নেহা কিৰপাল

নেহা কিৰপাল (Neha Kirpal)এগৰাকী ভাৰতীয় সামাজিক উদ্যোগী মহিলা। কলা আৰু মানসিক স্বাস্থ্যৰ কামৰ বাবে তেওঁ পৰিচিত। ২০০৮ চনত তেওঁ ইণ্ডিয়া আৰ্ট ফেয়াৰ প্ৰতিষ্ঠা কৰে, ^১২ লগতে তেওঁ আমাহা নামৰ মানসিক স্বাস্থ্য সংস্থা এটাৰো সহ-প্ৰতিষ্ঠাপক। ^৩ ভাৰত চৰকাৰে ভাৰতৰ মহিলাৰ বাবে আগবঢ়োৱা সৰ্বোচ্চ অসামৰিক সন্মান নাৰী শক্তিৰ সন্মানেৰে তেওঁক সন্মানিত কৰে ৷ ^৪

প্ৰাথমিক জীৱন আৰু শিক্ষা

ভাৰতৰ নতুন দিল্লীত জন্মগ্ৰহণ কৰা নেহা কিৰপালে দিল্লীতেই শৈশৱ কটাইছিল। চৰ্দাৰ পেটেল বিদ্যালয়ত স্কুলিয়া শিক্ষা গ্ৰহণ কৰি ^৫ পিছলৈ দিল্লীৰ লেডী শ্ৰী ৰাম কলেজত ৰাজনীতি বিজ্ঞান বিভাগত অধ্যয়ন কৰিছিল। ^৬ স্কুলীয়া আৰু বিশ্ববিদ্যালয়ৰ সময়ছোৱাত SPIC MACAYৰ সৈতে তেওঁ জড়িত আছিল। ^৭ লণ্ডনৰ কলা বিশ্ববিদ্যালয়ৰ পৰা বিপণনত স্নাতকোত্তৰ ডিগ্ৰী লাভ কৰে। ^{৬ ৮}

কেৰিয়াৰ

২০০৮ চনত কিৰপালে ইণ্ডিয়া আৰ্ট ফেয়াৰ (পূৰ্বতে ইণ্ডিয়া আৰ্ট ফেয়াৰ চামিট্) প্ৰতিষ্ঠা কৰে। সমসাময়িক শিল্পৰ ওপৰত গুৰুত্ব আৰোপ কৰাৰ বাবে এই মেলা পৰিচিত। ^{৯ ১০} ভাৰতৰ শিল্প বজাৰ পুনৰুজ্জীৱিত কৰাৰ কৃতিত্ব তেওঁক দিয়া হৈছিল। ^১ ২০১৭ চনৰ আগষ্ট মাহত কোম্পানীটোৰ ১০% অংশীদাৰিত্ব ৰাখি তেওঁ পদত্যাগ কৰে। ^১১ তাৰ পিছত ছুইজাৰলেণ্ডৰ এমচিএইচ গ্ৰুপক নিজৰ কলা ব্যৱসায় বিক্ৰী কৰে। ^{১২ ১৩}

তেখেতে ফেডাৰেচন অৱ ইণ্ডিয়ান চেম্বাৰ্ছ অৱ কমাৰ্চ এণ্ড ইণ্ডাষ্ট্ৰীৰ (এফআইচিচিআই) নেচনেল এডভাইজাৰী কমিটি ফৰ আৰ্টত কাৰ্যনিৰ্বাহ কৰিছিল। ^১৪

২০১৯ চনত কিৰপালে অমিত মালিকৰ সৈতে আমাহা হেল্থ (পূৰ্বৰ ইনাৰহাউৰ)ত যোগদান কৰে। আমাহা হেল্থ হৈছে সমগ্ৰ ভাৰততে থেৰাপী প্ৰদান কৰা এটা মানসিক স্বাস্থ্য সংস্থা। ^{৩ ১৫ ১৬}

২০২৪ চনত তেওঁ ডাঃ নন্দিনী মুৰালীৰ সৈতে সহ-লেখিকা হিচাপে "মেণ্টেল হেল্থ্: লাইভড্ এক্সপেৰিয়েন্স অৱ ৰেজিলেন্স এণ্ড হ'প" গ্ৰন্থ প্ৰকাশ কৰে। ^১৭

বঁটা

২০১২ চনত কিৰপালক ইণ্ডিয়া টুডেৰ ২৫ গৰাকী শক্তিশালী মহিলাৰ তালিকাত অন্তৰ্ভুক্ত কৰা হৈছিল। ^১৮ ২০১৪ আৰু ২০১৫ চনত ফৰ্চুন ইণ্ডিয়াই তেওঁক ৪০ বছৰ অনুৰ্ধৰ ৪০ৰ তালিকাত স্থান দিছিল। ^{১৯ ২০ ২১} ২০১৪ চনত ইণ্ডিয়া টুডেৰ পৰা আটাইতকৈ শক্তিশালী মহিলা বঁটা লাভ কৰে। ^২২ বিজনেছ টুডে আলোচনীয়ে ২০১২-১৪ চনৰ বাবে তেওঁক "বিজনেছৰ আটাইতকৈ শক্তিশালী মহিলা" হিচাপে ঘোষণা কৰে। ^{২৩ ২৪ ২৫} ২০১৪ চনত ফৰ্বছ ইণ্ডিয়া আৰ্ট এৱাৰ্ডত কিৰপালে বছৰৰ আৰ্ট এণ্টাৰপ্ৰেনিউৰ আছিল। ^২৬

২০১৫ চনত নাৰী শক্তি সন্মানেৰে সন্মানিত হৈছিল ৷ ভাৰত চৰকাৰৰ মহিলা আৰু শিশু উন্নয়ন মন্ত্ৰালয়ে এই বঁটা প্ৰদান কৰে আৰু আন্তঃৰাষ্ট্ৰীয় নাৰী দিৱসৰ দিনা ভাৰতৰ ৰাষ্ট্ৰপতি প্ৰণৱ মুখাৰ্জীয়ে তেওঁক এই বঁটা প্ৰদান কৰিছিল৷ ^৪ একে বছৰতে তেওঁক বিশ্ব অৰ্থনৈতিক মঞ্চই ভাৰতৰ যুৱ গ্ল'বেল লিডাৰ হিচাপে নিৰ্বাচিত কৰে আৰু ^২৭ এনডিটিভিৰ দ্বাৰা তেওঁক ২০১৫ চনৰ ইণ্ডিয়ান অৱ দ্য ইয়েৰ বঁটা প্ৰদান কৰা হয়। ^২৮ ২০১৭ চনত কিৰপাল এপ'ল ' আলোচনীৰ "৪০ আণ্ডাৰ ৪০ গ্ল'বেল"ত অন্তৰ্ভুক্ত আছিল। ^২৯

অনন্ত এছপেন চেণ্টাৰৰ কমলনয়ন বাজাজ ফেল'শ্বিপৰ তেওঁ ফেলো আছিল। ^৩০ ২০১৮ চনত আইজেনহাৱাৰ ইনোভেচন ফেলো হিচাপে নিৰ্বাচিত হয়। ^৩১ চিএনবিচি টিভি১৮য়ে ২০২৪ চনত ‘ফিউচাৰ ফিমেল ফৰৱাৰ্ড’ৰ দ্বিতীয় ছিজনত লিংগ সমতা প্ৰচাৰৰ বাবে তেওঁৰ কথা উল্লেখ কৰিছিল। ^৩২