নিহাৰিকা ৰায়জাদা

নিহাৰিকা ৰায়জাদা (ইংৰাজী ভাষা: Niharica Raizada; জন্ম: ১৮ এপ্ৰিল ১৯৯০) ^১ এগৰাকী লাক্সেমবাৰ্গীয় অভিনেত্ৰী।^{২৩৪৫৬} তেওঁ ২০১০ চনৰ ফেমিনা মিছ ইণ্ডিয়া ইউকে খিতাপ জয় কৰিছিল আৰু ২০১০ চনৰ মিছ ইণ্ডিয়া ৱৰ্ল্ডৱাইডত ৰানাৰ্ছ-আপ হৈছিল।^৭ তেওঁ প্ৰাক্তন বলিউড সংগীতজ্ঞ অ' পি নায়াৰৰ নাতিনী। তেওঁ আইবি৭১, মাচান, ৬-৫=২, দামাদল,^৮৯ টোটেল ধামাল^১০ (২০১৮) আৰু সূৰ্যবংশী (২০ ২০২১) আদি চলচ্চিত্ৰত অভিনয় কৰিছে।

প্ৰাৰম্ভিক জীৱন

নিহাৰিকা সংগীত পৰিচালক অ' পি নায়াৰৰ নাতিনী।^১১১২ ভাৰতীয় পিতৃ-মাতৃৰ সন্তান নিহাৰিকাৰ জন্ম আৰু লালন-পালন লাক্সেমবাৰ্গত হৈছিল। তেওঁৰ মাতৃভাষা ফৰাচী আৰু ইয়াৰ উপৰি তেওঁ লাক্সেমবাৰ্গীয়, জাৰ্মান, ইংৰাজী, স্পেনিছ আৰু হিন্দী ভাষা ক'ব পাৰে।^{১১৩১৪} তেওঁৰ ভগ্নী নিৰেখনা ৰায়জাদা আৰু এজন ভাতৃ অৱনীশ ৰায়জাদা আছে।^১৫১৬ অৰ্হতা অনুসৰি তেওঁ এগৰাকী চিকিৎসা বিজ্ঞানী^১৭ আৰু তেওঁ লণ্ডনৰ ইম্পেৰিয়েল কলেজত ট্ৰেন্সলেচনেল মেডিচিনত স্নাতকোত্তৰ ডিগ্ৰী লাভ কৰিছিল।^১৮ ইয়াৰ পিছত তেওঁ ফুলব্ৰাইট জলপানিৰ অধীনত জনছ হপকিন্স বিশ্ববিদ্যালয়ত (বাল্টিমোৰ) কাৰ্ডিঅ'লজীৰ গৱেষণা কৰিছিল। তেওঁ নিউয়ৰ্ক ফিল্ম একাডেমীৰপৰা অভিনয়ৰ প্ৰশিক্ষণ লৈছিল।^১ তেওঁ ভাৰতীয় শাস্ত্ৰীয় সংগীত আৰু বেলে নৃত্যৰো প্ৰশিক্ষণপ্ৰাপ্ত।^১১৩ নিহাৰিকা ২০১০ চনত মিছ ইণ্ডিয়া ইউকেৰ খিতাপ জয় কৰাৰ লগতে মিছ ইণ্ডিয়া ৱৰ্ল্ডৱাইড ২০১০-ৰ প্ৰথম ৰানাৰ্ছ-আপ আছিল।^১৪ নিহাৰিকাই ফৰাচী ভাষাত চেম্বৰ ব্ৰেণ্ডৰ বাবে এটা গান মুক্তি দিছিল। তেওঁ ২০১৩ চনৰ টাইমছ ৫০ গৰাকী মোষ্ট ডিজায়াৰেবল ৱমেনৰ তালিকাত ৪৫ নম্বৰ স্থানত আছিল আৰু ২০১৫ চনত ৪৪ নম্বৰ স্থানলৈ উন্নীত হৈছিল।^১৯

২০১৩ চনত নিহাৰিকাই বঙালী ছবি দামাদলৰ জৰিয়তে চলচ্চিত্ৰত আত্মপ্ৰকাশ কৰে।^২০ তেওঁ ২০১৬ চনত গুজৰাটী ছবি ভাৰ টু এন আৰ আই জেত অভিনয় কৰিছিল।^২১ নিহাৰিকাই ২০১৬ চনত কৃষ্ণা অভিষেকৰ সৈতে ফুল ২ জুগাডু নামৰ এখন ছবিত কাম কৰিছিল।^২২২৩

তেওঁ লাক্সেমবাৰ্গ আৰু ভাৰতৰ মাজৰ এজন সন্মানীয় সাংস্কৃতিক আৰু কলা দূত।^১৩

২০২৫ চনৰ ১৮ আগষ্টত জয়পুৰৰ জি ষ্টুডিঅ'ত অনুষ্ঠিত হোৱা মিছ ইউনিভাৰ্ছ ইণ্ডিয়া ২০২৫ ৰ গ্ৰেণ্ড ফিনালেত নিহাৰিকা ৰায়জাদাই জুৰী সদস্য হিচাপে অংশগ্ৰহণ কৰে।^২৪

চলচ্চিত্ৰপঞ্জী

চলচ্চিত্ৰ

ৱেব ছিৰিজ