চুজেট জৰ্ডান

ছুজেট জৰ্ডান (Suzette Jordan, ২১ অক্টোবৰ ১৯৭৪ – ১৩ মাৰ্চ ২০১৫) আছিল কলিকতা, ভাৰতৰ এগৰাকী বিশিষ্ট নাৰী-অধিকাৰ কৰ্মী আৰু ধৰ্ষণ বিৰোধী আন্দোলনৰ অভিযানকাৰী।

২০১২ চনত দলবদ্ধ ধৰ্ষণৰ ঘটনা

২০১২ চনৰ ৬ ফেব্ৰুৱাৰীৰ সন্ধিয়া জৰ্ডানে পাৰ্ক ষ্ট্ৰীটৰ এটা নৈশ ক্লাবত প্ৰথমবাৰৰ বাবে পাঁচজন যুৱক (কাদেৰ খান, এম ডি আলী, নাছিৰ খান, ৰুমান খান আৰু সুমিত বাজাজ)ক লগ পায় যিয়ে তেওঁক ঘৰলৈ লৈ যোৱাৰ প্ৰস্তাৱ দিছিল। কিছু সময়ৰ ভিতৰতে চলন্ত গাড়ীত পাঁচজনে তেওঁক দলবদ্ধ ধৰ্ষণ কৰে আৰু পিছত কলিকতা ক্লাবৰ বিপৰীতে থকা এক্সাইড ক্ৰছিঙৰ ওচৰত পেলাই দিয়ে। পুৱা প্ৰায় ৩:৩০ বজাত তেওঁ টেক্সি এখনত উঠি বেহালাত থকা নিজৰ বাসগৃহলৈ যায়।^১

আত্মপৰিচয় উন্মোচন

সংবাদ মাধ্যম আৰু আৰক্ষীয়ে প্ৰথমতে ভুক্তভোগীৰ নামৰ তথ্য গোপনে ৰাখিছিল৷ কিন্তু চুজেট জৰ্দানে ৰাজহুৱাভাৱে নিজৰ পৰিচয় দাঙি ধৰে আৰু কয় যে তেওঁ এগৰাকী ৩৭ বছৰীয়া মহিলা আৰু তেওঁ দুটা সন্তানৰ মাতৃ৷ তেওঁ নিজৰ তথ্য ৰাজহুৱা কৰাৰ উদ্দেশ্য আছিল আনসকলকো উৎসাহিত কৰা৷^২৩

নিজৰ পৰিচয় প্ৰকাশ কৰাৰ পিছত জৰ্ডানে কয়, "যিহেতু মোৰ কোনো দোষ নাছিল, তেনেস্থলত মই কিয় মোৰ পৰিচয় লুকুৱাই ৰাখিম? মই কিয় লাজ পাম? মই নিষ্ঠুৰতাৰ বলি হৈছিলোঁ৷ মোক অত্যাচাৰ কৰা হৈছিল আৰু মোক ধৰ্ষণকৰা হৈছিল, আৰু মই যুঁজি আছোঁ আৰু মই যুঁজিম।"^৩৪তেওঁৰ মৃত্যুৰ সময়ত পাঁচজন ধৰ্ষণকাৰীৰ মাজৰ পৰা তিনিজনক কৰায়ত্ত কৰা হৈছে যদিও তেওঁলোকে অভিযোগ অস্বীকাৰ কৰিছিল৷ মূল সন্দেহযুক্ত লোককে ধৰি বাকী দুজনক গ্ৰেপ্তাৰ কৰা হোৱা নাছিল।^৫পলাতক অৱস্থাত থকা অভিযুক্তসকলৰ নাম হৈছে মহম্মদ আলী আৰু কাদেৰ খান (তেতিয়াৰ নুছৰত জাহানৰ প্ৰেমিক)৷ আনহাতে জিম্মাত থকা কেইজন হৈছে নাছিৰ খান, ৰুমান খান (ৰুমান খান ওৰফে টুছি) আৰু সুমিত বাজাজ।^৬৭

আইনী প্ৰক্ৰিয়াৰ পৰিণতি

চুজেট জৰ্দান ধৰ্ষণ কাণ্ডৰ লগত জড়িত প্ৰধান অভিযুক্তসকলৰ ভিতৰত এজন আছিল বাংলা টেলিভিছন তাৰকা নুছৰত জাহান^৮৯ (যি পিছলৈ বসিৰহাটৰ পৰা সংসদৰ সদস্য হৈছিল)ৰ তেতিয়াৰ প্ৰেমিক কাদেৰ খান। পাঁচ বছৰৰ পিছত নয়ডাৰ এক আত্মগোপনস্থলীৰ পৰা পশ্চিম বংগ আৰক্ষীয়ে খানক তুলি লৈছিল।^১০

আনকেইগৰাকী অভিযুক্ত নাছেৰ খান, ৰুমান খান আৰু সুমিত বাজাজক ২০১২ চনৰ ফেব্ৰুৱাৰী মাহত গ্ৰেপ্তাৰ কৰা হৈছিল। ২০১৫ চনৰ ১০ ডিচেম্বৰত কলিকতা চহৰৰ অধিৱেশন আদালতে পাঁচোজন অভিযুক্তক দোষী সাব্যস্ত কৰিছিল। অভিযুক্তসকলক ১২০ (বি) (অপৰাধমূলক ষড়যন্ত্ৰ), ৫০৬ (অপৰাধমূলক ভয় দেখুৱাই), ৩২৩ (স্বেচ্ছাই আঘাত কৰা), ৩৪ (সাধাৰণ উদ্দেশ্য), আৰু ৩৭৬(২)(ছ) (দলবদ্ধ ধৰ্ষণ)ৰ অধীনত দোষী সাব্যস্ত কৰা হৈছে। এনকেফেলাইটিছত আক্ৰান্ত হৈ চুজেট জৰ্দানৰ মৃত্যু হোৱাৰ পাছত জিম্মাত থকা তিনিজন অভিযুক্ত (নাছেৰ, ৰুমান আৰু সুমিত)ক ১০ বছৰৰ কাৰাদণ্ড বিহা হয়।^{১১১২১৩১৪}

এই কাণ্ডৰ চাৰি বছৰৰ পাছত ২০১৬ চনৰ ৩০ ছেপ্টেম্বৰত নয়ডাত প্ৰধান অভিযুক্ত কাদেৰ খান আৰু মহম্মদ আলীক গ্ৰেপ্তাৰ কৰি কলকাতালৈ ঘূৰাই অনা হয় আৰু আদালতত হাজিৰ কৰা হয়।^১৫১৬ ২০২০ চনৰ জুন মাহৰ মাজভাগত সুমিত বাজাজক শাস্তি শেষ হোৱাৰ ২০ মাহৰ আগতে 'ভাল আচৰণ'ৰ বাবে মুকলি কৰি দিয়া হয়৷^১৭

ব্যক্তিগত জীৱন আৰু মৃত্যু

জৰ্দানৰ দুগৰাকী জীয়েক আছিল৷ ২০১৫ চনৰ ১৩ মাৰ্চত, ৪০ বছৰ বয়সত তেওঁ মেনিংগো এনকেফেলাইছিত আক্ৰান্ত হৈ মৃত্যু হয়৷ ^২