জেনেভিভ নাজি

জেনেভিভ নাজি (Genevieve Nnaji^১ জন্ম ৩ মে' ১৯৭৯)^২ এগৰাকী নাইজেৰিয়ান অভিনেত্ৰী, প্ৰযোজক আৰু পৰিচালক৷ ^৩৪৫ ২০০৫ চনত তেওঁ মুখ্য চৰিত্ৰত শ্ৰেষ্ঠ অভিনেত্ৰীৰ বাবে আফ্ৰিকা মুভি একাডেমী বঁটা লাভ কৰে আৰু এই বঁটা লাভ কৰা তেওঁ প্ৰথম অভিনয়-শিল্পী হিচাপে পৰিগণিত হয়।^৬৭৮ ২০১১ চনত নলীউডলৈ আগবঢ়োৱা অৱদানৰ বাবে নাইজেৰিয়া চৰকাৰে তেওঁক অৰ্ডাৰ অৱ দ্য ফেডাৰেল ৰিপাব্লিকৰ সদস্য হিচাপে সন্মানিত কৰে।^৯তেওঁৰ পৰিচালনাৰ প্ৰথম ছবি লায়নহাৰ্ট নাইজেৰিয়াৰ প্ৰথমখন নেটফ্লিক্স ছবি আৰু অস্কাৰৰ বাবে প্ৰেৰণ কৰা প্ৰথমখন নাইজেৰিয়ান ছবি। চিনেমাখনৰ বেছিভাগ সংলাপ ইংৰাজীত হোৱাৰ বাবে অযোগ্য ঘোষণা কৰা হৈছিল।^১০১১ কেইবাটাও দশক চিনেমা জগতত কটোৱাৰ পিছত ২০২০ চনত য়েছ ইণ্টাৰনেশ্যনেলৰ প্ৰকাশক আৰু মুখ্য সম্পাদকে দুখন নতুন কিতাপত কিছুসংখ্যক চেলিব্ৰিটি আৰু ব্যৱসায়িক কাৰ্যবাহীৰ সৈতে তেওঁক একেলগে প্ৰফাইল কৰিছিল।^১২

প্ৰাথমিক জীৱন

নাইজেৰিয়াৰ দক্ষিণ-পূব অঞ্চলত অৱস্থিত ইমো ৰাজ্যৰ এমবাইছেত জন্মগ্ৰহণ কৰা নাজিয়ে দক্ষিণ-পশ্চিম নাইজেৰিয়াৰ লাগোছত ডাঙৰ-দীঘল হৈছিল। আঠটা সন্তানৰ ভিতৰত চতুৰ্থগৰাকী নাজিয়ে মধ্যবিত্ত পৰিয়ালত ডাঙৰ-দীঘল হৈছিল৷ তেওঁৰ পিতৃ অভিযন্তা আৰু মাক নাৰ্চাৰী স্কুলৰ শিক্ষয়িত্ৰী আছিল।^১৩

শিক্ষা

মেথডিষ্ট গাৰ্লছ কলেজ (য়াবা, লাগোছ)ত পঢ়িছিল, তাৰ পিছত লাগোছ বিশ্ববিদ্যালয়লৈ গৈছিল, য'ত তেওঁ সৃষ্টিশীল কলাত স্নাতক ডিগ্ৰী লাভ কৰিছিল। বিশ্ববিদ্যালয়ত থকাৰ সময়তে তেওঁ নলীউডত অভিনয়ৰ চাকৰিৰ বাবে অডিচন দিবলৈ আৰম্ভ কৰে।^৮