ৰাকুল প্ৰীত সিং

ৰাকুল প্ৰীত সিং (Rakul Preet Singh) হৈছে ১৯৯০ চনৰ ১০ অক্টোৱৰত পঞ্জাবী পৰিৱাৰত জন্মগ্ৰহণ কৰা এগৰাকী ভাৰতীয় চলচ্চিত্ৰ জগতৰ অভিনেত্ৰী তথা মডেল, তেওঁ বিশেষকৈ তেলুগু আৰু তামিল চলচ্চিত্ৰত অভিনয় কৰে।^১ লগতে তেওঁ হিন্দী আৰু কন্নড় ভাষাটো অভিনয় কৰে।

জন্ম পৰিচয়

১৯৯০ চনৰ ১০ অক্টোৱৰত নতুন দিল্লীৰ পঞ্জাবী পৰিয়ালত জন্মগ্ৰহণ কৰে।^২ 'আৰ্মী পাব্লিক স্কুল'ৰ পৰা প্ৰাৰম্ভিক শিক্ষা গ্ৰহণ কৰে আৰু পিছত 'যীশুচ্‌ এণ্ড মেৰী কলেজ, ইউনিভাৰ্চিটি অৱ দিল্লী'ত গণিতশাস্ত্ৰৰ অধ্যয়ন কৰে।^৩৪ তেওঁৰ পিতৃৰ নাম ৰাজেন্দৰ সিং আৰু মাতৃৰ নাম কুলৱিন্দৰ সিং।^৫ তেওঁৰ ভাই অমন প্ৰীত সিং।^৬

কৰ্মজীৱন

আত্মপ্ৰকাশ (২০০৯–২০১৪)

সিং, যিয়ে কৈছিল যে তেওঁ সদায় অভিনেত্ৰী হোৱাৰ সপোন দেখিছিল, কলেজীয়া ছাত্ৰী অৱস্থাত তেওঁ যেতিয়া মডেলিং কৰিবলৈ লয় তেতিয়া তেওঁৰ বয়স আছিল ১৮ বছৰ।^৭ ২০০৯ চনত তেওঁ ছেলভাৰাঘাভানৰ 7G ৰেইনবো কলোনিৰ ৰিমেক কন্নড় ছবি গিল্লিৰ যোগেদি অভিনয়ৰ আত্মপ্ৰকাশ কৰিছিল।^৮ তেওঁ কৈছিল যে তেওঁ "অলপ অতিৰিক্ত পকেট ৰখাৰ লক্ষ্যৰে" চিনেমাখনত স্বাক্ষৰ কৰিছিল আৰু তেওঁ "দক্ষিণ ভাৰতীয় চিনেমা কিমান ডাঙৰ" আছিল সেই বিষয়ে অজ্ঞাত আছিল।^৮ ডিগ্ৰী সম্পূৰ্ণ কৰি লৈ ঘূৰি অহাৰ আগতে চিনেমাখনত তেওঁৰ অভিনয়ৰ ভূমিকাৰ বাবে সমালোচনাৰ প্ৰশংসা লাভ কৰিছিল আৰু ২০১১ চনৰ ফেমিনা মিছ ইণ্ডিয়া প্ৰতিযোগিতাত প্ৰতিদ্বন্দ্বিতা কৰিছিল।^৯ পিপ'লচ চইচ মিছ ইণ্ডিয়াটাইমছৰ উপৰিও, তেওঁ পাণ্টানছ ফেমিনা মিছ ফ্ৰেছ ফেচ, ফেমিনা মিছ টেলেণ্টেড, ফেমিনা মিছ বিউটিফুল স্মাইল আৰু ফেমিনা মিছ বিউটিফুল আইছকে ধৰি প্ৰতিদ্বন্দ্বিতাত চাৰিটা খিতাপ লাভ কৰিছিল।^১০

তেওঁ ২০১১ চনত চলচ্চিত্ৰ জগতলৈ উভতি আহিছিল, তেলুগু আৰু মালয়ালম দুয়োটা ভাষাতে মুক্তি দিয়া সিদ্ধাৰ্থ ৰাজকুমাৰৰ বিপৰীতে কেৰাটামত উপস্থিত হৈছিল, যদিও সমালোচনাই উল্লেখ কৰিছিল যে, “তেওঁ স্ক্ৰীণৰ বাবে অতি কম সময় পাইছিল।”^১১ চিনেমাখন একেটা কাষ্টকে ৰাখি পুনৰ বেলেগ পৰিচালকৰ পৰিচালনাত "ইউভান" নাম দি তামিল ভাষাত নিৰ্মাণ কৰা হৈছিল।^১২ ২০১২ চনত তেওঁ তামিল ছবি থাদিয়াৰা ঠাক্কাত এক সহ-অভিনেত্ৰীৰ ভূমিকাত অভিনয় কৰিছিল।^১৩

২০১৩ চনৰ জানুৱাৰীত তেওঁ পুটাগাম নামৰ এখন তামিল ছবিত উপস্থিত হয়। ২০১৩ চনৰ নৱেম্বৰত তেওঁক তেলুগুৰ ভেঙ্কটদাৰী এক্সপ্ৰেছতো দেখা গৈছিল,^১৪১৫ যিখন ছবি পৰৱৰ্তী সময়ত বাণিজ্যিকভাৱে সফলতা লাভ কৰিছিল আৰু ৬১তম ফিল্মফয়াৰ এৱাৰ্ড দক্ষিণৰ বাবে তেওঁ প্ৰথম শ্ৰেষ্ঠ অভিনেত্ৰীলৈ মনোনীত হয়।^১৬ ২০১৪ চনত তেওঁ দিব্য কুমাৰৰ পৰিচালনাত বলীউডত প্ৰথম য়াৰিয়ানৰ যোগেদি খোজ পেলাইছিল,^১৭ যাৰ পিছত তেওঁৰ তৃতীয় তামিল ছবি য়েন্নামো য়েধো মুক্তি লাভ কৰিছিল। ২০১৪ চনৰ মাজভাগলৈ তেওঁ একেলগে তিনিখন তেলুগু চিনেমাত কাম কৰি আছিল,^১৮ যিবোৰ পৰিচালনা কৰিছিল ক্ৰমে- শ্ৰীৱাস,^১৯ জি নাগেস্বৰ ৰেড্ডী^২০ আৰু গোপিচাণ্ড মালিনেনী। শ্ৰীৱাসৰ ল'ক্যম আৰু জি নাগশ্বৰ ৰেড্ডীৰ কাৰেণ্ট থেগা আছিল তেওঁৰ পৰৱৰ্তী মুক্তি ছবি। তেওঁ দুয়োখন চিনেমাতে তেওঁৰ প্ৰদৰ্শনৰ বাবে ইতিবাচক প্ৰশংসা লাভ কৰিছিল,^২১২২ লগতে 123telugu.comয়ে তেওঁক, "slowly becoming a star actress" বুলি কৈছিল।^২৩ ৬২তম ফিল্মফয়াৰ এৱাৰ্ড দক্ষিণত তেওঁ দ্বিতীয় শ্ৰেষ্ঠ অভিনেত্ৰী মনোনয়ন লাভ কৰিছিল। তেওঁৰ পৰৱৰ্তী মুক্তিপ্ৰাপ্ত ছবি আছিল গোপিচাণ্ড মালিনেনী দ্বাৰা পৰিচালনা ছবি পাণ্ডাগা চেকো য'ত তেওঁ ৰাম পথিনেনিৰ বিপৰীতে অভিনয় কৰিছিল।

ৰাজহুৱা স্বীকৃতি আৰু সফলতা (২০১৫-বৰ্তমান)

তাৰ পিছত সিঙে “হাফ এ ডজন” (half-a-dozen) -ত মহিলা নেতৃত্ব হিচাপে নিৰ্বাচিত হৈছিল, যাৰ চাৰিখন উচ্চ প্ৰফাইল তেলুগু ছবি হৈছে: ৰবি তেজাৰ বিপৰীতে সুৰেন্দৰ ৰেড্ডীৰ কিক ২,^২৪ ৰাম চৰণ তেজাৰ বিপৰীতে শ্ৰীনু বৈতলাৰ ব্ৰুচ লী,^২৫ সুকুমাৰৰ নান্নাকু প্ৰেমাথোঁ জুনিয়ৰ এন টি আৰৰ বিপৰীতে^২৬ আৰু বয়াপতি শ্ৰীনুৰ সাৰ্ৰাইনাডু আল্লু অৰ্জুনৰ বিপৰীতে।^২৭ তেওঁ তেওঁৰ ছবি নান্নাকু প্ৰেমাথোঁৰ বাবে যথেষ্ট প্ৰশংসা লাভ কৰিছিল কিয়নো তেওঁ এই চিনেমাখনত প্ৰথমবাৰ নিজৰ বাবে নাম দিছিল^২৮ আৰু তেওঁৰ প্ৰথম সৰ্বশ্ৰেষ্ঠ অভিনেত্ৰী বঁটা “জিঅ’ চিমা ২০১৭” (Jio SIIMA 2017) লাভ কৰে। ২০১৬ চনৰ জানুৱাৰী মাহত তেওঁ বেল্লামকোণ্ডা শ্ৰীনিভাজৰ বিপৰীতে বয়াপতি শ্ৰীনুৰ পৰিচালনাত জয় জানকী নায়ক ছবিত স্বাক্ষৰ কৰে যাৰ বাবে তেওঁ টকা আদায় কৰিছিল।^২৯ ২০১৬ চনৰ ফ্ৰেব্ৰুৱাৰী মাহত তেওঁ সুৰেন্দৰ ৰেড্ডীৰ ছবি ধ্ৰুৱত দ্বিতীয়বাৰ ৰাম চৰণ তেজাৰ বিপৰীতে অভিনয় কৰে।^৩০

ফিল্ম’গ্ৰাফী

বঁটা আৰু মনোনয়ন

বাহ্যিক সংযোগ

• Rakul Preet Singh on Bollywood Hungama