ইণ্ডিয়া টুডে

ইণ্ডিয়া টুডে (India Today) হৈছে লিভিং মিডিয়া ইণ্ডিয়া লিমিটেডৰ দ্বাৰা প্ৰকাশিত এখন সাপ্তাহিক ভাৰতীয় ইংৰাজী ভাষা ভাষাৰ বাতৰি আলোচনী।^১ ই ভাৰতৰ অন্যতম সৰ্বাধিক পঠিত আলোচনী, যাৰ প্ৰচলন প্ৰায় ১৬ লাখ আৰু পাঠকৰ সংখ্যা প্ৰায় ৮০ লাখ।^২ ২০১৪ চনত, ইণ্ডিয়া টুডে গোটে অনলাইন মতামতমুখী ৱেবছাইট ‘ডেইলিয়’ আৰম্ভ কৰে।^৩

ইতিহাস

ইণ্ডিয়া টুডে প্ৰতিষ্ঠা কৰিছিল ১৯৭৫ চনত বিদ্যা বিলাস পুৰীয়ে, যিয়ে থম্পছন প্ৰেছৰ মালিক আছিল। প্ৰথম সম্পাদক আছিল তেওঁৰ কন্যা মধু ট্ৰেহান, আৰু প্ৰকাশক আছিল তেওঁৰ পুত্ৰ অৰুণ পুৰী।^৪

বৰ্তমানে ইণ্ডিয়া টুডে হিন্দী ভাষা, তামিল ভাষা, তেলুগু ভাষা আৰু মালয়ালম ভাষা ভাষাতো প্ৰকাশিত হয়। ইণ্ডিয়া টুডে নিউজ চেনেলটো ২০১৫ চনৰ ২২ মে’ত আৰম্ভ কৰা হয়।^৫

২০১৭ চনৰ অক্টোবৰ মাহত, অৰুণ পুৰীয়ে ইণ্ডিয়া টুডে গোটৰ নিয়ন্ত্ৰণ তেওঁৰ কন্যা কেলি পুৰীৰ হাতত অৰ্পণ কৰে।^৬

২০২৪ চনৰ ২৫ মাৰ্চত, গালফ নিউজে ঘোষণা কৰে যে তেওঁলোকে ইণ্ডিয়া টুডে আলোচনী মধ্যপ্ৰাচ্যত বিতৰণ কৰিব, যাতে সংযুক্ত আৰৱ আমিৰাত-ত বসবাস কৰা ভাৰতীয়সকলৰ মাজত আলোচনীৰ প্ৰচাৰ অধিক বিস্তাৰ লাভ কৰে।^৭