বালকৃষ্ণ দোশী

বালকৃষ্ণ বিঠালদাস দোশী (জন্ম: ২৬ আগষ্ট, ১৯২৭) এজন ভাৰতীয় স্থাপত্যবিদ।^১ তেওঁক দক্ষিণ এছিয়াৰ স্থাপত্যশৈলী বাবে বিশেষভাৱে জনা যায়। ভাৰতীয় স্থাপত্যশৈলীৰ বিৱৰ্তনত তেওঁ উল্লেখযোগ্য অৱদান আগবঢ়াইছে।^২ তেওঁৰ উল্লেখযোগ্য সৃষ্টিসমূহৰ ভিতৰত হ'ল, ভাৰতীয় ব্যৱস্থাপনা প্ৰতিষ্ঠান, বেংগালুৰু আৰু ইন্দোৰৰ কম খৰচী গৃহ উন্নয়ন যাৰ বাবে তেওঁ আগা খান স্থাপত্যবিদ্যা বঁটা লাভ কৰিছিল।^৩ ২০১৮ চনত তেওঁ স্থাপত্যবিদ্যাৰ সৰ্বোচ্চ সন্মান প্ৰিট্‌জকাৰ বঁটা লাভ কৰে। এই বঁটা লাভ কৰা তেওঁ প্ৰথম ভাৰতীয় নাগৰিক।^৪

প্ৰাৰম্ভিক জীৱন

১৯২৭ চনৰ ২৬ আগষ্টত মহাৰাষ্ট্ৰৰ পুনে চহৰত বালকৃষ্ণ দোশীৰ জন্ম হয়। তেওঁৰ পিতৃৰ নাম বিঠালদাস দোশী।^৫ তাৰপিছত তেওঁ মুম্বাইৰ জে. জে. স্কুল অফ আৰ্কিটেক্সাৰত স্থাপত্যবিদ্যাৰ শিক্ষা গ্ৰহণ কৰে।

উল্লেখযোগ্য স্থাপত্য

• ১৯৭৯-৮০ সংঘঠ, বি.ভি. দোশী কাৰ্যালয়, আহমেদাবাদ
• ১৯৭২ পৰিৱেশ আৰু যোজনা প্ৰযুক্তি প্ৰতিষ্ঠান, আহমেদাবাদ
• ১৯৬২-৭৪ ভাৰতীয় ব্যৱস্থাপনা প্ৰতিষ্ঠান, বেংগালুৰু
• ১৯৮৯ ৰাষ্ট্ৰীয় ফেশ্বন প্ৰযুক্তিবিদ্যা প্ৰতিষ্ঠান, দিল্লী^৬
• ১৯৯০ আহমদাবাদ নি গোফা, আহমেদাবাদ
• অৰণ্য কম খৰচী হাউছিং, ইন্দোৰ
• আই.এফ.এফ.চি.অ. টাউনশ্বিপ, কালোল
• সেৱাই গন্ধৰ্ব, পুনে
• প্ৰেমাভাই হল, আহমেদাবাদ
• টেগৰ হল, আহমেদাবাদ
• বিদ্যাধৰ নগৰ, জয়পুৰ

বঁটা আৰু সন্মান

ড॰ বালকৃষ্ণ দোশীয়ে বহুতো আন্তঃৰাষ্ট্ৰীয় আৰু ৰাষ্ট্ৰীয় বঁটা আৰু সন্মান লাভ কৰিছে।

• পদ্মশ্ৰী, ভাৰত চৰকাৰ, ১৯৭৬
• অৰণ্য কমিউনিটি হাউছিংৰ বাবে ১৯৯৩-১৯৯৫ৰ স্থাপত্যবিদ্যাৰ ষষ্ঠ আগা খান বঁটা^৩
• কলা ক্ষেত্ৰত ফ্ৰান্সৰ সৰ্বোচ্চ সন্মান'অৰ্ডাৰ ডেছ আৰ্টছ ডেছ লেটাৰ্ছ', ২০১১^৭
• পেনচেলভিনীয়া বিশ্ববিদ্যালয়ৰ সন্মানীয় ডক্টৰেট ডিগ্ৰী
• স্থাপত্যবিদ্যাৰ সৰ্বোচ্চ পুৰস্কাৰ প্ৰিট্‌জকাৰ বঁটা, ২০১৮^৪
• পদ্মভূষণ, ভাৰত চৰকাৰ, ২০২০