মঞ্জু ভাৰত ৰাম

মঞ্জু ভাৰত ৰাম ( Manju Bharat Ram; জন্ম: ২৯ ডিচেম্বৰ ১৯৪৫ - মৃত্যু: ১২ ডিচেম্বৰ ২০১২ ) হৈছে এগৰাকী শিক্ষাবিদ,। তেওঁ নতুন দিল্লীৰ দ্য শ্ৰী ৰাম স্কুলৰ প্ৰতিষ্ঠাপক, পৰিচালনা সমিতিৰ অধ্যক্ষ আৰু বোৰ্ড অৱ ট্ৰাষ্টীৰ সদস্য আছিল। ২০০৮,^১ ২০০৯ ^২ আৰু ২০১১ চনত এডুকেচন ৱৰ্ল্ডছ স্কুলছৰ সমীক্ষাৰ দ্বাৰা ভাৰতৰ ১ নং দিনৰ বিদ্যালয় হিচাপে স্থান লাভ কৰে।^৩

এগৰাকী সুপৰিচিত ব্যৱসায়ী আৰু বৰ্তমান এছ আৰ এফ লিমিটেডৰ অধ্যক্ষ অৰুণ ভাৰত ৰামৰ পত্নী আছিল। মধ্যবিত্ত পৰিয়ালৰ পৰা অহা তেওঁৰ পিতৃ এম.পি. গুপ্তা এগৰাকী উদ্যোগী হোৱাৰ বিপৰীতে মাতৃ উষা গুপ্তাৰ নামেৰেই বৰ্তমান বিখ্যাত এফএমচিজি ব্ৰেণ্ড উষা নামকৰণ কৰা হৈছিল।

শিক্ষাৰ ক্ষেত্ৰত বহুতো দানশীল কাৰ্য্যকলাপৰ সৈতে সক্ৰিয়ভাৱে জড়িত হৈ থকা মঞ্জুয়ে দ্য শ্ৰী ৰাম স্কুলৰ জৰিয়তে বিশেষভাৱে সক্ষম শিশুৰ বাবে ১০ শতাংশ আসন ৰাখি অন্তৰ্ভুক্তিৰ ওপৰত অতিশয় গুৰুত্ব আৰোপ কৰিছিল। এই শিশুসকলক তেওঁলোকৰ অক্ষমতা দূৰ কৰাত সহায় কৰিবলৈ বিশেষজ্ঞ শিক্ষক নিয়োগ কৰাটোও তাই নিশ্চিত কৰিছিল আৰু পিছলৈ ল’ৰা-ছোৱালীবোৰক পৰৱৰ্তী সময়ত নিয়মীয়া শ্ৰেণীত মূলসুঁতিলৈ অনাটোও তেওঁ নিশ্চিত কৰিছিল। বিদ্যালয়খনে ছিংগাপুৰৰ বহু আন্তঃৰাষ্ট্ৰীয় সংশ্লিষ্ট বিদ্যালয়ৰ সৈতে সহযোগিতা কৰে। আমেৰিকা যুক্তৰাষ্ট্ৰ, চীন, জাৰ্মানী আৰু ফ্ৰান্সে আন্তঃৰাষ্ট্ৰীয় পৰ্যায়ত অনুসৰণ কৰা উত্তম পদ্ধতিসমূহ শিকিবলৈ। ২০১৩ চনত ভাৰত চৰকাৰে পদ্মশ্ৰী প্ৰদান কৰে।^৪

কৰ্মজীৱন

তেওঁ অধ্যক্ষ আছিল – এছ আৰ এফ বিদ্যালয়, মানালী, চেন্নাই আৰু মানালী আৰু তিৰুৱল্লুৰৰ আশে-পাশে থকা গাঁওসমূহক সেৱা আগবঢ়াবলৈ এই বিদ্যালয়খন স্থাপন কৰাত সহায় কৰিছিল। ১৯৯১ চনৰ পৰা বিদ্যালয়খনে ৩ৰ পৰা ১৪ বছৰ বয়সৰ শিশুসকলক গুণগত শিক্ষা প্ৰদানৰ বাবে নিজকে উৎসৰ্গা কৰি আহিছে।

১৯৬৮ চনৰ পৰা ব্লাইণ্ড ৰিলিফ এছ’চিয়েশ্যনৰ ট্ৰাষ্টী আৰু সন্মানীয় সাধাৰণ সম্পাদিকা হিচাপে কাৰ্যনিৰ্বাহ কৰি অহা মঞ্জু য়ে ৩০০ জন দৃষ্টিহীন ল’ৰাৰ বাবে এখন বিদ্যালয়, কাৰিকৰী প্ৰশিক্ষণ কেন্দ্ৰ, অন্ধসকলৰ বাবে স্নাতকোত্তৰ শিক্ষক প্ৰশিক্ষণ প্ৰতিষ্ঠান, কম্পিউটাৰ কেন্দ্ৰ আৰু আশ্ৰয়প্ৰাপ্ত কৰ্মশালা আছে।

প্ৰাপ্ত বঁটা

• বিশেষকৈ শিক্ষা আৰু সামাজিক দায়বদ্ধতাৰ ক্ষেত্ৰত নিৰন্তৰ অৱদানৰ বাবে ৰাষ্ট্ৰপতিৰ বঁটা ২০০৩ চনত কনফেডাৰেচন অৱ ইণ্ডিয়ান ইণ্ডাষ্ট্ৰীৰ পৰা লাভ কৰা হয়।
• ২০০৪ চনৰ ‘আদৰ্শ নেতৃত্ব’ৰ স্বীকৃতি স্বৰূপে FLO (FICCI LADIES ORGANISATION) বঁটা।
• ICONGO – ইণ্ডিয়ান কনফেডাৰেচন অৱ এন জি অ’ৰ দ্বাৰা কৰমবীৰ পুৰস্কাৰ বঁটা।
• সামাজিক কামৰ ক্ষেত্ৰত তেওঁৰ অৱদানৰ বাবে ২০১৩ চনত মৰণোত্তৰভাৱে পদ্মশ্ৰী প্ৰদান কৰা হয়।^৫