ৰাম চৰণ তেজা

ৰাম চৰণ তেজা (Ram Charan Teja; জন্ম: ২৭ মাৰ্চ ১৯৮৫) এগৰাকী ভাৰতীয় চলচ্চিত্ৰ অভিনেতা, নিৰ্মাতা আৰু উদ্যোক্তা। তেওঁ মূলতঃ তেলুগু ভাষাৰ চলচ্চিত্ৰত কাম কৰে। তেওঁ তেলুগু চলচ্চিত্ৰৰ খুব জনপ্ৰিয় অভিনেতা।^১ ৰাম চৰণে তেওঁৰ অভিনয় জীৱনত বহুতো সন্মান ও বঁটা লাভ কৰিবলৈ সক্ষম হয়, তাৰ ভিতৰত- 'ফিল্মফেয়াৰ বঁটা' (৩টা), নন্দী বঁটা (২টা), চিনেমা বঁটা (২টা), চেণ্ট’চাম বেষ্ট এক্ট’ৰ এৱাৰ্ড (২টা) আদি। তেওঁ অভিনেতা চিৰঞ্জীৱী আৰু সুৰেখাৰ পুত্ৰ।

২০০৭ চনৰ ২৮ চেপ্তেম্বৰত মুক্তিলাভ কৰা 'চিৰুথা' চলচ্চিত্ৰৰ জৰিয়তে অভিনয় জগতত কৰ্মজীৱনৰ পাতনি মেলা ৰাম চৰণে সেইখন চলচ্চিত্ৰৰ জৰিয়তে 'ফিল্মফেয়াৰ বঁটা' লাভ কৰিবলৈ সক্ষম হয়।

এচ.এচ. ৰাজমৌলিৰ কাল্পনিক এক্সন ছবি অভিনেত্ৰী কাজল আগৰৱালৰ সৈতে কৰা 'মাগাধীৰা' (২০০৯) যিখন আছিল সফল তথা সৰ্বোচ্চ উপাৰ্জনকাৰী চলচ্চিত্ৰ।

চৰণে টলিউডৰ শীৰ্ষস্থানৰ অভিনেতা হিচাপে নিজকে প্ৰতিষ্ঠিত কৰে। তেওঁৰ বাণিজ্যিকভাৱে সফল ছবিসমূহ যেনে- 'ৰচা' (২০১২), 'নায়ক' (২০১৩), 'য়েভাডু' (২০১৪), 'ধ্ৰুৱ' (২০১৬) আৰু 'ৰাঙ্গাস্থালাম' (২০১৮), যিবোৰে তেওঁৰ মুক্তি পোৱা সৰ্বাধিক উপাৰ্জনমূলক ছবি হিচাপে স্থান পাইছে। ২০১৮ চনৰ ৩০ মাৰ্চত মুক্তি লাভ কৰা 'ৰাঙ্গাস্থালাম' চলচ্চিত্ৰখনৰ বাবে তেওঁ দ্বিতীয়বাৰ 'ফিল্মফেয়াৰ বঁটা' লাভ কৰিবলৈ সক্ষম হয়।

২০১৬ চনত, চৰণে তেওঁৰ নিজস্ব প্ৰডাকচন হাউচ প্ৰতিষ্ঠা কৰে, 'কোনিদেলা প্ৰডাকচন কোম্পানী', যাৰ সহায়ত তেওঁ চলচ্চিতসমূহ প্ৰযোজনা কৰে।^২ চলচ্চিত্ৰ কেৰিয়াৰৰ বাহিৰেও তেওঁ প’ল’ টীমৰ মালিক ৰাম চৰণ হায়দ্ৰাবাদ প’ল’ ৰাইডিং ক্লাব।^৩

ব্যক্তিগত জীৱন

১৯৮৫ চনৰ ২৭ মাৰ্চ তাৰিখে জন্মগ্ৰহণ কৰা ৰাম চৰণ মাদ্ৰাজৰ (বৰ্তমানৰ চেন্নাই) তেলুগু চলচ্চিত্ৰ অভিনেতা চিৰঞ্জিৱী আৰু তেওঁৰ স্ত্ৰী সুৰেখাৰ পুত্ৰ। তেওঁৰ দুগৰাকী ভনী। তেওঁ আল্লু ৰমা লিঙ্গাইয়াৰ নাতি আৰু নাগেন্দ্ৰ বাবু, পবন কল্যাণ, আৰু আল্লু অৰবিন্দৰ ভাগিন।

ফিল্ম’গ্ৰাফী

এগৰাকী মুখ্য অভিনেতা হিচাপে

গেষ্ট এপিয়াৰেঞ্চ আৰু নিৰ্মাতা

বঁটা আৰু মনোনয়ন