পাখী হেগড়ে

পাখী হেগড়ে (ইংৰাজী ভাষা: Pakkhi Hegde; জন্ম: ৭ জুন ১৯৭০) মুম্বাইৰ এগৰাকী ভাৰতীয় অভিনেত্ৰী, যিয়ে মূলতঃ হিন্দী ভাষা ধাৰাবাহিকৰ লগতে, ভোজপুৰী ভাষা, তুলু ভাষা মাৰাঠী ভাষা, হিন্দী ভাষা, পঞ্জাবী ভাষা আৰু তেলুগু ভাষা চলচ্চিত্ৰত অভিনয় কৰে।

কেৰিয়াৰ

পাখী হেগড়েৰ জন্ম কৰ্ণাটকৰ মাঙ্গালুৰুত এটা তুলু ভাষা ভাষী পৰিয়ালত হৈছিল। তেওঁ প্ৰথমে ডিডি নেচনেলত প্ৰচাৰিত দৈনিক ধাৰাবাহিক মেয় বনুংগী মিছ ইণ্ডিয়াত মুখ্য চৰিত্ৰত অভিনয় কৰি নিজৰ অভিনয় জীৱনৰ আৰম্ভণি কৰে।^১

পিছত তেওঁ ভোজপুৰী চলচ্চিত্ৰ জগতত প্ৰৱেশ কৰে আৰু জনপ্ৰিয় ভোজপুৰী অভিনেতা মনোজ তিৱাৰীৰ সৈতে একাধিক ছবিত অভিনয় কৰে। তেওঁ মনোজ তিৱাৰীৰ সৈতে ভায়া হামাৰ দয়াৱান, পৰমবীৰ পৰশুৰাম আৰু গংগা যমুনা সৰস্বতী আদি ছবিত অভিনয় কৰিছিল।^২

ইয়াৰ উপৰি তেওঁ ভোজপুৰী অভিনেতা পৱন সিঙৰ সৈতে প্যাৰ মোহব্বত জিন্দাবাদ আৰু দেৱৰ ভাবি আদি চলচ্চিত্ৰতো অভিনয় কৰিছিল। এই চলচ্চিত্ৰসমূহে ভোজপুৰী চলচ্চিত্ৰ জগতত তেওঁক অধিক জনপ্ৰিয়তা প্ৰদান কৰে।^৩৪

পাখী হেগড়েৰ অন্যতম জনপ্ৰিয় জুটি গঠিত হৈছিল ভোজপুৰী অভিনেতা দিনেশ লাল যাদৱ নিৰহুৱাৰ সৈতে। এই জুটিয়ে একাধিক সফল চলচ্চিত্ৰত একেলগে অভিনয় কৰি দৰ্শকৰ পৰা ব্যাপক সঁহাৰি লাভ কৰিছিল।

হেগড়েয়ে বলিউডৰ বিশিষ্ট অভিনেতা অমিতাভ বচ্চনৰ সৈতে ভোজপুৰী চলচ্চিত্ৰ গংগা দেৱীত অভিনয় কৰিছিল। এই ছবিখনত তেওঁ অমিতাভ বচ্চনৰ বোৱাৰীৰ চৰিত্ৰত অভিনয় কৰিছিল।^৫

ভোজপুৰী চলচ্চিত্ৰৰ উপৰিও তেওঁ আন কেইবাটাও ভাষাৰ ছবিত অভিনয় কৰিছে। তেওঁ মহেশ মাঞ্জৰেকাৰ আৰু সয়াজী শিণ্ডেৰ সৈতে মাৰাঠী ভাষা চলচ্চিত্ৰ সাত না গতত মুখ্য নায়িকাৰ চৰিত্ৰত অভিনয় কৰিছিল।^৬ ইয়াৰ উপৰি তেওঁ এখন তুলু ভাষা ভাষাৰ চলচ্চিত্ৰ বাংগাৰ্ডা কুৰালতো অভিনয় কৰিছে।

পৰৱৰ্তী সময়ত পাখী হেগড়েয়ে চলচ্চিত্ৰ জগতত নতুন অধ্যায় আৰম্ভ কৰে। তেওঁ চলচ্চিত্ৰ নিৰ্মাণ আৰু আৰ্থিক বিনিয়োগৰ ক্ষেত্ৰতো প্ৰৱেশ কৰে। দিৱালীৰ শুভ উপলক্ষে মুম্বাইত তেওঁ পিআৰকে ইনভেষ্টমেণ্ট (PRK Investment) নামৰ এখন চলচ্চিত্ৰ আৰু ফাইনেন্স কোম্পানী আৰম্ভ কৰে। এই কোম্পানীৰ জৰিয়তে তেওঁ চলচ্চিত্ৰ নিৰ্মাণ আৰু চলচ্চিত্ৰসমূহত আৰ্থিক সহায় আগবঢ়োৱাৰ পৰিকল্পনা কৰে। তেওঁ ভোজপুৰীৰ লগতে হিন্দী ভাষা চলচ্চিত্ৰতো নিৰ্মাণ কাৰ্যত অংশগ্ৰহণ কৰাৰ আগ্ৰহ প্ৰকাশ কৰে।

পাখী হেগড়েৰ মতে তেওঁ বিভিন্ন ভাষাৰ চলচ্চিত্ৰত কাম কৰিলেও ভোজপুৰী চলচ্চিত্ৰই তেওঁক সৰ্বাধিক পৰিচিতি প্ৰদান কৰিছে। সেইবাবে তেওঁ আগন্তুক দিনত ভোজপুৰী চলচ্চিত্ৰতো অধিক ডাঙৰ বাজেটৰ ছবি নিৰ্মাণ হোৱাটো কামনা কৰে। এক সময়ত ভোজপুৰী বক্স অফিচত তেওঁ যথেষ্ট সফলতা লাভ কৰিছিল যদিও সাম্প্ৰতিক সময়ত তেওঁক ভোজপুৰী চলচ্চিত্ৰত তুলনামূলকভাৱে কম দেখা যায়।

ব্যক্তিগত জীৱন

হেগড়েৰ আশনা হেগড়ে আৰু খুশী হেগড়ে নামৰ দুগৰাকী কন্যা সন্তান আছে আৰু তেওঁ পৰিয়ালৰ সৈতে মুম্বাইত বাস কৰে।

চলচ্চিত্ৰপঞ্জী

টেলিভিছন

বঁটা

• ৰেড এফএম টুলু ফিল্ম এৱাৰ্ড ২০১৪ – শ্ৰেষ্ঠ অভিনেত্ৰী (বাংগাৰ্ডা কুৰাল ছবিৰ বাবে)^৮
• তুলু চিনেমা উৎসৱ বঁটা ২০১৫ – শ্ৰেষ্ঠ অভিনেত্ৰী (বাংগাৰ্ডা কুৰাল ছবিৰ বাবে)