সোনালিকা প্ৰসাদ

সোনালিকা প্ৰসাদ (ইংৰাজী ভাষা: Sonalika Prasad; জন্ম: ৫ অক্টোবৰ ১৯৯২) এগৰাকী ভাৰতীয় অভিনেত্ৰী, যিয়ে মূলতঃ ভোজপুৰী আৰু হিন্দী ভাষা ভাষাৰ চলচ্চিত্ৰ আৰু টেলিভিছনত কাম কৰে। অনুষ্ঠান পৰিচালনা বা হোষ্টিঙৰ বাবে তেওঁ এগৰাকী জনাজাত ব্যক্তি। তেওঁ টেলিভিছন ধাৰাবাহিক চিআইডি, সাৱধান ইণ্ডিয়া আৰু ক্ৰাইম পেট্ৰ’ল তথা ৰাজতিলক^১ আৰু লাইলা মজনুৰ দৰে চলচ্চিত্ৰত কৰা অভিনয়ৰ বাবে পৰিচিত।^২

প্ৰাৰম্ভিক জীৱন

প্ৰসাদৰ জন্ম হৈছিল ১৯৯২ চনৰ ৫ অক্টোবৰত বিহাৰৰ পাটনাত আৰু তাতেই তেওঁ ডাঙৰ-দীঘল হৈছিল। তেওঁ পাটনাৰ চেইণ্ট কেৰেনছ স্কুল (প্ৰথমৰপৰা ষষ্ঠ শ্ৰেণীলৈ) আৰু কৃষ্ণা নিকেতন স্কুলত (সপ্তমৰপৰা দশম শ্ৰেণীলৈ) স্কুলীয়া শিক্ষা গ্ৰহণ কৰিছিল। তেওঁ পাটনা ৱিমেনছ কলেজৰপৰা হাইস্কুল, স্নাতক (ৰাজনীতি বিজ্ঞানত কলা শাখাৰ সন্মানীয় স্নাতক) আৰু গণসংযোগত স্নাতকোত্তৰ ডিগ্ৰী লাভ কৰে। তেওঁ সদায় ভাষা শিকাৰ প্ৰতি আগ্ৰহী আছিল আৰু বৰ্তমান তেওঁ হিন্দী, ইংৰাজী আৰু ভোজপুৰী ভাষা ক'ব পাৰে।

প্ৰসাদে কৈছে, "মোৰ পৰিয়ালে সদায় বিচাৰিছিল যে মই স্নাতকোত্তৰলৈকে পঢ়া-শুনা কৰোঁ, কিন্তু মোৰ সদায় ললিত কলাৰ প্ৰতি আগ্ৰহ আছিল। তথাপি মই গণসংযোগত পঢ়িছিলোঁ যদিও মই কণ্ঠ সংগীত আৰু কথক নৃত্যৰ সৈতে জড়িত কামবোৰ কৰিছিলোঁ। পঢ়া-শুনাৰ উপৰি মই কণ্ঠ সংগীত আৰু কথক নৃত্যত ৬বছৰীয়া প্ৰশিক্ষণ লৈছিলোঁ। মই নাটক কৰা, ঘোঁৰা চলোৱা, বাইক আৰু গাড়ী চলোৱা কামবোৰ কৰিছিলোঁ। কলেজীয়া দিনত মই মডেলিং কৰিছিলোঁ। কেতিয়াবা মই মোৰ গায়ন আৰু কথক প্ৰশিক্ষণৰ বাবে কলেজৰ ক্লাছো খতি কৰিছিলোঁ।"

কৰ্মজীৱন

প্ৰসাদে ২০১৫ চনৰ টেলিভিছন ধাৰাবাহিক চিআইডিৰ জৰিয়তে টেলিভিছনত আত্মপ্ৰকাশ কৰে আৰু ২০১৯ চনৰ চলচ্চিত্ৰ ৰাজতিলকৰ জৰিয়তে চলচ্চিত্ৰ জগতত খোজ পেলায়।^৩ ২০১৭ চনত তেওঁ বহুতো বাণিজ্যিক আৰু প্ৰিণ্ট বিজ্ঞাপনৰ শ্বুটিং কৰিছিল।

২০২০ চনত তেওঁ 'ঢিশুম চেনেল'ৰ বাবে 'ভোজপুৰী ইণ্ডাষ্ট্ৰী প্ৰিমিয়াৰ লীগ' (BIPL) ছিজন ৪-ৰ পোনপটীয়া সম্প্ৰচাৰত ঘোষিকা হিচাপে কাম কৰিছিল। তেওঁ এগৰাকী চেলিব্ৰিটি অংশগ্ৰহণকাৰী হিচাপে ৰোজ হই ভোজ অনুষ্ঠানটো পৰিচালনা কৰাৰ লগতে খেলত অংশ লৈছিল আৰু নৃত্য পৰিৱেশন কৰিছিল। ইয়াৰ উপৰি তেওঁ বিগ গংগা টেলিভিছন চেনেলৰ বাবে দীপাৱলী কাৰ্নিভাল আৰু চট পূজা অনুষ্ঠানতো নৃত্য পৰিৱেশন কৰিছিল। তেওঁ বি৪ইউ ভোজপুৰীৰ হোলী অনুষ্ঠানতো এক নৃত্য প্ৰদৰ্শন কৰিছিল।^৪

২০২১ চনত তেওঁ হাচী কী ৰেল চুট না যায়ে নামৰ এটা কমেডী শ্ব’ত অভিনয় কৰাৰ লগতে ঘোষিকা হিচাপেও কাম কৰে। তেওঁ লাভ গুৰু নামৰ ৱেব ছিৰিজটোত মুখ্য চৰিত্ৰত অভিনয় কৰিছিল। তেওঁ জিন্দগী ঝাণ্ড বা, ফিৰ ভী ঘমণ্ড বা নামৰ এটা অডিঅ’ সংগীত এলবাম ৰেকৰ্ড কৰিছিল। এইটো এটা ৰেপ গীত আছিল, যিটো তেওঁ নিজেই আৰু ৰাজু সিং মাহীয়ে গাইছিল। ইয়াক এটা ভোজপুৰী সংগীত কোম্পানীয়ে মুকলি কৰিছিল।^৫

দূৰদৰ্শন

অভিনীত চলচ্চিত্ৰ

সংগীত ভিডিঅ’

• জিন্দগী ঝাণ্ড বা ফিৰ ভী ঘমণ্ড বা^১৫

ৱেব ছিৰিজ

বঁটা আৰু মনোনয়ন