ঋষব শেট্টী

প্ৰশান্ত শ্বেট্টী (Prashanth Shetty; জন্ম: ৭ জুলাই ১৯৮৩),^১ পেছাগতভাৱে ঋষব শেট্টী নামেৰে পৰিচিত৷ তেওঁ এজন ভাৰতীয় অভিনেতা, পৰিচালক আৰু চলচ্চিত্ৰ প্ৰযোজক যি প্ৰধানকৈ কানাড়া ভাষাৰ চলচ্চিত্ৰ উদ্যোগত কাম কৰে।

শ্বেট্টীয়ে টুগলাক (২০১২) নামৰ ছবিখনৰ জৰিয়তে অভিনয়ত আত্মপ্ৰকাশ কৰিছিল। ইয়াৰ পিছত তেওঁ উলিদাভাৰু কাণ্ডান্তে (২০১৪) ছবিত গুৰুত্বপূৰ্ণ ভূমিকা পালন কৰে আৰু ৰিকি (২০১৬) নামৰ ছবিখনৰ সৈতে পৰিচালনাত অভিষেক ঘটায়। তেওঁৰ পৰৱৰ্তী পৰিচালনা হৈছে কিৰিক পাৰ্টি (২০১৬) যিখনে ব্যৱসায়িকভাৱে সফলতা লাভ কৰে আৰু তেওঁক শ্ৰেষ্ঠ পৰিচালকৰ বাবে ফিল্মফেয়াৰ বঁটা, আৰু শ্ৰেষ্ঠ পৰিচালকৰ বাবে চিআইএমএ বঁটা লাভ কৰে।

তাৰ পিছত তেওঁ বেল বটম (২০১৯), গৰুড় গমনা বৃষভা বাহানা (২০২১) আৰু কান্তাৰা (২০২২) ছবিত অভিনয় কৰে৷ তেওঁৰ দ্বাৰা নিৰ্দেশিত, সহ-লিখিত আৰু অভিনীত অন্তিমখন ছবি হৈছে কান্তাৰা-এ লিজেণ্ড চেপটাৰ ওৱান যিখন ছবিয়ে ২ অক্টোবৰ ২০২৫ তাৰিখে মুক্তিলাভ কৰে৷ ছবিখন বৰ্তমান সময়ত সৰ্বকালৰ দ্বিতীয় সৰ্বাধিক উপাৰ্জনকাৰী কানাড়া ছবি,^২২০২৫ চনৰ দ্বিতীয় সৰ্বাধিক উপাৰ্জনকাৰী ভাৰতীয় ছবি,^৩ ২০২৫ চনৰ সৰ্বাধিক উপাৰ্জনকাৰী কানাড়া ছবি^৪ আৰু ইয়াৰ স্থান সৰ্বাধিক উপাৰ্জনকাৰী ভাৰতীয় ছবিৰ তালিকাভুক্ত।^৫

প্ৰাৰম্ভিক জীৱন

১৯৮৩ চনৰ ৭ জুলাইত কৰ্ণাটকৰ উডুপি জিলাৰ কুণ্ডাপুৰা তালুকৰ কেৰাড়ী গাঁৱত বুণ্ট পৰিয়ালত ঋষব শ্বেট্টীৰ জন্ম হয়।^৬৭৮৯ কুণ্ডাপুৰাত স্কুলীয়া শিক্ষা গ্ৰহণ কৰি পিছলৈ বেংগালুৰুৰ বিজয়া কলেজত যোগদান কৰি বি.কম অধ্যয়ন কৰে। বেংগালুৰুত অধ্যয়ন কৰি থাকোঁতে গৃহ চহৰত সক্ৰিয়ভাৱে যক্ষগণ নাট কৰি তেওঁ নাট্য যাত্ৰা আৰম্ভ কৰিছিল। তেওঁৰ কামৰ বাবে তেওঁক প্ৰশংসা কৰা হৈছিল আৰু এই নাটকসমূহৰ সফলতাই তেওঁক অভিনয়ক পেছা হিচাপে গ্ৰহণ কৰিবলৈ উৎসাহিত কৰিছিল।^১০

কেৰিয়াৰ

স্নাতক ডিগ্ৰী লাভ কৰাৰ পিছত শ্বেট্টীয়ে পানীৰ কেন্ বিক্ৰী, ৰিয়েল এষ্টেট বিক্ৰী, হোটেলত কাম কৰাৰ লগতে চিনেমাত চৰিত্ৰাভিনয়ৰ বাবেও চেষ্টা কৰি আছিল।^১১১২ তেনেবোৰ চাকৰি কৰি থকাৰ সময়তে তেওঁ বাংগালুৰুৰ চৰকাৰী চলচ্চিত্ৰ আৰু টিভি প্ৰতিষ্ঠানৰ পৰা চলচ্চিত্ৰ পৰিচালনাৰ ডিপ্লমা লাভ কৰে।^১৩ তেওঁ ক্লেপ বয় হিচাপে, তাৰ পিছত স্পট বয় হিচাপে, তাৰ পিছত সহকাৰী পৰিচালক হিচাপে ছবি জগতত কাম কৰিবলৈ আৰম্ভ কৰে। ইণ্ডাষ্ট্ৰীত কাম কৰি থাকোঁতে তেওঁ ৰক্ষিত শ্বেট্টীক লগ পাইছিল৷ পিছলৈ তেওঁলোকৰ বন্ধুত্ব হৈছিল।

তেওঁৰ প্ৰথম গুৰুত্বপূৰ্ণ অভিনয় আছিল টুগলাক (২০১২)।^১৪ পৱন কুমাৰৰ লুচিয়া ছবিখনত তেওঁ আৰক্ষী বিষয়াৰ সৰু চৰিত্ৰত অভিনয় কৰিছিল আৰু তাৰ পিছত ৰক্ষিত শ্বেট্টীৰ পৰিচালনাত নিৰ্মিত উলিদাভাৰু কন্দান্তেত গুৰুত্বপূৰ্ণ ভূমিকা পালন কৰিছিল। ২০১৬ চনত ৰক্ষিত শ্বেট্টী অভিনীত তেওঁৰ পৰিচালনাৰ প্ৰথম ছবি ৰিকিয়ে বক্স অফিচত মজলীয়া সঁহাৰি লাভ কৰিছিল। সেই বছৰতে তেওঁ কিৰিক পাৰ্টি পৰিচালনা কৰিছিল, যিয়ে বক্স অফিচত হিট হৈছিল। ইয়াৰ পিছত শ্বেট্টীয়ে পৰিচালনা কৰিছিল চৰকাৰী হি. প্ৰা. ছালে, কাছাৰাগোডু৷ Koduge: Ramanna Raiনামৰ ছবিখনে সমালোচকৰ প্ৰশংসা লাভ কৰা আৰু শ্ৰেষ্ঠ শিশু চলচ্চিত্ৰৰ ৰাষ্ট্ৰীয় চলচ্চিত্ৰ বঁটা লাভ কৰা ৰমন্না ৰায়।

পৰৱৰ্তী সময়ত তেওঁ বেল বটম (২০১৯) ছবিত মুখ্য অভিনেতা হিচাপে অভিষেক ঘটায় যিয়ে সমাদৰ লাভ কৰে। ইয়াৰ পিছত ঋষব শ্বেট্টীৰ মুখ্য ভূমিকা আছিল গৰুড় গমনা বৃষভা বহানা (২০২১)৷ ঋষব শ্বেট্টী আৰু ইয়াৰ পৰিচালক ৰাজ বি শ্বেট্টীৰ অভিনয়ক সমালোচকসকলে বহুলভাৱে প্ৰশংসা কৰিছিল।^১৫

ইয়াৰ পিছত তেওঁ মিছন ইম্পচিবল আৰু হৰিকথে আল্লা গিৰিকাথে (দুয়োখন ছবি ২০২২ চনত) দুখন ছবিত অভিনয় কৰে৷ প্ৰথমখন ছবি তেওঁৰ তেলেগু ছবিৰ আত্মপ্ৰকাশ। শ্বেট্টীয়ে তেওঁৰ পৰৱৰ্তী পৰিচালক কান্তাৰাৰ বাবে হোম্বলে ফিল্মছৰ সৈতে সহযোগিতা কৰে য'ত তেওঁ মুখ্য অভিনেতাও আছিল।^১৬ প্ৰথমতে ইয়াক কেৱল কানাড়া ভাষাতহে মুক্তি দিয়া হৈছিল আৰু পিছলৈ ইয়াক অন্য ভাষালৈ ডাব কৰা হৈছিল, যেতিয়া ছবিখনে সমালোচনাত্মক সফলতা লাভ কৰিছিল।^১৭ কান্তাৰা হৈছে বিশ্বৰ সৰ্বকালৰ দ্বিতীয় সৰ্বাধিক উপাৰ্জনকাৰী কানাড়া ছবি। ২০২৩ চনৰ ৫৪ সংখ্যক আই এফ এফ আইত তেওঁ আই এফ এফ আইৰ বিশেষ জুৰী বঁটা লাভ কৰে।^১৮

২০২৫ বৰ্ষত ঋষব শেট্টীৰ পৰিচালনা, অভিনয় আৰু সহ-লিখনেৰে কান্তাৰা: এ লেজেণ্ড-ছেপটাৰ ওৱান-এ মুক্তি লাভ কৰে৷ অক্টোবৰ মাহৰ ২ তাৰিখে মূল কানাড়া ভাষাৰ উপৰিও হিন্দী, তামিল, তেলেগু, আৰু মালয়ালম ভাষাত ছবিখন মুক্তি দিয়া হয়৷ ২০২২ চনত নিৰ্মিত ছবিখনৰ প্ৰিকুৱেল হিচাপে বিবেচিত হোৱা ছবিখন কম সময়ৰ ভিতৰতে কেইবাটাও অভিলেখৰ গৰাকী হয়৷ দ্বিতীয় সোমবাৰলৈকে ছবিখনে ৬৫০ কোটিৰ সীমা অতিক্ৰম কৰাৰ খবৰ ওলাইছে।^১৯ ছবিখন বৰ্তমান সময়ত সৰ্বকালৰ দ্বিতীয় সৰ্বাধিক উপাৰ্জনকাৰী কানাড়া ছবি, ২০২৫ চনৰ দ্বিতীয় সৰ্বাধিক উপাৰ্জনকাৰী ভাৰতীয় ছবি,২০২৫ চনৰ সৰ্বাধিক উপাৰ্জনকাৰী কানাড়া ছবি, আৰু ইয়াৰ স্থান সৰ্বাধিক উপাৰ্জনকাৰী ভাৰতীয় ছবিৰ তালিকাভুক্ত।

বঁটা আৰু মনোনয়ন