বাণী সৰজু ৰাও

বাণী সৰজু ৰাও এজন ভাৰতীয় কেৰিয়াৰ কূটনীতিবিদ তথা তেলংগানা ৰাজ্যৰ ৰাজধানী হাইদৰাবাদৰ ভাৰতীয় বৈদেশিক সেৱাৰ এগৰাকী বিষয়া। তেওঁ ১৯৯৪ চনৰ আই এফ এছ বেচৰ সদস্য হিচাপে বৰ্তমান ভাৰতৰ বৈদেশিক পৰিক্ৰমা মন্ত্ৰালয়ৰ অতিৰিক্ত সচিব হিচাপে কাৰ্যনিৰ্বাহ কৰি আছে। তেওঁ ২০২৩ চন চনৰ ২৭ অক্টোবৰত ইটালী, ছান মেৰিনোত ভাৰতৰ ৰাষ্ট্ৰদূত আৰু ৰোমত ৰাষ্ট্ৰসংঘৰ সত্তাসমূহৰ স্থায়ী প্ৰতিনিধি হিচাপে নিযুক্তি লাভ কৰে।^১ ২০২৪ চনৰ ৩ এপ্ৰিলত তেওঁ কাৰ্যভাৰ গ্ৰহণ কৰে^২৩ আৰু ২০২৪ চনৰ ২৩ এপ্ৰিলত ৰাষ্ট্ৰপতি চাৰ্জিঅ' মাটাৰেলাক তেওঁৰ প্ৰমাণপত্ৰ প্ৰদান কৰে।

শিক্ষা

ৰাৱে হাইদৰাবাদ বিশ্ববিদ্যালয়ত ৰাজনীতি বিজ্ঞান আৰু ছান জোছ ষ্টেট ইউনিভাৰ্চিটিত পৰিৱেশ অধ্যয়ন বিষয়ত অধ্যয়ন কৰে। হায়দৰাবাদত তেওঁৰ সমগ্ৰ শিক্ষা সমাপ্ত কৰে আৰু হায়দৰাবাদ কেন্দ্ৰীয় বিশ্ববিদ্যালয়ৰ পৰা তেওঁ ৰাজনীতি বিজ্ঞানত এম এ ডিগ্ৰী লাভ কৰে৷ তাৰ পিছত তাই উচ্চ শিক্ষাৰ বাবে আমেৰিকা যুক্তৰাষ্ট্ৰলৈ যায়৷ কেলিফৰ্ণিয়াৰ ছান জোছ ষ্টেট ইউনিভাৰ্চিটিৰ পৰা পৰিৱেশ অধ্যয়নত এম এছ সম্পূৰ্ণ কৰে।

ব্যক্তিগত জীৱন

ৰাৱে ইংৰাজী ভাষা, তেলুগু ভাষা, হিন্দী ভাষা আৰু স্পেনিছ ভাষা ক'ব পাৰে। তেওঁৰ স্বামী এজন প্ৰযুক্তি পৰামৰ্শদাতা যিয়ে ষ্টাৰ্টআপ আৰু প্ৰতিষ্ঠিত কোম্পানীসমূহক উদীয়মান প্ৰযুক্তিৰ ওপৰত পৰামৰ্শ দিয়ে। তাৰোপৰি তেওঁৰ এগৰাকী কন্যা আছে।

কেৰিয়াৰ

ৰাৱে আমেৰিকা বিভাগৰ সঞ্চালিকা, ছুইডেনত থকা ভাৰতীয় দূতাবাসৰ প্ৰথম সচিব আৰু বৈদেশিক কাৰ্যালয়ত ইউৰোপ পশ্চিমৰ বাবে আণ্ডাৰ সচিব হিচাপে কাৰ্যনিৰ্বাহ কৰিছিল। ২০১১ চনৰ পৰা ২০১৪ চনলৈকে ইজৰাইলত থকা ভাৰতীয় দূতাবাসৰ বাণিজ্যিক বিভাগৰ মুৰব্বী আৰু মিছনৰ উপ-মূৰব্বী হিচাপে কাৰ্যনিৰ্বাহ কৰিছিল। তেওঁ ২০১৭ চনৰ পৰা ২০২০ চনলৈকে ফিনলেণ্ড আৰু ইষ্ট’নিয়াত ৰাষ্ট্ৰদূত হিচাপে কাৰ্যনিৰ্বাহ কৰি^৪ ৰাষ্ট্ৰদূত হিচাপে নিযুক্তি পোৱা প্ৰথমগৰাকী তেলুগু ভাষা মহিলা হিচাপে কাৰ্যনিৰ্বাহ কৰিছিল।