বিশাল জেঠৱা

বিশাল জেঠৱা (Vishal Jethwa; জন্ম ৬ জুলাই ১৯৯৪) এজন ভাৰতীয় অভিনেতা। তেওঁ ভাৰত কা বীৰ পুত্ৰ-মহাৰাণা প্ৰতাপত আকবৰৰ ভূমিকাত অভিনয় কৰি পৰিচিতি লাভ কৰিছিল। ধাৰাবাহিকখন চ’নি টিভিত সম্প্ৰচাৰিত হৈছিল।^১ ইয়াৰ পিছত তেওঁ মৰ্দানী২ (২০১৯) ছবিত অভিনয় কৰে। ২০২৫ চনত তেওঁ হ’মবাউণ্ড ছবিত অভিনয় কৰি বিশেষ চৰ্চা লাভ কৰে। ছবিখন ভাৰতৰ পৰা অস্কাৰলৈ আনুষ্ঠানিক ছবি হিচাপে মনোনীত হৈছিল। ^২

প্ৰাৰম্ভিক জীৱন

জেঠৱা জন্মসূত্ৰে গুজৰাটী।^৩ ১৯৯৪ চনৰ ৬ জুলাই তাৰিখে তেওঁ নৰেশ জেঠৱা আৰু প্ৰীতি জেঠৱাৰ ঘৰত জন্মলাভ কৰে।^৪ তেওঁ ঠাকুৰ বিজ্ঞান আৰু বাণিজ্য মহাবিদ্যালয়ৰপৰা স্নাতক উৰ্ত্তীণ।^৫

কেৰিয়াৰ

২০১৩ চনত ভাৰত কা বীৰ পুত্ৰ–মহাৰাণা প্ৰতাপত আকবৰৰ মুখ্য চৰিত্ৰত অভিনয় কৰি বিশালে অভিনয় জীৱন আৰম্ভ কৰে।^৬ ২০১৫ চনত তেওঁক সংকট মোচন মহাবলী হনুমান ছবিত বালীৰ চৰিত্ৰত অভিনয় কৰে।^৭ ২০১৬ চনত তেওঁ দিয়া ঔৰ বাতি হামত ছোটা পেকেটৰ চৰিত্ৰত এজন সন্ত্ৰাসবাদীৰ গুৰুত্বপূৰ্ণ ভূমিকাত অৱতৰণ কৰে।^৮ সেই বছৰতে তেওঁ পেচৱা বাজিৰাওত নাছিৰৰ চৰিত্ৰত অভিনয় কৰে। ^৯ ২০১৭ চনৰ আগষ্ট মাহত তেওঁ অভিনেতা ভৱেশ বলচন্দনীৰ ঠাইত চক্ৰধাৰী অজয় কৃষ্ণ ছবিত কৃষ্ণৰ চৰিত্ৰত অভিনয় কৰে।^১০ তেখেতে কালাৰ্ছ টিভিৰ থপকী প্যাৰ কিত প্ৰিন্সৰ চৰিত্ৰত অভিনয় কৰিছিল আৰু লাইফ অ’কেত প্ৰচাৰিত ঘটোৎকচত অভিনয় কৰিছিল।^১১

হিন্দী চলচ্চিত্ৰত অভিষেক ঘটাই জেঠাৱাই ২০১৯ চনৰ মৰ্দানী ২ ছবিত মূল এণ্টাগনিষ্ট হিচাপে অভিনয় কৰে।^১২

২০২২ চনত তেওঁ ডিজনী প্লাচ হটষ্টাৰৰ মেডিকেল থ্ৰিলাৰ ধাৰাবাহিক হিউমেনত শ্বেফালি শ্বাহ আৰু কীৰ্তি কুলহাৰীৰ সৈতে অভিনয় কৰে।^১৩১৪ সেই বছৰৰ শেষৰফালে তেওঁ ৰেৱতীৰ স্লাইচ অৱ লাইফ ড্ৰামা ছবি চালাম ভেংকিত কাজল, ৰাজীৱ খাণ্ডেলৱাল, ৰাহুল বসু, প্ৰকাশ ৰাজ আৰু আহানা কুমৰাৰ সৈতে এটি গুৰুত্বপূৰ্ণ চৰিত্ৰত অভিনয় কৰে।^১৫১৬

২০২৩ চনৰ মে’ মাহত বিদ্যুৎ জম্মাৱালৰ আই বি চেভেণ্টি ওৱানত জেঠৱাই গুৰুত্বপূৰ্ণ ভূমিকা পালন কৰে।^১৭ টাইগাৰ-৩ ত হাছান আলীৰ চৰিত্ৰত তেওঁ অভিনয় কৰিছিল।^১৮ ২০২৪ চনৰ ডিচেম্বৰ মাহত তেওঁ অবনীত কৌৰৰ সৈতে এমাজন-এমএক্স প্লেয়াৰৰ হত্যাৰ ৰহস্য ছবি পাৰ্টি টিল আই ডাইত অভিনয় কৰে।^১৯

২০২৫ চনত তেওঁ নীৰজ ঘায়ৱানৰ হ’মবাউণ্ড নামৰ বহুচৰ্চিত চলচ্চিত্ৰখনত অভিনয় কৰে। ২০২৫ চনৰ কাঁন চলচ্চিত্ৰ মহোৎসৱত এই চলচ্চিত্ৰখনৰ বিশ্ব প্ৰিমিয়াৰ হৈছিল। ^২০২১৯৮সংখ্যক একাডেমী বঁটাৰ বাবে শ্ৰেষ্ঠ আন্তঃৰাষ্ট্ৰীয় বৈশিষ্ট্যপূৰ্ণ ছবিৰ বাবে ভাৰতীয় এণ্ট্ৰি হিচাপে ছবিখন নিৰ্বাচিত হয়। .^২২২৩

চলচ্চিত্ৰপঞ্জী

চলচ্চিত্ৰ

দূৰদৰ্শন

Music videos