পাপৰি

পাপৰি হৈছে ১৯৮৬ চনত মু্ক্তিপ্ৰাপ্ত জাহ্নু বৰুৱা পৰিচালিত এখন অসমৰ চলচ্চিত্ৰ। পাটকাই ফিল্মছৰ বেনাৰত শৈলধৰ বৰুৱা আৰু জাহ্নু বৰুৱাই প্ৰযোজনা কৰা বোলছবিখনত মুখ্য ভূমিকাত অভিনয় কৰে গোপী দেশাই, সুশীল গোস্বামী আৰু বিজু ফুকনে।^১

কাহিনী

১৯৮৩ চনৰ নিৰ্বাচন আৰু অসম আন্দোলনৰ ৰাজনৈতিক পৰিস্থিতিৰ পটভূমিত কাহিনীটো নিৰ্মিত। পাপৰি (গোপী দেশাই) এগৰাকী গাঁৱলীয়া বিবাহিতা মহিলা। শিক্ষক স্বামী বিনোদ (সুশীল গোস্বামী) আৰু ৯ বছৰীয়া জীয়েক দীপাৰ সৈতে তেওঁ থাকে। ঘৰৰ চাৰিবেৰৰ মাজত সোমাই থকা পাপৰিয়ে তাইৰ ঘৰৰ নিচেই বাহিৰতে লাহে লাহে অস্থিৰ হৈ অহা ৰাজনৈতিক পৰিৱশৰ কথা একো নাজানে। ঘটনাক্ৰমে জীয়েক দীপাৰ পেৰেলাইছিছ হৈ চিকিৎসালয়ত মৃত্যু হয় আৰু স্বামী বিনোদ এজন ৰাজনৈতিক নেতাৰ হত্যাৰ গোচৰত মিছাকৈ অভিযুক্ত হয়। ^২এজন আৰক্ষী বিষয়াই (বিজু ফুকন) প্ৰকৃত হত্যাকাৰীক ধৰা পেলায় যদিও গ্ৰেপ্তাৰ কৰিব নোৱাৰে, কিয়নো হত্যাকাৰীজনে ৰাজনৈতিক সুৰক্ষা লাভ কৰি থাকে। এনেতে পাপৰিকো ধৰ্ষণ কৰি হত্যা কৰা হয় আৰু এই গোচৰতো বিনোদেই পুনৰ অভিযুক্ত হয়। বোলছবিখনৰ শেষত কোৱা হয় যে, অৱশেষত বিনোদ সকলো অভিযোগৰপৰা মুক্ত হয় আৰু আৰক্ষী বিষয়াজনে পদোন্নতি লাভ কৰে।^১৩

অভিনয়ত

• গোপী দেশাই (চৰিত্ৰ - পাপৰি)
• সুশীল গোস্বামী (চৰিত্ৰ - বিনোদ)
• বিজু ফুকন (আৰক্ষী বিষয়া)
• চেতনা দাস^৪
• হেমেন চৌধুৰী
• আব্দুল মজিদ^২
• দুলাল ৰয়
• ৰুণজুণ
• অমূল্য কাকতী^৩

বাহ্যিক সংযোগ

• জাহ্নু বৰুৱাৰ ৱেবছাইট