কুঁচিয়ানামা

কুঁচিয়ানামা হৈছে ২০২৩ চনৰ ডিচেম্বৰ মাহত প্ৰকাশিত অসমীয়া সাহিত্যিক সুপ্ৰকাশ ভূঞাৰ এখন চুটিগল্প সংকলন।^১ গ্ৰন্থখন পূৰ্বায়ণ প্ৰকাশনে প্ৰকাশ কৰা এইখন লেখকৰ দ্বিতীয়খন গল্প সংকলন।^২ এই গ্ৰন্থখনৰ বাবে তেওঁ ২০২৫ চনৰ সাহিত্য অকাডেমিৰ যুৱ সাহিত্য বঁটা লাভ কৰিবলৈ সক্ষম হয়।^৩

লেখকৰ চমু পৰিচয়

গল্পকাৰ সুপ্ৰকাশ ভূঞাৰ জন্ম ১৯৯০ চনত শিৱসাগৰ জিলাৰ দিখৌমুখৰ গুৱালগাঁৱত হৈছিল।^১ তেওঁ পেচাত দিখৌমুখ উচ্চতৰ মাধ্যমিক বিদ্যালয়ৰ ইংৰাজী ভাষা সাহিত্যৰ বিষয় শিক্ষক (সহকাৰী শিক্ষক)।^৪১ তেওঁ ২০১০ চনৰপৰা গৰীয়সী, প্ৰান্তিক, সাতসৰী (আলোচনী) আৰু প্ৰকাশ (আলোচনী) আদি অসমৰ আগশাৰীৰ সাহিত্য আলোচনীত নিয়মিতভাৱে সাহিত্য চৰ্চা কৰি আহিছে।^১ সাহিত্য অকাডেমিৰ নৱোদয় প্ৰকল্পৰ অধীনত প্ৰকাশিত ছিছিফাছৰ পৃথিৱী হৈছে তেওঁৰ প্ৰথম গল্প সংকলন।^১

পটভূমি আৰু বিষয়-বস্তু

কুঁচিয়ানামা সংকলনখনত মুঠ চৈধ্যটা গল্প সন্নিৱিষ্ট হৈছে।^৫ গ্ৰন্থখনৰ গল্পসমূহত মূলতঃ অসমৰ প্ৰান্তীয় আৰু সাধাৰণ শ্ৰেণীৰ মানুহৰ জীৱন-সংগ্ৰাম প্ৰতিফলিত হৈছে। সমাজৰ চকুৰ আঁৰত থকা নিম্নশ্ৰেণীৰ মানুহবোৰৰ সুখ-দুখ, অস্তিত্ব আৰু সংগ্ৰামক স্বীকৃতি দিয়াৰ লগতে আঞ্চলিক লোকজীৱনৰ অকৃত্ৰিম ভাব-অনুভূতিক গল্পসমূহৰ জৰিয়তে তুলি ধৰা হৈছে। স্বকীয় কথনশৈলী আৰু গল্পভাষাৰে তেখেতে সমাজ-জীৱনৰ অনেক উপেক্ষিত দিশ, সামাজিক-ৰাজনৈতিক সমস্যা আৰু মানুহৰ অন্তৰ্জীৱনৰ সংঘাতক গল্পৰ উপজীৱ্য কৰি লৈছে।^২ এই গল্পসংকলনখনত জাঁজৰি, বীৰা, ক'লাজোন, থাউনি, মন্ত্ৰণা কক্ষত আদিকে ধৰি মুঠ ১৪টা গল্প সন্নিৱিষ্ট আছে।^৫

আৰু চাওক

• অসমীয়া ভাষাত সাহিত্য অকাডেমি বঁটা লাভ কৰা সাহিত্যিকসকল