শকুন্তলা আৰু শঙ্কৰ জোচেফ আলি

শকুন্তলা আৰু শঙ্কৰ জোচেফ আলি (Sakuntala Aru Sankar Joseph Ali) ১৯৮৪ চনত মুক্তিপ্ৰাপ্ত এখন অসমীয়া চলচ্চিত্ৰ। এই চলচ্চিত্ৰ খন নিপ বৰুৱাই পৰিচালনা কৰিছিল। মুল ভূমিকাত আছিল নিপন গোস্বামী আৰু মৃদুলা বৰুৱা।^১

কাহিনীৰ সাৰাংশ

শকুন্তলাই এক পৰিস্থিতিত পৰি নিজৰ পুত্ৰ সন্তানৰ সৈতে ঘৰ এৰি গুচি আহিবলগীয়া হয়। অট' চালক শঙ্কৰ যোচেফ আলিয়ে শকুন্তলাক ভনী হিচাপে আশ্ৰয় প্ৰদান কৰে। শঙ্কৰ নিজেই যিহেতু এগৰাকী মাউৰা গতিকে শকুন্তলাৰ সমস্যাসমূহ ভালদৰেই উপলব্ধি কৰিছিল। শঙ্কৰে তেওঁৰ সতীৰ্থ অট'চালক সকলৰ সহায়ত শকুন্তলাৰ সন্তানটিক প্ৰতিপাল কৰা আৰম্ভ কৰে।^১

অভিনয় শিল্পীসকল

• মৃদুলা বৰুৱা (শকুন্তলা)
• নিপন গোস্বামী (শঙ্কৰ জোচেফ আলি)
• তপন দাস (অকন)
• আব্দুল মজিদ
• অমলা কাকতি
• বীণা দাস মান্না
• জয়ন্ত দাস(এটি সৰু চৰিত্ৰত)^১

সংগীত

ছবিখনৰ সংগীত পৰিচালনা কৰিছিল ৰমেন বৰুৱাই আৰু গীতৰ কথা আছিল কেশৱ মহন্তৰ।^২১