বাসু চেটাৰ্জী

বাসু চেটাৰ্জী (১০ জানুৱাৰী, ১৯৩০ - ৪ জুন, ২০২০)^১ এজন ভাৰতীয় চলচ্চিত্ৰ পৰিচালক আৰু চিত্ৰনাট্যকাৰ। চিত্ৰনিৰ্মাতা হৃষিকেশ মুখাৰ্জী আৰু বাসু ভট্টাচাৰ্যৰ দৰে বাসু চেটাৰ্জীও আছিল ১৯৭০ৰ পৰা ১৯৮০ৰ দশকৰ মধ্যম চিনেমা বা মধ্যম ৰাস্তাৰ চিনেমাৰ অগ্ৰদূত।^২ হৃষিকেশ মুখাৰ্জী আৰু বাসু ভট্টাচাৰ্যৰ চিনেমাৰ দৰে চেটাৰ্জীৰ চিনেমাসমূহো মধ্যবিত্ত পৰিয়ালৰ প্ৰেম আৰু বিবাহ সম্পৰ্কীয়।^৩১৯৮৬ চনত নিৰ্মিত এক ৰুকা হুৱা ফেইচলা আৰু ১৯৮৯ত নিৰ্মিত কমলা কী মৌত এনেধৰণৰ চিনেমা। তেওঁক উচ পাৰ, ছোটি চি বাত (১৯৭৫), চিটচোৰ(১৯৭৬) ৰজনীগন্ধা(১৯৭৪), পিয়া কা ঘৰ (১৯৭২), খট্টা মিঠা(১৯৭৮), চক্ৰব্যূহ (১৯৭৮), বাতৌ বাতৌ ম্যে (১৯৭৯), প্ৰিয়তমা (১৯৭৭), মন পচন্দ, হমাৰি বহু অল্‌কা, চৌকিন (১৯৮২)^৪ আৰু চামেলী কী চাদি (১৯৮৬) আদি ব্যৱসায়িক ভাবে সফল চিনেমাৰ বাবে জনা যায়। বাসু চেটাৰ্জী পৰিচালিত ব্যৌমকেশ বক্সি দূৰদৰ্শনৰ জনপ্ৰিয় ধাৰাবাহিক। ২০২০ চনৰ ৪ জুন তাৰিখে মুম্বাইস্থিত নিজা বাসভৱনত তেওঁৰ মৃত্যু হয়।^২৫

প্ৰাৰম্ভিক জীৱন

আজমেৰ, ৰাজস্থানত বাসু চেটাৰ্জীৰ জন্ম হৈছিল।

কৰ্মজীৱন

মুম্বাইৰপৰা প্ৰকাশিত সাপ্তাহিক ট্যেবলয়েড Blitz-ৰ ইলাচট্ৰেটৰ আৰু কাৰ্টুনিষ্ট হিচাপে বাসু চেটাৰ্জীয়ে তেওঁৰ কৰ্মজীৱন আৰম্ভ কৰিছিল। চলচ্চিত্ৰ নিৰ্মাণত কেৰিয়াৰ আৰম্ভ কৰাৰ আগতে তেওঁ Blitz-ত ১৮বছৰ কাম কৰিছিল। তেওঁ ৰাজ কাপুৰ আৰু ৱাহিদা ৰহমান অভিনীত “তিচৰি কসম” চলচ্চিত্ৰত পৰিচালক বাসু ভট্টাচাৰ্যৰ সহযোগী ৰূপে কাম কৰিছিল, যিখন চিনেমাই ১৯৬৬ চনত শ্ৰেষ্ঠ চলচ্চিত্ৰৰ ৰাষ্ট্ৰীয় চলচ্চিত্ৰ বঁটা লাভ কৰে। ১৯৬৯ চনত নিৰ্মিত “চাৰা আকাশ” বাসু চেটাৰ্জীৰ প্ৰথম চলচ্চিত্ৰ। এইখন চিনেমাৰ বাবে তেওঁ ফিল্মফেয়াৰ বঁটা লাভ কৰিছিল।^৬

মিথুন চক্ৰৱৰ্তী, অমিতাভ বচ্চন, বিনোদ মেহৰা, ৰতি অগ্নিহোত্ৰী, মুন মুন সেন, মৌচুমী চেট্টাৰ্জী, নিতু সিং, জিতেন্দ্ৰ, দেৱ আনন্দ, ধৰ্মেন্দ্ৰ, হেমা মালিনী, অনিল কাপুৰ, অমৃতা সিং আদি বহু নামী-দামী অভিনেতা-অভিনেত্ৰীয়ে তেওঁৰ ছবিত কাম কৰিছে।

হঠাৎ বৃষ্টি, হঠাৎ সেই দিন আদি বহুতো সফল বঙালী ছবিও তেওঁ নিমাৰ্ণ কৰিছে। বাসু চেটাৰ্জী ব্যোমকেশ বক্সি, ৰজনী আদিৰ দৰে জনপ্ৰিয় আৰু বহুল প্ৰচলিত দূৰদৰ্শন ধাৰাবাহিকৰো নিৰ্মাতা আৰু নিৰ্দেশক।

১৯৭৭ চনৰ দশম মস্কো ফিল্ম ফেষ্টিভেলত তেওঁ জুৰীৰ সদস্য আছিল।^৭ এচিয়ান একাডেমি অৱ ফিল্ম এণ্ড টেলিভিছনৰ ইণ্টাৰনেচনেল ফিল্ম এণ্ড টেলিভিছন ক্লাৱৰ বাসু চেটাৰ্জী এগৰাকী সদস্য।

তেওঁৰ জীয়ৰী ৰূপালী গুহও এগৰাকী চিত্ৰ পৰিচালক।

বঁটা

• ২০০৭: আইফা জীৱনজোৰা সাধনা বঁটা
• ১৯৯২: শ্ৰেষ্ঠ চলচ্চিত্ৰৰ বাবে ৰাষ্ট্ৰীয় চলচ্চিত্ৰ বঁটা( on Family Welfare) - দুৰ্গা
• ১৯৯১: শ্ৰেষ্ঠ চিত্ৰনাট্য বঁটা, ফিল্মফেয়াৰ – কমলা কী মৌত
• ১৯৮১: শ্ৰেষ্ঠ চলচ্চিত্ৰ, সমালোচকৰ বঁটা, ফিল্মফেয়াৰ – জীনা য়হা
• ১৯৭৮: শ্ৰেষ্ঠ পৰিচালকাৰ বঁটা, ফিল্মফেয়াৰ – স্বামী
• ১৯৭৭: শ্ৰেষ্ঠ চিত্ৰনাট্য বঁটা, ফিল্মফেয়াৰ, - চিটচোৰ (মনোনয়ন)
• ১৯৭৬: শ্ৰেষ্ঠ চিত্ৰনাট্য বঁটা, ফিল্মফেয়াৰ – চোটি চি বাত
• ১৯৭৫: শ্ৰেষ্ঠ চলচ্চিত্ৰ, সমালোচকৰ বঁটা, ফিল্মফেয়াৰ – ৰজনীগন্ধা
• ১৯৭২: শ্ৰেষ্ঠ চিত্ৰনাট্য বঁটা, ফিল্মফেয়াৰ – চাৰা আকাশ^৮

চলচ্চিত্ৰপঞ্জী

চিত্ৰনাট্য

প্ৰযোজক

পৰিচালক (দূৰদৰ্শনৰ ধাৰাবাহিক)

সহ পৰিচালক

মৃত্যু

বাৰ্ধক্যজনিত কাৰণত ২০২০ চনৰ ৪ জুন তাৰিখে মুম্বাইৰ নিজা বাসভৱনত তেখেতৰ মৃত্যু ঘটে।^১০