সুপ্ৰকাশ ভূঞা

সুপ্ৰকাশ ভূঞা (Suprakash Bhuyan, জন্ম: ১৯৯০) হৈছে অসমৰ এগৰাকী প্ৰতিশ্ৰুতিসম্পন্ন তৰুণ গল্পকাৰ আৰু সাহিত্যিক।^১ ২০২৩ চনত প্ৰকাশিত তেওঁৰ দ্বিতীয়খন গল্প সংকলন কুঁচিয়ানামাৰ বাবে তেওঁ ২০২৫ বৰ্ষৰ অসমীয়া ভাষাৰ প্ৰতিষ্ঠিত সাহিত্য অকাডেমি যুৱ বঁটা লাভ কৰিবলৈ সক্ষম হয়।^২

জন্ম আৰু পৰিয়াল

সুপ্ৰকাশ ভূঞাৰ জন্ম ১৯৯০ চনত শিৱসাগৰ জিলাৰ দিখৌমুখৰ গুৱালগাঁৱত হৈছিল।^১ তেওঁৰ পিতৃ শান্তিৰাম ভূঞা আৰু মাতৃ ৰাণু ভূঞা।^১

শিক্ষা আৰু কৰ্মজীৱন

তেওঁ ইংৰাজী ভাষা সাহিত্য বিষয়ত স্নাতকোত্তৰ ডিগ্ৰী অৰ্জন কৰে।^১ বৰ্তমান তেওঁ শিৱসাগৰ জিলাৰ দিখৌমুখ উচ্চতৰ মাধ্যমিক বিদ্যালয়ত ইংৰাজী বিষয়ৰ সহকাৰী শিক্ষক (বিষয় শিক্ষক) হিচাপে কৰ্মৰত।^৩১

সাহিত্য কৃতি

সুপ্ৰকাশ ভূঞাই ছাত্ৰাৱস্থাৰপৰাই নিয়মিতভাৱে সাহিত্য চৰ্চা কৰি আহিছে। প্ৰায় ২০১০ চনৰপৰা অসমৰ আগশাৰীৰ সাহিত্য আলোচনী ক্ৰমে— গৰীয়সী, প্ৰান্তিক, সাতসৰী (আলোচনী) আৰু প্ৰকাশ (আলোচনী) আদি নিয়মিতভাৱে তেওঁৰ চুটিগল্পসমূহ প্ৰকাশ পাই আহিছে।^১ ২০০৮ চনত গৰীয়সী চন্দ্ৰপ্ৰসাদ শইকীয়া চুটিগল্প প্ৰতিযোগিতাত তেওঁৰ কাঞ্চনজংঘাৰোহণ গল্পটোৱে স্থান লাভ কৰিবলৈ সক্ষম হৈছিল।^১

তেওঁৰ গল্পসমূহত মূলতঃ অসমৰ গ্ৰাম্য তথা প্ৰান্তীয় সমাজৰ সাধাৰণ শ্ৰেণীৰ মানুহৰ জীৱন-সংগ্ৰাম, অন্ধবিশ্বাস, বানপীড়িত সমাজৰ কৰুণ ছবি আৰু মানুহৰ অন্তৰ্জীৱনৰ মনস্তাত্ত্বিক সংঘাত প্ৰতিফলিত হয়।^৪

প্ৰকাশিত গ্ৰন্থসমূহ

• ছিছিফাছৰ পৃথিৱী: সাহিত্য অকাডেমিৰ 'নৱোদয় প্ৰকল্প'ৰ অধীনত প্ৰকাশিত তেওঁৰ প্ৰথমখন গল্প সংকলন।^১
• কুঁচিয়ানামা (২০২৩): পূৰ্বায়ণ প্ৰকাশনৰদ্বাৰা প্ৰকাশিত দ্বিতীয়খন গল্প সংকলন।^১৫ ইয়াত জাঁজৰি, বীৰা, ক'লাজোন, থাউনি, মন্ত্ৰণা কক্ষত আদিকে ধৰি মুঠ ১৪টা গল্প সন্নিৱিষ্ট আছে।^৪

বঁটা আৰু সন্মান

• গৰীয়সী চন্দ্ৰপ্ৰসাদ শইকীয়া চুটিগল্প প্ৰতিযোগিতাত পুৰস্কাৰ (২০০৮)^১
• সাহিত্য অকাডেমিৰ যুৱ সাহিত্য বঁটা (২০২৫) (কুঁচিয়ানামা গল্পসংকলনৰ বাবে)^২