আয়েশা খান (ভাৰতীয় অভিনেত্ৰী)

আয়েশা খান (Ayesha Khan; জন্ম: ১৩ ছেপ্টেম্বৰ ২০০২) এগৰাকী ভাৰতীয় অভিনেত্ৰী। তেওঁ প্ৰধানকৈ তেলুগু চলচ্চিত্ৰ আৰু হিন্দী টেলিভিছনত কাম কৰে। তেওঁ বিগ বছ ছিজন ১৭-ত অভিনয় কৰাৰ বাবে সুপৰিচিত।^১২৩ বালবীৰ ৰিটাৰ্নছ (২০১৯) নামৰ টিভি ধাৰাবাহিকখনত অভিনয়েৰে তেওঁ টেলিভিছন জগতত আত্মপ্ৰকাশ কৰে। পিছলৈ আয়েশাই তেলুগু ভাষাৰ চলচ্চিত্ৰ মুখাচিত্ৰম (২০২২)ত অভিনয়েৰে চলচ্চিত্ৰত অভিষেক ঘটায় আৰু পৰৱৰ্তীকালত ওম ভীম বুছ নামৰ আন এখন ছবিত অভিনয় কৰে।^৪৫

প্ৰাৰম্ভিক জীৱন

২০০২ চনৰ ১৩ ছেপ্টেম্বৰ তাৰিখে মুম্বাইত আয়েশাৰ জন্ম হৈছিল। তেওঁৰ পিতৃ শ্বাহাব খানৰ জন্ম হৈছিল বিহাৰৰ পাকৰিবাৰৱন নগৰত আৰু পিছত তেওঁ মুম্বাইত বসতি স্থাপন কৰিছিল। তেওঁৰ ভাতৃ শ্বাহবাজ খান ভাৰতীয় নৌসেনাৰ এগৰাকী বিষয়া।^৬৭৮

কৰ্মজীৱন

২০২০ চনত, একতা কাপুৰৰ টিভি ধাৰাবাহিক কচৌটি জিন্দেগী কেত কনিষ্ঠ শিল্পী হিচাপে অভিনয়েৰে টেলিভিছন জগতত অভিষেক ঘটাই আয়েশাই নিজৰ কৰ্মজীৱনৰ আৰম্ভণি কৰিছিল।^৯ ২০২০ চনত, টেলিভিছন শ্বʼ বালবীৰ ৰিটাৰ্নছত, তেওঁক বীৰ্বাৰ চৰিত্ৰত দেখা গৈছিল।^১০১১

অভিনয় জগতত অভিষেক ঘটাৰ পিছত ২০২৩ চনত, আয়েশা বিগ বছৰ ১৭তম ছিজনৰ এগৰাকী প্ৰতিযোগী আছিল। শ্ব’টোত অংশগ্ৰহণ কৰাৰ পিছত তেওঁ উল্লেখযোগ্য স্বীকৃতি লাভ কৰে।^১২১৩

তেলুগু ছবি গেংছ অৱ গোদাৱৰীৰ মোথা গীতৰ মিউজিক ভিডিঅʼতো তেওঁ অতিথি চৰিত্ৰত অভিনয় কৰিছিল।^১৪১৫

গোপীচন্দ মালিনিনীৰ দ্বাৰা পৰিচালিত আৰু ছানী দেউল অভিনীত, বলীউডৰ ছবি জাটত তেওঁ এগৰাকী কনিষ্টবলৰ চৰিত্ৰত অভিনয় কৰে।^১৬ ২০২৪ চনৰ ২০ অক্টোবৰ তাৰিখে ছবিখনৰ ফাৰ্ষ্ট লুক পোষ্টাৰখন প্ৰকাশ পাইছিল।^১৭১৮

চলচ্চিত্ৰপুঞ্জী

চলচ্চিত্ৰ

টেলিভিছন