেৰিকা যুক্তৰাষ্ট্ৰ, যুক্তৰাজ্য, কানাডা, সংযুক্ত আৰৱ আমিৰাত, হংকং, কুৱেইট আদি বহু দেশৰ সংগীতানুষ্ঠানতো গীত পৰিৱেশন কৰিছে। তেওঁলোকৰ লাইভ সংগীতক ভাৰতীয় অৰ্ধ-ধ্ৰুপদী, পপ ৰক, আধুনিক চলচ্চিত্ৰ গীত, ফ’ক ফিউজন আৰু চুফীৰ সংমিশ্ৰণ বুলি ক’ব পাৰি। বেণ্ডটো বিশেষকৈ যুৱক-যুৱতীসকলৰ মাজত জনপ্ৰিয়। এই বেণ্ডটোৱে বিদেশৰ বহু কেম্পাছ উৎসৱ, কৰ্পৰেট অনুষ্ঠান, টেলিভিছন শ্ব’, ৰাজহুৱা কনচাৰ্ট আৰু চৰকাৰী অনুষ্ঠান আদিতো সংগীত পৰিৱেশন কৰে।^৭

বৰ্তমানৰ বেণ্ড লাইন-আপটো হৈছে:

সোমলতা আচাৰ্য্য চৌধুৰী: কণ্ঠস্বৰ

অৰ্ণব ৰয়: গীটাৰ

অভিষেক ভট্টাচাৰ্য: বেছ গীটাৰ

তুষাৰ বেনাৰ্জী: ড্ৰাম আৰু পাৰ্কচন

সোমলতা এণ্ড দ্য এচেছ, বেণ্ডএজ টেলেণ্ট এজেন্সি প্ৰাইভেট লিমিটেডৰ দ্বাৰা পৰিচালিত হয়।

বঁটাসমূহ

• ইটিভি দাদা না দিদিত শ্ৰেষ্ঠ আৱিষ্কাৰ বঁটা: গানেৰ বিগ ফাইট
• ষ্টাৰ জলছা এণ্টাৰটেইনমেণ্ট এৱাৰ্ডছত আগামী দিনেৰ ষ্টাৰ বঁটা (২০১০)
• আনন্দলোক বিশেষ জুৰী বঁটা
• ইটিভি বাংলা শ্ৰেষ্ঠ নেপথ্য কণ্ঠশিল্পী (মহিলা)
• শ্ৰেষ্ঠ গায়িকাৰ টেলি চিনে বঁটা
• শ্ৰেষ্ঠ গায়িকাৰ মিৰ্চি মিউজিক এৱাৰ্ডচ বাংলা, ২০১৭
• ৰেডিঅʼ মিৰ্চি শ্ৰেষ্ঠ চলচ্চিত্ৰ "বোঝেনা সে বোঝেনা"
• ৰেডিঅʼ মিৰ্চি শ্ৰেষ্ঠ চলচ্চিত্ৰ "বিবাহ ডায়েৰীজ"
• ৰেডিঅ মিৰ্চি শ্ৰেষ্ঠ গায়িকা
• টাইমছ পাৱাৰ ৱʼমেন ২০১৮
• টাইমছ ষ্টাইল আইকন ২০১৯
• সংগীত সন্মান ২০১৯, পশ্চিম বংগ চৰকাৰ

বাহ্যিক সংযোগ

• Official website
• Youtube Channel
• Somlata Facebook Page
• Band Facebook Page