কণিকাৰ ৰামধেনু

কণিকাৰ ৰামধেনু (Konikar Ramdhenu) হৈছে জাহ্নু বৰুৱাৰ দ্বাৰা পৰিচালিত এখন অসমৰ চলচ্চিত্ৰ। ২০০২ চনৰ ২০ ডিচেম্বৰত এই ছবিখন মুক্তি দিয়া হয়।^১২৩৪ ২০০২ চনৰ অক্টোবৰত দিল্লীৰ আই এফ এফ আইৰ ইণ্ডিয়ান পেনোৰোমাত^৪ আৰু ২০০৩ চনৰ মুম্বাই আন্তঃৰাষ্ট্ৰীয় উৎসৱত^১ এই চলচ্চিত্ৰ খন প্ৰদৰ্শিত কৰা হৈছিল।

কাহিনী

চলচ্চিত্ৰখনৰ কাহিনী ১১ বছৰীয়া মেধাৱী ল'ৰা কুকৈ ওপৰত কেন্দ্ৰিত। সি গাঁৱৰ ঘৰৰ পৰা পলাই গৈ এটা মটৰ গেৰেজত কাম কৰিবলৈ আৰম্ভ কৰে। এদিন মালিকে তাৰ ওপৰত অত্য্যাচাৰ চলায়। আত্মৰক্ষাৰ বাবে সি এটুকুৰা লোৰ ৰডৰ দ্বাৰা মালিকক প্ৰহাৰ কৰে। ফলত মালিকৰ থিতাতে মৃত্যু হয়। কুকৈৰ ওপৰত ইয়াৰ বিচাৰ চলে আৰু তাক অপৰাধী কিশোৰ থকা ঘৰ (juvenile home)লৈ পঠোৱা হ'ল। তাত সি মনত আঘাত পায়। তাৰ অধীক্ষক, বিশ্ব বড়োৱে তাক ফুচুলাই দণ্ডাধিকাৰী সন্মুখত ঘটনাৰ স্বীকাৰোক্তি দিয়ায়। দণ্ডাধিকাৰীয়ে কুকৈক তাৰ অভিভাৱকৰ হাতত গতাবলৈ নিৰ্দেশ দিয়ে।^১২৩৪ বিশ্ব কুকৈৰ গাঁৱলৈ যায় আৰু গম পায় যে তাৰ মাতৃৰ এবছৰ পূৰ্বে মৃত্যু হৈছে। সতীয়া দেউতাকেও (stepfather) তাৰ দায়িত্ব ল'বলৈ অস্বীকাৰ কৰে। অৱসৰপ্ৰাপ্ত বিশ্বৰ নিজৰ কোনো সন্তান নাছিলআৰু কুকৈক তুলি ল'বলৈ সিদ্ধান্ত লয়।^১৩৪

গৱেষণা

পৰিচালক জাহ্নু বৰুৱাই চলচ্চিত্ৰখন নিৰ্মাণ কৰাৰ পূৰ্বে ১২টা অপৰাধী কিশোৰ থকা ঘৰ (Juvenile Home) ভ্ৰমণ কৰে। ইয়াৰ পৰা তেওঁ গম পায় যে, ৮০% শতাংশৰো অধিক ঘটনাৰ মীমাংসা নেতিবাচক হয়।^২৪

অভিনয়ত

• বিষ্ণু খাৰঘৰীয়া
• মলয়া গোস্বামী
• দীনেশ দাস
• ৰণিক (কুকৈ)
• অভিনাশ শৰ্মা
• অশ্বিনী ভূঞা
• ইন্দ্ৰানী গগৈ
• ৰেবা ফুকন

বঁটা

• ৰাষ্ট্ৰীয় বঁটা: শ্ৰেষ্ঠ আঞ্চলিক চলচ্চিত্ৰ (২০০২)

লগতে চাওক

• পখী (চলচ্চিত্ৰ)
• সাগৰলৈ বহু দূৰ
• জাহ্নু বৰুৱা